અભિનેત્રીએ લગાવ્યો યૌન શોષણનો આરોપ, પ્રખ્યાત અભિનેતાને આ પદ પરથી આપવું પડ્યું રાજીનામું

મુંબઈ, 25 ઓગસ્ટ: જસ્ટિસ હેમા કમિટિનો રિપોર્ટ પ્રકાશમાં આવ્યા બાદ સિનેમા જગતમાં ખળભળાટ મચી ગયો છે. રિપોર્ટમાં મલયાલમ ફિલ્મ ઈન્ડસ્ટ્રીમાં મહિલાઓના ઉત્પીડન અને શોષણના કિસ્સાઓ પ્રકાશમાં આવ્યા છે. દરમિયાન, મલયાલમ અભિનેત્રી રેવતી સંપતે વરિષ્ઠ અભિનેતા અને AMMA (એસોસિએશન ઓફ મલયાલમ મૂવી આર્ટિસ્ટ)ના જનરલ સેક્રેટરી સિદ્દીક પર જાતીય શોષણનો આરોપ લગાવ્યો છે. અભિનેત્રીના આરોપો બાદ સિદ્દીકીએ AMMAના મહાસચિવ પદ પરથી રાજીનામું આપી દીધું છે. તેમણે સત્તાવાર રીતે AMMA પ્રમુખ મોહનલાલને પોતાનું રાજીનામું સોંપ્યું છે.

રાજીનામા પર સિદ્દીકીએ શું કહ્યું?

એક ટેલિવિઝન ચેનલ સાથે વાત કરતા સિદ્દીકીએ કહ્યું- હા, મેં સંગઠનના પ્રમુખ મોહનલાલને મારું સત્તાવાર રાજીનામું આપી દીધું છે. કારણ કે મારા પર આરોપો હતા. તેથી, મેં પદ પર ચાલુ ન રહેવાનો નિર્ણય કર્યો અને રાજીનામું આપ્યું છે.

અભિનેત્રીએ વરિષ્ઠ અભિનેતા પર લગાવ્યો આરોપ

તાજેતરમાં મીડિયા સાથેની વાતચીત દરમિયાન, સંપતે દાવો કર્યો હતો કે 21 વર્ષની ઉંમરે તેણીનું જાતીય શોષણ થયું હતું. આ ઘટના વિશે વાત કરતા અભિનેતાએ કહ્યું, ‘આ ઘટના એક મલયાલમ ફિલ્મ દરમિયાન બની હતી, જે નીલા થિયેટરમાં બતાવવામાં આવી રહી હતી. તેમણે મને ફિલ્મ વિશે વાત કરવા મેસ્કોટ હોટેલમાં બોલાવી હતી.

સંપતે કહ્યું કે, ‘વાતચીત દરમિયાન તેમણે મને પ્રેમથી દીકરી કહી. તે સમયે તેમના મનમાં શું ચાલી રહ્યું હતું તેનો મને ખ્યાલ નહોતો. હું તે હોટલમાં પ્રોફેશનલ મીટિંગ માટે ગઈ હતી. ત્યાં મારી સાથે આ બધું થશે એવી મને કલ્પના પણ નહોતી. જ્યારે હું મોટી થઈ ત્યારે મને સમજાયું કે આવી કોઈ ફિલ્મ ક્યારેય બની જ નથી. તેમણે હોટલમાં મારી સાથે જાતીય શોષણ કર્યું. આ બધું મને ફસાવવાનું કાવતરું હતું. તેમણે જે પણ કહ્યું તે જુઠ્ઠું હતું.

અભિનેત્રીએ વધુમાં કહ્યું કે ‘મારા જેવા ઘણા લોકો છે, જેનું યૌન શોષણ થયું હતું અને આજે જીવિત છે. હું જાણું છું કે હું મીડિયામાં શું કહી રહી છું, પરંતુ જો હું તે નહીં કહું તો કોઈને ખબર નહીં પડે કે તેણે મારી સાથે કેવું વર્તન કર્યું. સંપથ કહે છે કે, ‘તેણે મારી પરવાનગી વિના મને સ્પર્શ કરી અને મને લાત મારી. તે ગુનેગાર છે, જે ખોટુ જીવન જીવી રહ્યો છે. હું આશા રાખું છું કે તેના ઘરમાં એક અરીસો હોય જેમાં તે પોતાને જોઈ શકે. જો નહીં હોય તો હું તેને તે ભેટ આપીને ખૂબ જ ખુશ થઈશ.

આ પણ વાંચો: પત્નીની આદતોથી પતિ થયો પરેશાન, પ્રેમ અને હત્યાનો કિસ્સો સાંભળીને ચોંકી જશો