મધ્યપ્રદેશમાં રેલ દુર્ઘટના, ઈન્દોર-જબલપુર એક્સપ્રેસ ટ્રેનના ડબ્બા પાટા પરથી ઉતરી ગયા

• જબલપુર સ્ટેશનથી 150 મીટરના અંતરે ટ્રેનના બે ડબ્બા પાટા પરથી ઉતરી ગયા, અકસ્માતમાં કોઈને ઈજા થઈ નથી

મધ્યપ્રદેશ, 7 સપ્ટેમ્બર: મધ્યપ્રદેશના જબલપુર રેલવે સ્ટેશન પાસે મોટી દુર્ઘટના લગભગ ટળી હતી. અહીં ઈન્દોર-જબલપુર ઓવરનાઈટ એક્સપ્રેસના બે ડબ્બા પ્લેટફોર્મ પર પહોંચતા પહેલા પાટા પરથી ઉતરી ગયા હતા. જોકે આ અકસ્માતમાં કોઈને ઈજા થઈ નથી. હકીકતમાં, ટ્રેન શનિવારે સવારે 5:50 વાગ્યે જબલપુર સ્ટેશન પહોંચી હતી. ત્યારે સ્ટેશનથી 150 મીટરના અંતરે ટ્રેનના બે ડબ્બા પાટા પરથી ઉતરી ગયા હતા. જોકે, ટ્રેનની સ્પીડ ઓછી હોવાને કારણે કોઈ મોટી દુર્ઘટના થઈ ન હતી. ટ્રેનમાં સવાર તમામ મુસાફરો સુરક્ષિત હોવાનું કહેવાય છે. તે જ સમયે, રેલવે ટ્રેક પર વાહનવ્યવહાર ફરીથી શરૂ કરવા માટે કામ કરવામાં આવી રહ્યું છે. રેલવે વિભાગના અધિકારીઓ અને કર્મચારીઓ પણ ઘટના સ્થળે પહોંચી ગયા છે.

#WATCH | Two coaches of Indore- Jabalpur Overnight Express derailed in Jabalpur, Madhya Pradesh. No casualties/injuries reported.

More details awaited pic.twitter.com/A8y0nqoD0r

— ANI (@ANI) September 7, 2024

વહેલી સવારે થયો અકસ્માત 

મહત્ત્વપૂર્ણ છે કે, ઈન્દોર-જબલપુર ઓવરનાઈટ એક્સપ્રેસ ટ્રેનના બે ડબ્બા પ્લેટફોર્મ પર પહોંચતા પહેલા પાટા પરથી ઉતરી ગયા હતા. આ અંગે માહિતી આપતા પશ્ચિમ મધ્ય રેલવેના સીપીઆરઓ હર્ષિત શ્રીવાસ્તવે જણાવ્યું હતું કે, “ઈન્દોર-જબલપુર ઓવરનાઈટ એક્સપ્રેસ જે ઈન્દોરથી આવી રહી હતી અને જબલપુર જઈ રહી હતી, જ્યારે તે ડેડ સ્ટોપ સ્પીડમાં હતી, ત્યારે તેના બે કોચ પાટા પરથી ઉતરી ગયા હતા. કોઈ નુકસાન થયું નથી. બધા મુસાફરો સુરક્ષિત છે અને પોતાના ઘરો તરફ રવાના થઈ ગયા હતા આ ઘટના સવારે લગભગ 5.50 વાગ્યે બની હતી જ્યારે ટ્રેન પ્લેટફોર્મ પર પહોંચી હતી.

#WATCH | Madhya Pradesh: Harshit Shrivastava, CPRO, West Central Railway says, “The train was coming from Indore. When it was heading towards Jabalpur railway station’s platform number 6, the train was moving slowly and 2 coaches derailed. All passengers are safe. The incident… https://t.co/8zzhTjTgdV pic.twitter.com/lIEEIHkp4u

— ANI (@ANI) September 7, 2024

18મી ઓગસ્ટે પણ એક અકસ્માત થયો હતો

ઉલ્લેખનીય છે કે, થોડા દિવસો પહેલા જબલપુર ડિવિઝનમાં એક રેલવે સ્ટેશન પાસે એક ટ્રેન લોખંડના સળિયા સાથે અથડાઈ હતી, ત્યારબાદ આરપીએફએ ઘટનાની તપાસ શરૂ કરી હતી. પશ્ચિમ મધ્ય રેલવેના સીપીઆરઓ હર્ષિત શ્રીવાસ્તવે જણાવ્યું હતું કે, અધિકારીઓને 18 ઓગસ્ટના રોજ લગભગ 10 વાગ્યે કચ્છપુરા રેલ્વે સ્ટેશન (જબલપુર જિલ્લો) નજીક નૈનપુર-જબલપુર ટ્રેન (05706) લોખંડના સળિયા સાથે અથડાવાની માહિતી મળી હતી. તેમણે કહ્યું કે, જબલપુર આરપીએફએ આ ઘટનાના સંબંધમાં કેસ નોંધ્યો છે અને તે શોધવા માટે તપાસ શરૂ કરી છે કે, શું તે ખલેલ પહોંચાડવાનું કાવતરું હતું અથવા કોઈએ તેમનો સામાન ત્યાં છોડી દીધો હતો.આરપીએફ દક્ષિણ પૂર્વ મધ્ય રેલવે બિલાસપુર વિભાગ સાથે મળીને ઘટનાની તપાસ કરી રહી છે.

આ પણ જૂઓ: ઉજ્જૈનમાં ધોળે દિવસે જાહેરમાં મહિલા ઉપર દૂષ્કર્મ થયું, માણસો બનાવતા રહ્યા વીડિયો