મેક-અપ બગડશે તો ખબર નહીં પડે કે કંગના છે કે કંગનાની માતાઃ કોંગ્રેસ મંત્રી

શિમલા, 4 સપ્ટેમ્બર : હિમાચલ પ્રદેશના મંત્રી જગત સિંહ નેગીએ મંડીની લોકસભા સાંસદ કંગના રનૌતને લઈને વિવાદાસ્પદ ટિપ્પણી કરી છે. નેગીએ કહ્યું કે જો કંગના વરસાદમાં હિમાચલ આવી હોત તો તેનો મેક-અપ વરસાદમાં ધોવાઈ ગયો હોત અને પછી ખબર ન પડી હોત કે તે કંગના છે કે તેની માતા. જગત સિંહ નેગીએ વિધાનસભામાં તેમના ભાષણ દરમિયાન આ વાંધાજનક ટિપ્પણી કરી હતી.

નેગીએ વિધાનસભામાં કહ્યું, ‘અમે કેટલા સમયમાં પીડિતોને રાહત આપી શકીશું. હમણાં જ ક્યાંક વાદળ ફાટ્યું અને મામલો પહોંચતા બે દિવસ લાગ્યા. જેમ કંગનાએ કર્યું હતું. કંગનાએ ટ્વીટ કર્યું કે કેટલાક અધિકારીઓ-ધારાસભ્યોએ કહ્યું કે હિમાચલમાં રેડ અને યલો એલર્ટ છે, તેથી અત્યારે ન આવો. જ્યારે તેમના મતવિસ્તારમાં 24 લોકોએ જીવ ગુમાવ્યા હતા. મંડીમાં  9 લોકોએ જીવ ગુમાવ્યા હતા. સંભવતઃ જયરામ જી એ ધારાસભ્યોમાં હશે જેમણે હવે ન આવવાનું કહ્યું હશે. અધિકારીઓને ખબર નથી કે તે અધિકારીઓ કોણ હતા. જ્યારે બધું બરાબર હતું, ત્યારે ત્યાં પહોંકહ્યા હતા.

આ પછી પણ નેગીએ અભિનેત્રીમાંથી સાંસદ બનેલી કંગના પર બોલવાનું ચાલુ રાખ્યું અને વાંધાજનક ટિપ્પણી કરી. ‘વરસાદમાં તો એ આમેય ન આવત. બધો મેક-અપ બગડી ગયો હોત. પછી કંગના છે કે તેની માતા તે ખબર જ નાં પડત. આ દરમિયાન કેટલાક ધારાસભ્યોના હાસ્યનો અવાજ પણ સંભળાય છે. નેગીએ કહ્યું કે બધુ બરાબર થઈ ગયા પછી કંગનાએ મગરના આંસુ વહાવી ચાલી નીકળી.

આ પહેલા લોકસભા ચૂંટણી દરમિયાન કોંગ્રેસ પ્રવક્તા સુપ્રિયા શ્રીનેતના એક્સ હેન્ડલ પરથી કંગના વિશે વિવાદાસ્પદ પોસ્ટ કરવામાં આવી હતી. આ અંગે ભારે હોબાળો થયો હતો. હવે ફરી એકવાર નેગીના નિવેદન પર હંગામો થયો છે.

આ પણ વાંચો :વિધાનસભા ચૂંટણી માટે ભાજપની ખાસ વ્યૂહરચના ; નવા અને યુવા ચહેરાઓ પર લગાવી શકે છે દાવ