શ્રદ્ધા કપૂરના સ્ટારડમને અલગ લેવલ પર લઈ ગઈ ‘સ્ત્રી 2’, હવે આ ફિલ્મોમાં મચાવશે ધૂમ

મુંબઈ – 27 ઑગસ્ટ : બોલિવૂડ અભિનેત્રી શ્રદ્ધા કપૂર અત્યારે ‘સ્ત્રી 2’ની સફળતાનો આનંદ માણી રહી છે. દર્શકોને તેમની હોરર-કોમેડી ફિલ્મ ઘણી પસંદ આવી રહી છે. ફિલ્મે 11 દિવસમાં બોક્સઓફિસને કબ્જે કરી લીધી છે. આ ફિલ્મ શ્રદ્ધા કપૂરના સ્ટારડમને પણ એક અલગ જ લેવલ પર લઈ ગઇ છે. અભિનેત્રી ઈન્સ્ટાગ્રામ પર સૌથી વધુ ફોલોઅર્સ ધરાવતી બીજી ભારતીય બની ગઈ છે. આજે અમે તમને શ્રદ્ધાની આવનારી ફિલ્મો વિશે જણાવીશું.

ચાલબાઝ ઇન લંડન- ‘સ્ત્રી 2’ પછી શ્રદ્ધા કપૂર પાસે ફિલ્મ ‘ચાલબાઝ ઇન લંડન’ છે. ફિલ્મને પંકજપારાશર બનાવી રહ્યા છે. ફિલ્મનું મોશન પોસ્ટર પણ રિલીઝ થઈ ગયું છે.

નાગિન – વિશાલ ફુરિયા નિર્દેશિત ને નિખિલ દ્વિવેદી નિર્મિત ‘નાગિન’ નામની ફિલ્મમાં અભિનેત્રી જોવા મળશે.

કેટિના- અહેવાલો અનુસાર, શ્રદ્ધા કપૂર પાસે અસીમા છિબ્બર દ્વારા નિર્દેશિત ‘કેટિના’ છે.

નો એન્ટ્રી સિક્વલ – આ સિવાય અભિનેત્રી પાસે બોની કપૂરની ‘નો એન્ટ્રી’ની સિક્વલ પણ છે. આ માટે અભિનેત્રીનો પણ સંપર્ક કરવામાં આવ્યો હોવાના અહેવાલ સામે આવ્યા છે. જો કે હજુ સુધી કોઈ સત્તાવાર જાહેરાત કરવામાં આવી નથી.

સ્ત્રી 3 – ‘સ્ત્રી 2’ની જબરદસ્ત સફળતા પછી હવે દર્શકો ‘સ્ત્રી 3’ની રાહ જોઈ રહ્યા છે. આમાં શ્રદ્ધા કપૂર પણ જોવા મળશે. ‘સ્ત્રી 2’ના અભિનેતા અભિષેક બેનર્જીએ તાજેતરમાં આ વાતનો ખુલાસો કર્યો હતો. તેણે કહ્યું હતું કે સ્ક્રિપ્ટનો કેટલોક ભાગ પણ તૈયાર છે. જે એકદમ મજેદાર છે.

આ પણ વાંચો : ઢાકામાં ભારતીય વિઝા સેન્ટરમાં બદમાશો ઘૂસ્યા, વિઝા સેન્ટરના કર્મચારીઓ માટે તેમનું કામ ચાલુ રાખવું મુશ્કેલ