ઇડર ખેડબ્રહ્મા હાઇવે રોડ પર ગોઝારો અકસ્માત સર્જાયો, માતા-પુત્રનું થયું મૃત્યુ

સાબરકાંઠા, 18 સપ્ટેમ્બર, રાજ્યમાં અવારનવાર અકસ્માતની ઘટના સામે આવતી હોય છે. ઈડર-ખેડબ્રહ્મા હાઈવે પર મહારાણા પ્રતાપ સર્કલ નજીક બેફામ ટ્રકના ચાલકે બાઈક પર જતા પરિવારને અડફેટે લીધો હતો. જેમાં ટ્રકની ટક્કરે માતા-પુત્રનું કરૂણ મૃત્યુ થયું છે. જ્યારે પતિ ગંભીર રીતે ઘાયલ થતાં સારવાર માટે ખાનગી હોસ્પિટલ ખસેડાયો હતો. ઈડર પોલીસ ઘટના સ્થળે પહોંચી આગળની તપાસ હાથ ધરી છે. અકસ્માતના પગલે હાઇવે પર ટ્રાફિક જામ થઈ ગયો હતો.

સાબરકાંઠાના ઈડર ખેડબ્રહ્મા હાઈવે પર ટ્રક અને બાઈક વચ્ચે અકસ્માતની ઘટના બની છે. સાબરકાંઠાના મહારાણા પ્રતાપ સર્કલ નજીક ટ્રક ચાલકે બાઈકને અડફેટે લીધું હતું. જે બાદ બાઈક સવાર માતા-પુત્રનું મૃત્યુ નિપજ્યું છે. જ્યારે બાઈક ચાલકને ખાનગી હોસ્પિટલમાં સારવાર અર્થે ખસેડવામાં આવ્યા છે. ટ્રક ચાલકે સ્ટીયરિંગ પરથી કાબુ ગુમાવતા અકસ્માત સર્જાયો હોવાનું સામે આવ્યું છે. આ અકસ્માત સર્જી ટ્રક ચાલક ફરાર થઈ ગયો છે. ઈડર પોલીસ અને 108ની ટીમ ઘટના સ્થળે પહોંચી આગળની તપાસ હાથ ધરી છે. ઘટના સ્થળે લોકોના ટોળેટોળાં એકઠા થઈ ગયા હતા જેને પગલે સ્ટેટ હાઇવે પર ટ્રાફિક જામ થયો હતો.

મહારાણા પ્રતાપ સર્કલ નજીક સર્જાયેલા ગંભીર અકસ્માતમાં પોલીસે પ્રાથમિક તપાસ હાથ ધરતાં ઘાયલ વ્યક્તિને સારવાર માટે તાત્કાલિક હોસ્પિટલ ખસેડયો. જ્યારે અકસ્માતની ઘટનામાં મૃત્યુ પામનાર 2 મૃતકોના મૃતદેહને પીએમ અર્થે ખસેડવાની તજવીજ હાથ ધરી. ઘટનાસ્થળ પર હાજર કેટલાક લોકોનું કહેવું છે કે ટ્રક ચાલકે સ્ટેરીંગ પરથી કાબૂ ગુમાવતા આ અકસ્માત બનવા પામ્યો હતો. હાઈવે પર બાઈક પર પતિ પત્ની અને એક બાળક સવાર હતા. હાઈવે પર પસાર થતા બાઈક ચાલક સાથે ટ્રક ચાલકની ટક્કર થતા ગંભીર અકસ્માત સર્જાયો. ટ્રક ચાલક અકસ્માત સર્જી ઘટના સ્થળેથી ફરાર થયો. આ ઘટનામાં માતા પુત્રનું કરુણ મૃત્યુ નિપજયું જ્યારે પતિનો આબાદ બચાવ થયો. માતા પુત્રનું મોત નીપજતા આખા પરિવારમાં શોકની લાગણી છવાઇ ગઇ છે.

આ પણ વાંચો…અમદાવાદમાં બુટલેગરો બેફામ, ઓટો રિક્ષા લઈને દારૂની હોમ ડિલિવરી કરાઈ