માયાવતીએ બોલાવી BSPની રાષ્ટ્રીય કાર્યકારિણીની બેઠક, આગામી વિધાનસભા ચૂંટણીની રણનીતિ પર થશે વિચારમંથન

લખનૌ, 26 ઓગસ્ટ: બહુજન સમાજ પાર્ટીના સુપ્રીમો માયાવતીએ મંગળવારે રાષ્ટ્રીય કાર્યકારિણીની મહત્વપૂર્ણ બેઠક બોલાવી છે. માનવામાં આવે છે કે આ બેઠકમાં માયાવતી જમ્મુ-કાશ્મીર, હરિયાણા અને મહારાષ્ટ્રમાં આગામી વિધાનસભા ચૂંટણીની તૈયારીઓ તેમજ યુપીની 10 બેઠકો પર યોજાનારી પેટાચૂંટણીની રણનીતિ પર ચર્ચા કરશે. માયાવતીએ મંગળવારે લખનૌમાં પાર્ટી કાર્યાલયમાં બસપાની રાષ્ટ્રીય કાર્યકારિણીની મહત્વપૂર્ણ બેઠક બોલાવી છે. માનવામાં આવી રહ્યું છે કે બેઠકમાં તેમને ફરી એકવાર પાર્ટીના રાષ્ટ્રીય અધ્યક્ષ તરીકે પસંદ કરવામાં આવી શકે છે. તે 18 સપ્ટેમ્બર, 2003 થી સતત પાર્ટીના રાષ્ટ્રીય અધ્યક્ષ તરીકે ચૂંટાઈ રહ્યા છે.

આગામી વિધાનસભાની ચૂંટણી અંગે થશે ચર્ચા

એવું કહેવામાં આવી રહ્યું છે કે આ બેઠકમાં માયાવતી જમ્મુ-કાશ્મીર, મહારાષ્ટ્ર અને હરિયાણામાં યોજાનારી આગામી વિધાનસભા ચૂંટણીની તૈયારીઓ તેમજ યુપીની 10 બેઠકો પર યોજાનારી પેટાચૂંટણી અંગે વિચાર વિમર્શ કરશે અને આ અંગે ચૂંટણી પ્રચાર વ્યૂહરચના પણ તૈયાર કરશે.

આ પણ વાંચો: માયાવતીએ રાહુલ ગાંધી પર કર્યા જોરદાર પ્રહાર, કહ્યું- ‘તમે આટલા વર્ષો સુધી સત્તામાં રહ્યા, તમે કેમ ન કરાવી જાતિ ગણતરી?’

સભા બાદ પ્રચાર અભિયાન થશે શરૂ!

મળતી માહિતી મુજબ, BSPની આ બેઠક બાદ પાર્ટીના રાષ્ટ્રીય સંયોજક આકાશ આનંદ પોતાનો ચૂંટણી પ્રચાર શરૂ કરી શકે છે.

કોંગ્રેસ-એસપી સાથે ગઠબંધન નહીં કરે BSP: માયવતી

આ પહેલા રવિવારે માયાવતીએ જાહેરાત કરી હતી કે તેઓ કોઈપણ ચૂંટણીમાં કોંગ્રેસ અને સમાજવાદી પાર્ટી સાથે ગઠબંધન નહીં કરે. માયાવતીએ કોંગ્રેસ અને એસપી પર બાબાસાહેબ ભીમરાવ આંબેડકરની અવગણના કરવાનો આરોપ મૂક્યો અને કહ્યું કે કોંગ્રેસે ક્યારેય તેમને તેમના જીવનકાળ દરમિયાન અથવા મરણોત્તર ભારત રત્નથી સન્માનિત કર્યા નથી.

આ પણ વાંચો: ‘માયાવતી પર ટિપ્પણી કરનાર ધારાસભ્યને જૂતા મારવા જોઈએ’:સાંસદ ચંદ્રશેખર આઝાદ