ઋષભ પંતે કુલદીપ યાદવને માં કસમ ખાવાનું કેમ કહ્યું? દુલીપ ટ્રોફીમાં જોવા મળ્યો ફની સીન

• ટીમ ઈન્ડિયાના સ્ટાર વિકેટકીપર બેટ્સમેન ઋષભ પંતનો વીડિયો સોશિયલ મીડિયામાં વાયરલ

HD ન્યૂઝ ડેસ્ક, 9 સપ્ટેમ્બર: ભારતમાં દુલીપ ટ્રોફીનું આયોજન કરવામાં આવી રહ્યું છે. બાંગ્લાદેશ સામેની ટેસ્ટ શ્રેણી પહેલા ભારતીય ટીમના સ્ટાર ખેલાડીઓ દુલીપ ટ્રોફીમાં ભાગ લઈ રહ્યા છે. જ્યાં ખેલાડીઓ ખૂબ જ મસ્તી કરતા જોવા મળી રહ્યા છે. આ દરમિયાન ટીમ ઈન્ડિયાના સ્ટાર વિકેટકીપર બેટ્સમેન ઋષભ પંતનો એક વીડિયો બહાર આવ્યો છે. આ વીડિયો સોશિયલ મીડિયા પર વાયરલ થઈ રહ્યો છે. પંત લગભગ 2 વર્ષના લાંબા બ્રેક બાદ રેડ બોલ ક્રિકેટમાં પરત ફર્યો છે. જ્યાં તે બેંગલુરુમાં ઈન્ડિયા A અને ઈન્ડિયા B વચ્ચેની દુલીપ ટ્રોફી મેચ દરમિયાન સંપૂર્ણ આનંદી મૂડમાં હતો. આ વીડિયોમાં પંત કુલદીપ યાદવ સાથે મજાક કરતો જોવા મળી રહ્યો છે. જ્યાં પંતે કુલદીપને તેની માતાના કસમ ખાવાનું કહ્યું હતું.

જૂઓ વીડિયો

Rishabh Pant teasing Kuldeep Yadav😂#DuleepTrophy2024 pic.twitter.com/Pj5swF5l7T

— ẞĀÂD (@saad157614) September 8, 2024

Rishabh Pant – sab aage aao, ye single lega (everyone come close, he’ll take the single).

Kuldeep Yadav – main nahi luga (I won’t take the single).

Pant – Maa Kasam khale nahi lega (take mom’s swear then). 🤣👏#rishabhpant #DuleepTrophy #cricket #bcci pic.twitter.com/zd8d6CrGWP

— Shivam pachouri (@Shivampachour13) September 8, 2024

ઋષભ પંતે કુલદીપ યાદવને કર્યો પરેશાન!

દુલીપ ટ્રોફી દરમિયાન પંતના ઘણા વીડિયો સોશિયલ મીડિયા પર વાયરલ થઈ રહ્યા છે. આ દરમિયાન, તેણે વિરોધી બેટ્સમેનોને ચીડાવવાથી લઈને તેમની ટીમની મધ્યમાં ઘૂસવા સુધી, મેદાન પર તેની હરકતોથી ચાહકોનું મનોરંજન કર્યું. મેચના છેલ્લા દિવસે જ્યારે ઈન્ડિયા B ઈન્ડિયા Aને હરાવવાનો પ્રયાસ કરી રહી હતી ત્યારે પંતની મજા ચરમસીમા પર હતી. આ ઘટના 44મી ઓવરમાં બની જ્યારે ઈન્ડિયા A લક્ષ્યનો પીછો કરી રહી હતી. કુલદીપ યાદવ અને આકાશ દીપ ક્રિઝ પર હતા અને સ્ટમ્પની પાછળ ઊભેલા પંત સતત કુલદીપને હેરાન કરી રહ્યા હતા. તેણે કુલદીપને વારંવાર એક રન લેવાનું કહ્યું અને દાવો કર્યો કે, તેણે કુલદીપને આઉટ કરવા માટે ખાસ પ્લાન બનાવ્યો હતો.

પંતની મજા અહીં જ અટકી નહીં. તેણે સ્ટમ્પ માઈક પર કહ્યું કે, તારી ઈચ્છા છે, તો તું છક્કો માર અથવા સિંગલ લે. ભાઈ, આને આ સિંગલ લેવા દો. તેના માટે ખૂબ જ મજબૂત પ્લાન બનાવવામાં આવ્યો છે. પંતની વાત સાંભળીને કુલદીપ પણ હસી પડ્યો અને બોલ્યો, “ઠીક છે ભાઈ, આટલી ચિંતા કેમ કરે છે?” પંતે મજાકમાં કહ્યું, તું વહેલો આઉટ થઈ જા અને ભવિષ્યવાણી કરી કે કુલદીપ આગામી ત્રણ ઓવરમાં આઉટ થઈ જશે. મહત્ત્વપૂર્ણ બાબત એ છે કે પંતની આગાહી સાચી સાબિત થઈ. બે ઓવર પછી, કુલદીપ યાદવે વોશિંગ્ટન સુંદરનો બોલ શોર્ટ એક્સ્ટ્રા કવર પર રમ્યો, જ્યાં મુશીર ખાને આસાન કેચ પકડી લીધો. કુલદીપ આઉટ થયા બાદ પંત આનંદથી ઉછળી પડ્યો અને બૂમ પાડી, હા, તે આઉટ થઈ ગયો, તે આઉટ થઈ ગયો.

પંતે માં કસમ ખાવાનું કેમ કહ્યુ?

આ દરમિયાન પંતનો વધુ એક વીડિયો સોશિયલ મીડિયા પર વાયરલ થઈ રહ્યો છે. જેમાં તે કુલદીપ તરફ ઈશારો કરીને કહી રહ્યો છે કે, બધા આગળ આવી જાઓ, તે સિંગલને લેશે. આ દરમિયાન કુલદીપ તેને કહેતો જોવા મળ્યો કે તે સિંગલ નહીં લે. ત્યારે પંતે તેને મજાકમાં કહ્યું કે, “માં કસમ ખા કે નહીં લે.” ફેન્સ આ સમગ્ર ઘટનાનો વીડિયો સોશિયલ મીડિયા પર જોરદાર રીતે શેર કરી રહ્યા છે. પંત તેની સ્ટાઈલ માટે દુનિયાભરમાં જાણીતો છે. તેના કારણે ટેસ્ટ ક્રિકેટ પણ ખૂબ મજેદાર લાગે છે.

આ પણ જૂઓ: બાંગ્લાદેશ સાથેની ટેસ્ટ સીરીઝ માટે ભારતીય ટીમની જાહેરાત, ઋષભ પંતની વાપસી