યુટ્યુબરે ખરીદેલો 84 લાખનો રોબોટ ડોગ માલિક પર જ આગની જ્વાળાઓ ફેંકવા લાગ્યો! જૂઓ વીડિયો
- દુનિયામાં પ્રખ્યાત એવા અમેરિકન યુટ્યુબર IShowSpeedનો તાજેતરનો ઘણો ખતરનાક વીડિયો વાયરલ
HD ન્યૂઝ ડેસ્ક, 04 સપ્ટેમ્બર: પોતાના અનોખા કન્ટેન્ટ માટે દુનિયામાં પ્રખ્યાત એવા અમેરિકન યુટ્યુબર IShowSpeedનો તાજેતરનો ઘણો ખતરનાક વીડિયો વાયરલ થઈ રહ્યો છે. જેમાં તેણે ચીનમાંથી $1,00,000 (લગભગ 84 લાખ રૂપિયા)માં ખરીદેલા રોબોટ ડોગની ઓનલાઈન સમીક્ષા કરી છે. પરંતુ આ સમીક્ષા દરમિયાન કંઈક ખતરનાક બન્યું જેના કારણે યુટ્યુબરને પણ ભાગવું પડ્યું. વીડિયોમાં આ કૂતરો અચાનક આક્રમક બની જાય છે.
જૂઓ આ ખતરનાક વીડિયો
View this post on Instagram
કૂતરો આગની જ્વાળા છોડવાનું શરૂ દે છે
આ વીડિયોને અત્યાર સુધીમાં 45 મિલિયનથી વધુ વખત જોવામાં આવ્યો છે. જેમાં IShowSpeedને એક હાઇ-ટેક ડોગનું પરીક્ષણ કરતા બતાવવામાં આવ્યું છે. પહેલા તે કહે છે કે, આ ડોગને તેણે 84 લાખ રૂપિયામાં ખરીદ્યો છે ત્યાર બાદ તે તેને બેસવાનો આદેશ આપે છે. તે આ આદેશ પર બેસી જાય છે. પછી તે કહે છે કે, મને તારો પંજો આપ, તો ડોગ તેણે તેના હાથમાં પંજો મૂકે છે. આ પછી, યુટ્યુબર બેકફ્લિપ કરીને કૂતરાને આવું કરવા કહે છે, તો કૂતરો પણ કૂદી પડે છે. અત્યાર સુધી બધુ બરાબર છે પરંતુ યુટ્યુબર તેને ભસવાનું કહે કે તો તરત જ મોટી ગરબડ થઈ જાય છે. હકીકતમાં, તેને ભસવાનું કહેવામાં આવે છે, પરંતુ ડોગ યુટ્યુબર પર આગની જ્વાળા છોડવાનું શરૂ કરી દે છે. વ્યક્તિ પોતાનો જીવ બચાવવા માટે કૂદાકૂદ કરી મૂકે છે અને અંતે સ્વિમિંગ પૂલમાં કૂદી પડે છે. તે પૂલમાંથી જ બૂમો પાડે છે અને કૂતરાને આદેશ આપે છે કે, રોકાઈ જા! અને કૂતરો અટકી જાય છે.
ઇન્સ્ટાગ્રામ પર શોર્ટ ક્લિપ સિવાય આખો વીડિયો યુટ્યુબ પર શેર કરવામાં આવ્યો છે જે વધુ ખતરનાક છે. તે બતાવે છે કે, IShowSpeed પહેલા રોબોટ ડોગને અનબોક્સિંગ કરે છે અને તેને આદેશો સાથે સેટ કરે છે. રોબોટ કૂતરો શરૂઆતમાં વધુ પ્રતિક્રિયા આપી રહ્યો નથી, અને પછી એક તબક્કે તેણે આગ ફેંકવાનું શરૂ કર્યું, જેણે યુટ્યુબરને પણ ઝટકો આપી દીધો.
લોકોએ વીડિયો પર આપી પ્રતિક્રિયાઑ
જો કે, એક મિત્રની મદદથી, તે આખરે આ હાઇ-ટેક મશીનને સુરક્ષિત રીતે કેવી રીતે ચલાવવું તે શોધવામાં સફળ થાય છે. iShowSpeedના આ વીડિયો પર લોકોની ઘણી પ્રતિક્રિયાઓ આવી છે. એક વ્યક્તિએ મસ્તી કરતાં કહ્યું કે, “ભાઈ, તમે રોબોટ ડોગ ખરીદ્યો છે કે રોબોટ ડ્રેગન?” બીજાએ કહ્યું કે, “આ થોડી જોખમી પ્રોડક્ટ લાગે છે, તે માલિકને જ સળગાવી નાખશે.” અન્ય એકે પૂછ્યું કે, “આ કૂતરો શેના માટે છે અને તે શા માટે આગ ફેંકી રહ્યો છે, શું તેમાં કંઈ ગરબડી છે?“
ઉલ્લેખનીય છે કે, આ પહેલીવાર નથી જ્યારે યુટ્યુબરે પોતાના વીડિયોથી લોકોને ચોંકાવી દીધા હોય. થોડા સમય પહેલા, તે ત્યારે ચર્ચામાં આવ્યો હતો જ્યારે તેણે ફૂટબોલની જર્સી પહેરીને બે સ્પીડિંગ લક્ઝરી કાર પર કૂદકો માર્યો હતો.
આ પણ જૂઓ: ‘ઉત્તરપ્રદેશ સરકાર, મેજિસ્ટ્રેટ’ લખેલી કારમાં બતાવ્યા સ્ટંટ, વીડિયો થયો વાયરલ
