અનામત અંગે રાહુલનો અસલી ચહેરો સામે આવ્યો: અમિત શાહના આકરા પ્રહારો

• અમેરિકામાં અનામતને લઈને રાહુલ ગાંધીએ આપેલા નિવેદનથી ભારતીય રાજકારણમાં હલચલ મચી ગઈ

નવી દિલ્હી, 11 સપ્ટેમ્બર: અમેરિકામાં અનામતને લઈને રાહુલ ગાંધીએ આપેલા નિવેદનથી ભારતીય રાજકારણમાં હલચલ મચી ગઈ છે. ક્વોટા અંગેના એક પ્રશ્નના જવાબમાં રાહુલ ગાંધીએ કહ્યું હતું કે, “કોંગ્રેસ યોગ્ય સમયે અનામત ખતમ કરવા અંગે વિચારશે.” તેમના આ જવાબને લઈને વિવાદ ઊભો થઈ ગયો છે અને જેના પર હવે ગૃહમંત્રી અમિત શાહે આકરા પ્રહારો કર્યા છે. અમિત શાહે કહ્યું છે કે, “અનામત ખતમ કરવાની વાત કરીને રાહુલ ગાંધીએ ફરી એકવાર કોંગ્રેસનો અનામત વિરોધી ચહેરો સામે આવ્યો છે. રાહુલ ગાંધીનું નિવેદન કોંગ્રેસની પ્રાદેશિકતા, ધર્મ અને ભાષાના આધારે  ભાગલા પાડવાની રાજનીતિનો પર્દાફાશ થયો છે.

देशविरोधी बातें करना और देश को तोड़ने वाली ताकतों के साथ खड़े होना राहुल गाँधी और कांग्रेस पार्टी की आदत सी बन गई है। चाहे जम्मू-कश्मीर में JKNC के देशविरोधी और आरक्षण विरोधी एजेंडे का समर्थन करना हो, या फिर विदेशी मंचों पर भारत विरोधी बातें करनी हो, राहुल गाँधी ने देश की सुरक्षा…

— Amit Shah (@AmitShah) September 11, 2024

અમિત શાહે વધુમાં કહ્યું કે, “જમ્મુ-કાશ્મીરમાં નેશનલ કોન્ફરન્સના રાષ્ટ્રવિરોધી એજન્ડાને સમર્થનની વાત હોય કે વિદેશમાં ભારત વિરોધી ટીપ્પણી કરવી હોય, રાહુલે દેશની સુરક્ષાને જોખમમાં મુકી છે. ભારતના ભાગલા પાડવાનું ષડયંત્ર રચી રહેલી શક્તિઓની સાથે ઉભા રહેવું અને રાષ્ટ્ર વિરોધી નિવેદનો કરવા એ રાહુલ ગાંધી અને કોંગ્રેસની આદત બની ગઈ છે.” એક  પ્રશ્નના જવાબમાં રાહુલ ગાંધીએ કહ્યું હતું કે, ભારતમાં અનામત ખતમ કરવાનો આ યોગ્ય સમય નથી. અમે તેના વિશે ત્યારે વિચારીશું, જ્યારે ભારત એક સારું સ્થાન બની જશે.” જ્યોર્જટાઉન યૂનિવર્સિટીના વિદ્યાર્થીઓ સાથે વાતચીત દરમિયાન તેમણે કહ્યું કે, ” ભારતમાં જ્યારે સ્થિતિ સારી થશે અને દરેક સુધી તેમના અધિકારો પહોંચશે, ત્યારે આ વાત પર વિચારી કરી શકાશે.