નવી દિલ્હી, 2 સપ્ટેમ્બર : સુપ્રીમ કોર્ટે દિલ્હીના મુખ્યમંત્રી અરવિંદ કેજરીવાલના પીએ બિભવ કુમારને જામીન આપી દીધા છે. બિભવ કુમારની આમ આદમી પાર્ટીના રાજ્યસભા સાંસદ સ્વાતિ માલીવાલ પર કથિત હુમલાના આરોપમાં ધરપકડ કરવામાં આવી હતી. આ મામલા બાદ રાજકીય ગરમાવો આવી ગયો હતો અને સીએમ કેજરીવાલ અને આમ આદમી પાર્ટી વિપક્ષી પાર્ટીઓના નિશાના પર આવી ગયા હતા.
આ પણ વાંચોઃ અમિતાભ બચ્ચનની દોહિત્રી અમદાવાદમાં ભણશે,IIMAમાં આ કોર્સમાં લીધું એડમિશન
બિભવ કુમારની આ વર્ષની શરૂઆતમાં અટકાયત કરવામાં આવી હતી. સ્વાતિ માલીવાલે બિભવ કુમાર પર હુમલાનો આરોપ લગાવ્યો હતો. કોર્ટે બિભવને સીએમ ઓફિસથી દૂર રહેવાનો આદેશ આપ્યો છે. બિભવ કુમારને મહત્વપૂર્ણ અને સંવેદનશીલ સાક્ષીઓની જુબાની પૂરી ન થાય ત્યાં સુધી મુખ્યમંત્રી કાર્યાલયમાં પ્રવેશ ન કરવાનો આદેશ આપવામાં આવ્યો છે.
આ સિવાય તેઓ કોઈપણ જાહેર મંચ પર કેસની સુનાવણી અંગે કોઈ ટિપ્પણી કરશે નહીં. ખંડપીઠે સ્પષ્ટ કર્યું કે આ શરતો માત્ર સાક્ષીઓની સલામતી સુનિશ્ચિત કરવા માટે લાદવામાં આવી છે અને કોઈપણ દબાણ વિના તેમની જુબાની હાથ ધરવામાં આવી શકે છે. ટ્રાયલ કોર્ટ ત્રણ અઠવાડિયામાં મહત્વના સાક્ષીઓની જુબાની પૂરી કરવાનો પ્રયાસ કરશે.
