પ્રખ્યાત ટીવી અભિનેત્રી લગ્નના 7 વર્ષ પછી લેશે છૂટાછેડા, જણાવ્યું કારણ
મુંબઈ- 27 ઑગસ્ટ :ઈશ્કબાજ અને જીની ઔર જુજુમાં મહત્ત્વના પાત્રથી લોકોનું મનોરંજન કરી ચૂકેલી અભિનેત્રી નવીના બોલે તેના પતિ જીત કરનાની સાથે છૂટાછેડા લઈ રહી છે. અભિનેત્રી છેલ્લા ઘણા મહિનાઓથી તેના પતિથી અલગ રહે છે. નવીનાએ તાજેતરમાં આપેલા એક ઈન્ટરવ્યુમાં પતિ સાથે છૂટાછેડાનું કારણ પણ જણાવ્યું છે.
ઇન્ટરવ્યુમાં માહિતી આપી
ઈન્ટરવ્યુમાં તેણે કહ્યું કે, ‘જીત અને હું ત્રણ મહિનાથી અલગ થઈ ગયા છીએ અને અમે ટૂંક સમયમાં છૂટાછેડા માટે કાયદાકીય કાર્યવાહી પણ શરૂ કરીશું. માતાપિતા તરીકે અમે અમારી પાંચ વર્ષની દીકરી કિમીરાની પૂરતી સંભાળ રાખીશું.’
નવીનાએ આગળ કહ્યું કે, ‘જીત તેની સાથે અઠવાડિયામાં બે દિવસ વિતાવે છે. મ્યુચ્યુઅલ ડિસીઝનથી અમે બંને અલગ થઈએ છીએ અને અમે બંને એવું માનીએ છીએ કે સાથે દુઃખી રહેવા કરતાં અલગ થઇ સુખી જીવન જીવવું વધુ સારું છે. અમારું લગ્નજીવન શરૂઆતમાં ઘણું સારું હતું, પરંતુ ધીમે-ધીમે તે બદલાઈ ગયું. લગ્નમાં એકબીજા સાથે વાતચીત તથા ગુણવત્તાયુક્ત સમય પસાર કરવો મહત્ત્વનું છે.’
લગ્નના 7 વર્ષ બાદ અલગ થયા
નવીનાએ થોડો સમય ડેટિંગ કર્યા પછી 2017માં જીત કરનાની સાથે લગ્ન કર્યા હતા. લગ્નના બે વર્ષ પછી, 2019માં દંપતીના ઘરે કિમીરા નામની પુત્રી જન્મી હતી. જો કે, હવે લગ્નના 7 વર્ષ બાદ બંનેએ એકબીજાથી અલગ થવાનો નિર્ણય લીધો છે. કાયદાકીય રીતે છૂટાછેડા કરીને પછી, બંને તેમની પુત્રીને સાથે મળીને ઉછેરશે.
પ્રખ્યાત ટીવી શોમાં મહત્વના પાત્રો ભજવ્યા
નોંધનીય છે કે, નવીના બોલે હાલ ‘તારક મહેતા કા ઉલ્ટા ચશ્મા’માં ‘બાવરી’નો પાત્રમાં જોવા મળી રહી છે. તેણે અભિનેત્રી મોનિકા ભદૌરિયાની જગ્યા લીધી, જે વર્ષોથી ‘બાવરી’નું પાત્ર ભજવી રહી હતી. આ સિવાય નવીના સીઆઈડી, અદાલત, ઈશ્કબાઝ અને મિલે જબ હમ તુમ જેવા પ્રખ્યાત ટીવી શોનો ભાગ પણ રહી ચૂકી છે.
આ પણ વાંચો : જસ્ટિન ટ્રુડોએ ભારતીયોને આપ્યો મોટો ઝટકો, હવે કેનેડામાં નોકરી મેળવવી મુશ્કેલ, જાણો શું છે કારણ?
