ખેડૂતોના આંદોલનના 200 દિવસ પૂરા થવા પર શંભુ બોર્ડર પર પહોંચી વિનેશ ફોગટ, કહ્યું- ‘દુઃખ થાય છે’
- વિનેશે કહ્યું, “તેઓને અહીં બેઠાં 200 દિવસ થઈ ગયા છે. આ જોઈને દુઃખ થાય છે. તેઓ બધા આ દેશના નાગરિક છે. ખેડૂતો દેશ ચલાવે છે. તેમના વિના કંઈ જ શક્ય નથી.”
પંજાબ, 31 ઓગસ્ટ: ખેડૂતોના આંદોલનના 200 દિવસ પૂરા થવા પર કુસ્તીબાજ વિનેશ ફોગાટ શંભુ બોર્ડર પર ખેડૂતોના વિરોધ સ્થળ પર પહોંચી હતી. તેણે કહ્યું, “તેઓ અહીં બેઠા છે તેને 200 દિવસ થઈ ગયા છે. તે જોઈને દુઃખ થાય છે. તેઓ બધા આ દેશના નાગરિક છે. ખેડૂતો દેશ ચલાવે છે. તેમના વિના કંઈ શક્ય નથી, એથ્લેટ પણ નહીં. જો તેઓ આપણને ખાવાનું નહીં ખવડાવે તો સ્પર્ધામાં ભાગ પણ નહીં લઈ શકીએ. ઘણી વખત આપણે લાચાર હોઈએ છીએ અને કંઈ કરી શકતા નથી. અમે આટલા મોટા સ્તરે દેશનું પ્રતિનિધિત્વ કરીએ છીએ, પરંતુ અમે અમારા પરિવાર માટે કંઈ કરી શકતા નથી. હું સરકારને વિનંતી કરું છું કે તેઓ તેમની વાત સાંભળે. તેણે છેલ્લી વાર પોતાની ભૂલ સ્વીકારી લીધી હતી. તેણે પોતાના વચનો પૂરા કરવા જોઈએ. જો લોકો આ રીતે રસ્તા પર બેસી રહેશે તો દેશ આગળ નહીં વધે.”
#WATCH | Olympian wrestler Vinesh Phogat was felicitated by farmer leaders today, as she arrived at their protest site at Shambhu border as the agitation completed 200 days. pic.twitter.com/4yXLXhv2KR
— ANI (@ANI) August 31, 2024
વિનેશ ફોગાટે કહ્યું, “આજે હું માત્ર ખેડૂતોના મુદ્દા પર વાત કરીશ, રાજકારણ પર કોઈ વાત નહીં થાય. હું પણ એક ખેડૂત પરિવારમાંથી છું. મને ખબર છે કે ખેડૂતોને કઈ સમસ્યાઓનો સામનો કરવો પડે છે. ખેલાડી બનતા પહેલા હું પણ ખેતરમાં જ કામ કરતી હતી.. હું જાણું છું કે મારી માતાએ અમને કેવી રીતે ઉછેર્યા છે. જો ખેડૂતોને ખાવાનું જ નહીં પકવે તો ખેલોડીઓને ભોજન ક્યાંથી મળશે? કોંગ્રેસની ટિકિટ આપવા અંગે તેમણે કહ્યું કે આજે કોઈ રાજકીય નિવેદન નથી. સરકારે મોટું દિલ બતાવીને વાત કરવી જોઈએ.”
વિનેશને સંઘર્ષ કરવા છતાં ન મળ્યું પરિણામ
વિનેશ ફોગાટ ગયા વર્ષે જાન્યુઆરી મહિનામાં અન્ય કુસ્તીબાજો સાથે બ્રિજભૂષણ સિંહ સામે હડતાળ પર બેસી ગઈ હતી. કુસ્તીબાજોએ બ્રિજભૂષણ સિંહ સામે લાંબા સમય સુધી સતત વિરોધ કર્યો. તેમના પર જાતીય શોષણ જેવા ગંભીર આરોપો લગાવવામાં આવ્યા હતા, પરંતુ કુસ્તી સંગઠનમાં બ્રિજ ભૂષણના વર્ચસ્વને ખતમ કરી શક્યા ન હતા. આને લગતું એક પોસ્ટર પણ ચર્ચામાં હતું. આ પછી વિનેશે પેરિસ ઓલિમ્પિકમાં વર્લ્ડ ચેમ્પિયનને હરાવીને તેની સફર શરૂ કરી અને ફાઇનલમાં જગ્યા બનાવી. જોકે તેનું વજન 50 કિલોથી વધુ વધી ગયું હતું. તેણીએ તેને ઘટાડવા માટે શક્ય તેટલી બધી કોશિશ કરી, પરંતુ અંતે તેનું વજન 100 ગ્રામ વધુ રહ્યું અને તે ઓલિમ્પિકમાંથી અયોગ્ય જાહેર થઈ. વિનેશે મેડલ વિના પરત ફરવું પડ્યું અને તેણે કુસ્તીમાંથી નિવૃત્તિ જાહેર કરી.
આ પણ વાંચો:કંગના રનૌત સંસદમાં રહેવા લાયક નથી: ખેડૂતોને લઈને અભિનેત્રીના નિવેદન પર રોબર્ટ વાડ્રા ભડક્યા
