iPhone 16 અને 16 Pro સિરીઝ લોન્ચ: ભારતમાં શું છે કિંમત? જાણો તમામ પ્રશ્નોના જવાબ

• કંપનીએ Apple Watch Series 10, Apple Watch Ultra 2 અને Apple AirPods 4 પણ લોન્ચ કરી

નવી દિલ્હી, 10 સપ્ટેમ્બર: Appleએ મધરાત્રે iPhone 16 અને iPhone 16 Pro સિરીઝ લૉન્ચ કરી દીધી છે. આ સિવાય કંપનીએ Apple Watch Series 10, Apple Watch Ultra 2 અને Apple AirPods 4 પણ લોન્ચ કરી છે. તો હવે બધાના મનમાં પ્રશ્ન એ ઊભા થાય છે કે આ તમામ પ્રોડક્ટ્સની કિંમત શું રાખવામાં આવી છે અને આ પ્રોડક્ટ્સના ફીચર્સ શું છે. તો આવો જાણીએ તેના વિશે…

iPhone 16 અને iPhone 16 Pro સિરીઝ સંપૂર્ણપણે નવી સ્ટાઈલમાં લોન્ચ કરવામાં આવી છે. તે એકદમ નવી ડિઝાઇન, નવું એક્શન બટન, અપગ્રેડેડ કેમેરા અને આકર્ષક કલર વેરિઅન્ટ ધરાવે છે. તેની શરૂઆતી કિંમત 79,900 રૂપિયા છે.

iPhone 16 અને iPhone 16 Plusની કિંમત

iPhone 16 અને iPhone 16 Plus પાંચ કલર વેરિઅન્ટમાં લોન્ચ કરવામાં આવ્યા છે, જે Ultramarine, Teal, Pink, White અને Black છે. તેમાં 128GB, 256GB અને 512GB સ્ટોરેજનો વિકલ્પ છે. iPhone 16ની શરૂઆતની કિંમત (128 GB)79,900 રૂપિયા અને iPhone 16 Plusની શરૂઆતની કિંમત (128 GB)89,900 રૂપિયા છે. iPhone 16ના 512GB વેરિઅન્ટની કિંમત 1,09,900 રૂપિયા હશે. iPhone 16 Plusના 256GB વેરિઅન્ટની કિંમત રૂ. 99,900 અને 512GB વેરિઅન્ટની કિંમત 1,19,900 રૂપિયા હશે.

iPhone 16 Pro અને 16 Pro Maxની કિંમત

iPhone 16 Pro (128GB)ની પ્રારંભિક કિંમત રૂ. 119900, 256 GB વેરિઅન્ટની કિંમત રૂ. 129900 અને 512 GB વેરિઅન્ટની કિંમત રૂ. 149900 તેમજ 1 TB વેરિઅન્ટની કિંમત 169900 રૂપિયા હશે. iPhone 16 Pro Max (256GB)ની શરૂઆતી કિંમત રૂ. 144900, 512GB વેરિઅન્ટની કિંમત 164900 રૂપિયા તો 1TB વેરિઅન્ટની કિંમત 1,84,900 રૂપિયા હશે.

iPhone 16 અને iPhone 16 Plusના ફીચર્સ

તમને iPhone 16માં 6.1-ઇંચની ડિસ્પ્લે અને iPhone 16 Plusમાં 6.7-ઇંચની ડિસ્પ્લે મળશે. સ્ક્રીનની બ્રાઇટનેસ 2000 Nits છે. જેમાં તમારી પાસે કેમેરા કેપ્ચર બટન છે, જેની મદદથી તમે એક ક્લિકમાં કેમેરાને એક્સેસ કરી શકશો. આ સિવાય યુઝર્સ ફોટો પણ ક્લિક કરી શકશે.

iPhone 16માં મળશે નવું ચિપસેટ

iPhone 16 સીરીઝમાં A18 ચિપસેટ આપવામાં આવી છે. કંપનીએ કહ્યું કે, આ પ્રોસેસર માત્ર સ્માર્ટફોન સાથે જ નહીં પરંતુ ઘણા ડેસ્કટોપ સાથે પણ સ્પર્ધા કરી શકે છે. તેમાં એપલ ઈન્ટેલિજન્સનું ફીચર છે, જેની સાથે પ્રાઈવસીનું પણ ધ્યાન રાખવામાં આવ્યું છે.

iPhone 16 Pro સિરીઝ પણ લોન્ચ કરવામાં આવી

ગયા વર્ષની જેમ આ વર્ષે પણ એપલે પ્રો સીરીઝ હેઠળ બે હેન્ડસેટ લોન્ચ કર્યા છે, જોકે આ વખતે કંપનીએ ડિસ્પ્લેની સાઈઝ વધારી છે. તેમના નામ iPhone 16 Pro અને iPhone 16 Pro Max છે. આ હેન્ડસેટમાં Apple Intelligence આપવામાં આવ્યું છે. કંપનીએ iPhone 16 Pro સિરીઝમાં ફરીથી ટાઈટેનિયમનો ઉપયોગ કર્યો છે.

iPhone 16 Proમાં 6.3 ઇંચની ડિસ્પ્લે છે, જ્યારે iPhone 16 Pro Maxમાં 6.9 ઇંચની ડિસ્પ્લે છે. ગયા વર્ષે લોન્ચ કરાયેલા iPhone 15 Proમાં 6.1 ઇંચની ડિસ્પ્લે હતી અને iPhone 15 Pro Maxમાં 6.7 ઇંચની ડિસ્પ્લે હતી.

પાવરફુલ ચિપસેટ A18 Pro ચિપ મળશે

iPhone 16 Pro લાઇનઅપમાં A18 Pro ચિપ સાથે 16-core Neural Engine આપવામાં આવ્યું છે. આ અંગે કંપનીનો દાવો છે કે, તે શાનદાર પરફોર્મન્સ આપશે. તે iPhone 15 Pro કરતા 15 ટકા ઝડપી હશે.

Apple Watch Series 10 ભારતમાં લોન્ચ કરવામાં આવી

ભારતમાં Apple Watch Series 10ની કિંમત 46,900 રૂપિયા રાખવામાં આવી છે. કંપનીનો દાવો છે કે, આ અત્યાર સુધીની સૌથી પાતળી અને સૌથી હળવી સ્માર્ટવોચ છે. તેમાં મોટી ડિસ્પ્લે છે. એપલ વોચ સીરીઝ 10 વિશે, કંપનીનો દાવો છે કે તે માત્ર 30 મિનિટમાં 80 ટકા ચાર્જ થઈ જાય છે.

Apple Watch Ultra 2 લોન્ચ

સોમવારની ઇવેન્ટમાં Apple Watch Ultra 2 પણ લોન્ચ કરવામાં આવી છે. આ એક્સ્ટ્રીમ ડ્યુરેબિલિટી અને હાઇપરફોર્મન્સ સાથેની વોચ છે. પ્રોટેક્શન માટે, તેમાં Rugged Titanium case અને સ્ક્રેScratch-Resistant Sapphire ફ્રન્ટ ક્રિસ્ટલ છે. તેમાં ડ્યુઅલ ફ્રીક્વન્સી જીપીએસ છે. Apple India વેબસાઇટ પર તેની કિંમત જાહેર કરવામાં આવી નથી.

Apple AirPods 4 લોન્ચ

Appleએ ભારતમાં AirPods 4ને બે વેરિઅન્ટમાં લોન્ચ કર્યા છે, જેમાંથી એક ANC મોડલ છે, જ્યારે બીજું Non ANC મોડલ છે. ભારતમાં AirPods 4 (ANC વગર)ની કિંમત 12,900 રૂપિયા છે. AirPods 4 ANCની કિંમત 17,900 રૂપિયા છે. તેનો પ્રી ઓર્ડર શરૂ થઈ ગયો છે. AirPods 4 100 ટકા ફાઇબર આધારિત સામગ્રીમાંથી બનાવવામાં આવે છે.

આ પણ જૂઓ: મહિન્દ્રાની આ સસ્તી SUV લૉન્ચ થતાં જ વેચાણમાં તડાકો, ગ્રાહકો કેમ ખુશ છે?