કંગનાએ દીપિકા પાદુકોણના ચક્કરમાં પોલીસની જીપને ટક્કર મારી, સંભળાવ્યો મજેદાર કિસ્સો

HD ન્યૂઝ ડેસ્ક, 29 ઑગસ્ટ :  કંગના બોલિવૂડમાં સૌથી વધુ ચર્ચામાં રહેતી અભિનેત્રીઓમાંથી એક છે. ઈન્ડસ્ટ્રીમાં કોઈ ગોડફાધર વિના તેણે પોતાની જગ્યા બનાવી છે. કંગના ફિલ્મો બાદ રાજકારણમાં પણ આવી ગઈ છે. દરમિયાન, અભિનેત્રી તેની આગામી ફિલ્મ ‘ઇમરજન્સી‘ માટે હેડલાઇન્સમાં છે, જે ટૂંક સમયમાં થિયેટરોમાં આવશે.અત્યારે કંગના પૂરા જોશ સાથે પોતાની આગામી ફિલ્મના પ્રમોશનમાં વ્યસ્ત છે. કંગના તેની ફિલ્મોની સાથે સાથે તેની બેબાક રાય માટે પણ પ્રખ્યાત છે. કંગનાની બોલિવૂડ સફર ઘણી પ્રેરણાદાયી રહી છે. તેણે પોતાના દમ પર ઈન્ડસ્ટ્રીમાં પોતાની ઓળખ બનાવી છે અને આજે તે ઈન્ડસ્ટ્રીની ટોચની અભિનેત્રીઓમાંની એક છે.

કંગના રનૌતની ઇમરજન્સી સપ્ટેમ્બરમાં રિલીઝ થશે
અત્યારે કંગના રનૌત, જે તેની ફિલ્મ ‘ઇમરજન્સી‘ના પ્રમોશનમાં વ્યસ્ત છે, તેણે તાજેતરમાં એક ખૂબ જ રસપ્રદ ખુલાસો કર્યો છે. અભિનેત્રીએ જણાવ્યું કે કેવી રીતે તેણે એકવાર દીપિકા પાદુકોણને કારણે પોલીસની કારને ટક્કર મારી હતી.

કંગનાએ ડ્રાઇવિંગ શીખવાના દિવસો યાદ કર્યા
વાતચીત દરમિયાન કંગના રનૌતે એ દિવસોને યાદ કર્યા જ્યારે તે ડ્રાઇવિંગ શીખતી હતી. અભિનેત્રી કહે છે કે ડ્રાઇવિંગ શીખતી વખતે તે ઘણીવાર અન્ય વાહનો સાથે અથડાતી હતી. કંગનાએ યાદ કર્યું કે તેણી અને દીપિકા પાદુકોણે લગભગ એક જ સમયે ડેબ્યુ કર્યું હતું અને બંને એક જ ડ્રાઇવિંગ સ્કૂલમાં ડ્રાઇવિંગ શીખ્યા હતા. તે સમયે બંને બાંદ્રામાં રહેતા હતા.

કંગના અને દીપિકા એક જ ડ્રાઇવિંગ સ્કૂલમાં ભણતા હતા
આ ઘટનાને યાદ કરતાં કંગનાએ કહ્યું- ‘દીપિકા પાદુકોણ અને મેં લગભગ એક જ સમયે બોલિવૂડમાં એન્ટ્રી કરી હતી. તેણે 2007માં અને મેં 2006માં ડેબ્યૂ કર્યું હતું. અમે ત્યારે બાંદ્રામાં રહેતા હતા અને એ જ ડ્રાઇવિંગ સ્કૂલમાં જતા હતા. મેં પહેલી વાર ડ્રાઇવિંગ ટેસ્ટ આપ્યો. મેં મારી સેન્ટ્રો ચલાવી અને ઓટો રિક્ષાને ટક્કર મારી. ડ્રાઈવર બૂમો પાડતો બહાર આવ્યો અને પછી મને ખ્યાલ આવ્યો કે મેં બ્રેકને બદલે એક્સીલેટર દબાવ્યું હતું. ઓટો ચાલક એટલો ડરી ગયો કે તે ભાગી ગયો. કદાચ એને વિચાર્યું હશે કે તે કેવી પાગલ સ્ત્રી છે. આ પછી મેં ગાડી ચલાવાનું બંધ કરી દીધું.

કંગનાએ પોલીસની જીપને ટક્કર મારી હતી
કંગનાએ વધુ વિગતો જણાવી. તેણે કહ્યું- ‘પાંચ વર્ષ પછી મેં દીપિકાને SUV ચલાવતી જોઈ અને વિચાર્યું કે ‘અમે એક જ ડ્રાઈવિંગ સ્કૂલમાં હતા. તે જ સમયે ડ્રાઇવિંગ શીખ્યા, તે ડ્રાઇવિંગ કરી રહી છે અને હું હજી પણ ડ્રાઇવ કરી શકતી નથી. આ ગર્વની વાત બની ગઈ હતી. તેથી મેં ફરીથી ડ્રાઇવિંગ કરવાનો પ્રયાસ કરવાનું નક્કી કર્યું. ત્યારે મારી પાસે BMW હતી. મેં એક અઠવાડિયા સુધી સખત પ્રેક્ટિસ કરી અને ડ્રાઇવિંગ ટેસ્ટ માટે ગઈ. આ વખતે મારી કારની આગળ પોલીસની જીપ હતી. મેં ફરીથી એ જ ભૂલ કરી, બ્રેકને બદલે એક્સિલરેટર દબાવી દીધું હતું. ડ્રાઈવરે કહ્યું- મેડમ, તમે પોલીસની ગાડીને ટક્કર મારી છે.

આ પણ વાંચો : બ્રિજભૂષણ સિંહને દિલ્હી HCમાંથી ઝટકો; FIR, ચાર્જશીટ, લાગેલા આરોપો સામે કરી હતી અરજી