અમદાવાદ, 02 સપ્ટેમ્બર 2024, બોલિવૂડ મેગા સ્ટાર અમિતાભ બચ્ચનની દોહિત્રી નવ્યા નવેલી નંદાને IIM અમદાવાદમાં એડમિશન મળ્યું છે. નવ્યાએ તેના કેમ્પસની ઘણી તસવીરો સોશિયલ મીડિયા પર શેર કરી છે. તેણે આ તસવીરો શેર કરીને જણાવ્યું હતું કે, તે હવે બે વર્ષ સુધી અમદાવાદની IIMAમાં ભણશે.
View this post on Instagram
બ્લેન્ડેડ પોસ્ટ ગ્રેજ્યુએશન પ્રોગ્રામ BPGP MBA કરી રહી છે
નવ્યા નવેલી નંદાએ તેના ઇન્સ્ટાગ્રામ એકાઉન્ટ પર તેની કેટલીક તસવીરો શેર કરીને કેપ્શનમાં લખ્યુ છે કે સપના સાચા થાય છે. તે આઇઆઇએમ અમદાવાદમાંથી વર્ષ 2026 સુધી અભ્યાસ કરશે. આગામી 2 વર્ષ. શ્રેષ્ઠ લોકો અને શિક્ષકો સાથે. તેણે કોર્સનું નામ પણ જણાવ્યું છે. તે ‘બ્લેન્ડેડ પોસ્ટ ગ્રેજ્યુએશન પ્રોગ્રામ BPGP MBA કરી રહી છે.આ તસવીરો સામે આવતાની સાથે જ ચાહકોએ તેને શુભકામના પાઠવી રહ્યા છે. નવ્યાની આ પોસ્ટ પર સ્ટારકિડ્સ તથા બોલિવૂડ સેલિબ્રિટીસ પર કમેન્ટ કરી રહ્યા છે.
યુઝર્સ શું કહી રહ્યાં છે
નવ્યાની આ પોસ્ટ પર કરિશ્મા કપૂરે અભિનંદન પાઠવ્યા. તો બીજી તરફ અનન્યા પાંડે, સનાયા કપૂર, ઝોયા અખ્તરે પણ પોતાનો પ્રેમ દર્શાવ્યો છે. એક યુઝરે કમેન્ટ કરી કે ચાલો કઈક તો સામાન્ય દેખાયુ. યુઝરે લખ્યું કે એક તો તમે ભારતમાં જ કરિયર બનાવશો, બીજુ એ કે આ નોર્મલ કોર્ષ છે, નહીંતર સેલિબ્રિટીના દિકરા, દીકરી એવા કોર્સ કરે જે બીજા ઓછા લોકો કરતા હોય.
આ પણ વાંચોઃકેરળના કોચી બાદ હવે સુરતની તાપી નદીમાં દોડશે વોટર મેટ્રો, તૈયારી શરૂ કરાઈ
