The Great Indian Kapil Show Season 2માં આ સિતારાઓ સામેલ થશે, નેટફ્લિકસે ટ્રેલરમાં દેખાડી ઝલક
મુંબઈ – 15 સપ્ટેમ્બર : પ્રખ્યાત કોમેડિયન કપિલ શર્માના શો ‘ધ ગ્રેટ ઈન્ડિયન કપિલ શો’ની બીજી સીઝનનું ટ્રેલર શનિવારે રિલીઝ કરવામાં આવ્યું છે. કપિલે શોની પ્રથમ સિઝનમાં રણબીર કપૂર, તેની માતા નીતુ અને તેની બહેન રિદ્ધિમા કપૂરને મહેમાન તરીકે આમંત્રિત કર્યા હતા. કપિલ શર્માએ શોની બીજી સિઝનમાં આલિયા ભટ્ટ કપૂરને આમંત્રણ આપ્યું છે. શોના ટ્રેલરમાં આલિયા ભટ્ટની ઝલક પણ જોવા મળી છે. ‘ધ ગ્રેટ ઈન્ડિયન કપિલ શો’ની બીજી સીઝનના ટ્રેલરમાં આલિયા ભટ્ટ, કપિલ અને તેમની ટીમ મસ્તીભર્યા મૂડમાં જોવા મળી રહી છે. આલિયા દિલથી હસી રહી છે.ઉલ્લેખનીય છે કે કપૂર પરિવારે કપિલના સ્ટ્રીમિંગ શોનું ઉદ્ઘાટન કર્યું હતું.
View this post on Instagram
બીજી સિઝનમાં ક્રિકેટ સ્ટાર્સનો જાદુ જોવા મળશે
બીજી સિઝનના ટ્રેલરમાં સિનેમા અને ક્રિકેટની દુનિયાના દિગ્ગજ કલાકારોનો જમાવડો જોવા મળે છે. માત્ર થોડીક સેકન્ડના આ ટ્રેલરને દર્શકોનો ઘણો પ્રેમ મળી રહ્યો છે. આ ટ્રેલરને થોડા જ કલાકોમાં લાખો વ્યુઝ મળ્યા છે. શોની બીજી સિઝનમાં, સૂર્યકુમાર યાદવ, રમત જગતના રોહિત શર્મા, એનટીઆર જુનિયર, કરણ જોહર, સૈફ અલી ખાન અને ફિલ્મ જગતના જાહ્નવી કપૂર જેવા મહેમાનો શોની શોભા વધારશે. કપિલના શોમાં સુનીલ ગ્રોવર, કૃષ્ણા અભિષેક, કીકુ શારદા, રાજીવ ઠાકુર અને અર્ચના પુરણ સિંહ પણ છે. સીઝન 2માં કપિલની ટી-20 વર્લ્ડ વિનિંગ ટીમના કેપ્ટન રોહિત શર્મા સાથે પણ મસ્તી મજાક જોવા મળશે.
આ શોમાં બોલિવૂડ સ્ટાર્સ પણ જોવા મળશે
ટીવી અને ફિલ્મના પડદા પર પોતાના અભિનયથી લાખો દિલો પર રાજ કરનારા સુપરસ્ટાર્સ પણ તેનો ભાગ હશે. ‘ધ ગ્રેટ ઈન્ડિયન કપિલ શો’નું ફોર્મેટ મહદઅંશે શર્માના અગાઉના શો ‘ધ કપિલ શર્મા શો’ અને ‘કોમેડી નાઈટ્સ વિથ કપિલ’ જેવું જ છે. આ શો કપિલ શર્મા અને તેની કોમેડિયનોની ટીમની આસપાસ ફરે છે, જેમાં સુનીલ ગ્રોવર, કીકુ શારદા, કૃષ્ણા અભિષેક અને રાજીવ ઠાકુરનો સમાવેશ થાય છે. આ શોની બીજી સીઝન 21 સપ્ટેમ્બરના રોજ Netflix પર આવવાની છે.
આ પણ વાંચો : અરવિંદ કેજરીવાલે રાજીનામું આપવાની કરી જાહેરાત, દિલ્હીનું મુખ્યમંત્રીપદ છોડશે
