પાચન સુધારશે કાકડીનો જ્યુસ, જાણો કેવી રીતે બનાવીને પીશો?

• કાકડીનો જ્યુસ સ્વાદિષ્ટ હોવાની સાથે પોષક તત્વોથી પણ ભરપૂર છે. તે શરીરને અનેક રીતે ફાયદો કરે છે. કાકડીમાં ભરપૂર માત્રામાં પોષક તત્વો હોય છે જે શરીર માટે અનેક રીતે ફાયદાકારક સાબિત થઈ શકે છે

HD ન્યુઝ ડેસ્ક: કાકડીનો લોકો સલાડ તરીકે ખૂબ જ ઉપયોગ કરે છે, પરંતુ તે હેલ્થની દ્રષ્ટિએ પણ ખૂબ જ ફાયદાકારક છે. કાકડીનો જ્યુસ સ્વાદિષ્ટ હોવાની સાથે પોષક તત્વોથી પણ ભરપૂર છે. તે શરીરને અનેક રીતે ફાયદો કરે છે. કાકડીમાં ભરપૂર માત્રામાં પોષક તત્વો હોય છે જે શરીર માટે અનેક રીતે ફાયદાકારક સાબિત થઈ શકે છે. જે લોકોને પેટની સમસ્યા હોય તેમના માટે કાકડીનો રસ ફાયદાકારક સાબિત થઈ શકે છે.

જો કાકડીનો રસ નિયમિત રીતે પીવામાં આવે તો તેનાથી ઘણી બીમારીઓથી રાહત મળે છે. કાકડીમાં વિટામિન કે પણ જોવા મળે છે જે આંખોની રોશની માટે સારું માનવામાં આવે છે. ચાલો જાણીએ કાકડીનો રસ પીવાના ફાયદા અને તેને બનાવવાની રીત.

કાકડીનો રસ પીવાના ફાયદા

વજન ઘટાડવામાં મદદ

વધતા વજનથી પરેશાન લોકોએ કાકડીનો રસ પીવો જોઈએ. કાકડીના રસમાં કેલરી ઓછી હોય છે અને તે ફાઈબરથી ભરપૂર હોય છે. જે લાંબા સમય સુધી પેટ ભરેલું રાખે છે. તે વજન ઘટાડવામાં મદદ કરે છે.

પાચનતંત્રને હેલ્ધી રાખે છે

પાચનને લગતી સમસ્યાઓથી પીડાતા લોકો માટે કાકડીનો રસ ખૂબ જ અસરકારક સાબિત થઈ શકે છે. કાકડીમાં પુષ્કળ પ્રમાણમાં પાણી હોય છે, જે પાચનતંત્રને સ્વસ્થ રાખવામાં મદદ કરે છે. તે કબજિયાત અને એસિડિટી જેવી સમસ્યાઓથી રાહત અપાવે છે.

ત્વચા માટે ફાયદાકારક

કાકડીમાં એન્ટીઓક્સીડન્ટ હોય છે જે ત્વચાને ફ્રી રેડિકલ્સથી બચાવે છે અને તેને સ્વસ્થ રાખે છે. તે ત્વચાને ચમકદાર અને કોમળ બનાવવામાં મદદ કરે છે.

આંખો માટે ફાયદાકારક

કાકડીમાં વિટામિન કે હોય છે જે આંખના સ્વાસ્થ્ય માટે ફાયદાકારક છે. તે આંખોની રોશની સુધારવામાં અને મોતિયા જેવી સમસ્યાઓથી બચાવવામાં મદદ કરે છે.

શરીરને હાઈડ્રેટ રાખે છે

શરીર માત્ર ઉનાળામાં જ ડિહાઈડ્રેટ થતું નથી, પરંતુ ચોમાસામાં પણ આવું થાય છે. કાકડીમાં 96% પાણી હોય છે જે શરીરને હાઇડ્રેટ રાખે છે. તે શરીરને ઠંડુ રાખવામાં પણ મદદ કરે છે.

બ્લડ પ્રેશરને નિયંત્રિત કરે છે

કાકડીમાં પોટેશિયમ હોય છે જે બ્લડ પ્રેશરને નિયંત્રિત કરવામાં મદદ કરે છે. જે લોકોને હાઈ બ્લડ પ્રેશરની તકલીફ હોય છે તેમના માટે કાકડીનું જ્યુસ પીવું લાભદાયક છે.

કાકડીનો રસ કેવી રીતે બનાવશો?

સામગ્રી
1 કાકડી
પાણી (જો જરૂર હોય તો)
લીંબુનો રસ (સ્વાદ મુજબ)
ફુદીનાના પાન (સ્વાદ મુજબ)

રીત:

કાકડીનો રસ બનાવવો ખૂબ જ સરળ છે. આ માટે સૌથી પહેલા કાકડીને સારી રીતે ધોઈને તેની છાલ કાઢી લો. આ પછી, કાકડીને નાના ટુકડાઓમાં કાપી લો. હવે બ્લેન્ડરમાં કાકડીના ટુકડા, પાણી (જો જરૂર હોય તો), લીંબુનો રસ અને ફુદીનાના પાન નાખીને સારી રીતે બ્લેન્ડ કરો. પછી જ્યુસને ગાળીને ગ્લાસમાં કાઢી લો. જો તમે ઈચ્છો તો તેમાં બરફના ટુકડા કે સહેજ સંચર પણ ઉમેરી શકો છો.

આ પણ વાંચોઃ દિવસભર તમે તો નથી પીતાને 5-6 કપ ચા? તો ચેતો, આ થઈ શકે છે નુકશાન