અદાણી ગ્રુપના સ્વિસ બેંકમાં 31 કરોડ ડોલર ફ્રીઝ, હિંડનબર્ગનો વધુ એક ધડાકો, કંપનીએ કર્યો ખુલાસો
નવી દિલ્હી, 13 સપ્ટેમ્બર : અમેરિકન શોર્ટ સેલર હિંડનબર્ગ રિસર્ચે ફરી એકવાર અદાણી જૂથને નિશાન બનાવ્યું છે અને દાવો કર્યો છે કે સ્વિસ સત્તાવાળાઓએ મની લોન્ડરિંગ અને છેતરપિંડીના આરોપોની તપાસના ભાગરૂપે અદાણી જૂથના છ સ્વિસ બેંક ખાતામાં જમા કરાયેલા રૂ. 31 કરોડ ડોલર ફ્રીઝ કરી દીધા છે.
Swiss authorities have frozen more than $310 million in funds across multiple Swiss bank accounts as part of a money laundering and securities forgery investigation into Adani, dating back as early as 2021.
Prosecutors detailed how an Adani frontman invested in opaque…
— Hindenburg Research (@HindenburgRes) September 12, 2024
હિંડનબર્ગે સોશિયલ મીડિયા પર પોસ્ટ કર્યું કે સ્વિસ સત્તાવાળાઓએ મની લોન્ડરિંગ અને છેતરપિંડી અંગેની તપાસના ભાગરૂપે અદાણી જૂથના કેટલાક સ્વિસ બેંક ખાતાઓમાં જમા કરાયેલા $310 મિલિયનથી વધુને ફ્રીઝ કરી દીધા છે. આ તપાસ 2021થી ચાલી રહી છે.
સ્વિસ મીડિયા આઉટલેટ ગોથમ સિટી દ્વારા ટાંકવામાં આવેલા હિંડનબર્ગે વર્ણવ્યું છે કે કેવી રીતે અદાણીનું પ્રતિનિધિત્વ કરતા સહયોગીએ બ્રિટિશ વર્જિન ટાપુઓ/મોરિશિયસ અને બર્મુડામાં સંદિગ્ધ ભંડોળમાં રોકાણ કર્યું. આ ફંડના મોટા ભાગના નાણાં અદાણીના શેર્સમાં રોકાયા હતા. આ છ સ્વિસ બેંકોમાં 31 કરોડથી વધુ ડોલર હતા, જે હવે ફ્રીઝ કરવામાં આવ્યા છે. સ્વિસ ક્રિમિનલ કોર્ટના રેકોર્ડ પરથી આ વાત સામે આવી છે.
અદાણી ગ્રુપે આ આરોપોને ખોટા ગણાવ્યા હતા
અદાણી ગ્રુપે હિંડનબર્ગના આ આરોપોને ખોટા ગણાવ્યા છે. ગ્રૂપ દ્વારા એક નિવેદન જારી કરવામાં આવ્યું છે જેમાં કહેવામાં આવ્યું છે કે આ બધું તેમની માર્કેટ વેલ્યુને નીચે લાવવા માટે કરવામાં આવી રહ્યું છે તેમજ અમારી કંપનીનું કોઈ એકાઉન્ટ જપ્ત કરવામાં આવ્યું નથી. અમારું વિદેશી હોલ્ડિંગ માળખું સંપૂર્ણપણે પારદર્શક અને કાયદા અનુસાર છે. અમને એ કહેવામાં કોઈ સંકોચ નથી કે આ તે લોકોનો પ્રયાસ છે જેઓ અમારી પ્રતિષ્ઠા અને બજાર મૂલ્યને નુકસાન પહોંચાડવાનું કામ કરી રહ્યા છે.
અદાણી ગ્રુપ દ્વારા જારી કરાયેલા નિવેદનમાં કહેવામાં આવ્યું છે કે અમે રજૂ કરાયેલા આ તમામ પાયાવિહોણા આરોપોને સંપૂર્ણપણે નકારી કાઢીએ છીએ. વધુમાં, ઉપરોક્ત આદેશમાં, સ્વિસ કોર્ટ દ્વારા ન તો અમારી ગ્રૂપ કંપનીઓનો ઉલ્લેખ કરવામાં આવ્યો છે અને ન તો અમને આવી કોઈ સત્તા અથવા નિયમનકાર તરફથી કોઈપણ પ્રકારની સ્પષ્ટતા માટે કોઈ વિનંતી મળી છે.
