વૉર ઝોનમાં પીએમ મોદી, રશિયા-યુક્રેન જંગ વચ્ચે હવે પ્રમુખ સાથે વિશેષ ચર્ચા

યુક્રેન – 23 ઑગસ્ટ : વડાપ્રધાન નરેન્દ્ર મોદી શુક્રવારે યુદ્ધગ્રસ્ત દેશ યુક્રેનની ઐતિહાસિક મુલાકાતે રાજધાની કિવ પહોંચ્યા હતા. મુલાકાત દરમિયાન, મોદી અને યુક્રેનના પ્રમુખ વોલોદિમિર ઝેલેન્સ્કી વચ્ચે સંઘર્ષના શાંતિપૂર્ણ ઉકેલ પર ચર્ચા થવાની અપેક્ષા છે. પીએમ મોદી યુક્રેનના પ્રમુખ ઝેલેન્સકીના આમંત્રણ પર યુક્રેન પહોંચ્યા છે. મોદી કિવની મુલાકાતના લગભગ છ અઠવાડિયા પહેલા રશિયા ગયા હતા. 1991માં યુક્રેનને આઝાદી મળ્યા બાદ ભારતીય વડાપ્રધાનની યુક્રેનની આ પ્રથમ મુલાકાત છે.

#WATCH | Prime Minister Narendra Modi reaches Kyiv from Poland to begin his one-day visit to Ukraine.

This is the first visit by an Indian Prime Minister to Ukraine since its independence from the Soviet Union in 1991.

(Visuals from Kyiv) pic.twitter.com/wmy6zdBv5Q

— ANI (@ANI) August 23, 2024

પીએમ મોદીએ આ વાત કહી હતી
નવી દિલ્હીથી રવાના થતાં પહેલાં પીએમ મોદીએ કહ્યું હતું કે ‘એક મિત્ર અને ભાગીદાર’ તરીકે અમે આ ક્ષેત્રમાં શાંતિ અને સ્થિરતાની વહેલી પુનઃસ્થાપના માટે આતુર છીએ. તેમણે કહ્યું હતું કે, “હું દ્વિપક્ષીય સહયોગને મજબૂત કરવા અને યુક્રેન સંઘર્ષના શાંતિપૂર્ણ નિરાકરણ પર પરિપ્રેક્ષ્ય શેર કરવા માટે પ્રમુખ ઝેલેન્સ્કી સાથે અગાઉની વાતચીતને આગળ વધારવાની તકની રાહ જોઈ રહ્યો છું.”

પીએમ મોદી ટ્રેન દ્વારા યુક્રેન ગયા હતા
વડાપ્રધાન મોદીએ ‘રેલ ફોર્સ વન’ ટ્રેન દ્વારા પોલેન્ડથી કિવ સુધીની મુસાફરી કરી, જેમાં લગભગ 10 કલાકનો સમય લાગ્યો. પરત ફરવાની યાત્રા પણ એટલી જ લાંબી હશે. ભારતે અત્યાર સુધી યુક્રેન પર રશિયન આક્રમણની નિંદા કરી નથી અને વારંવાર વાતચીત અને મુત્સદ્દીગીરી દ્વારા સંઘર્ષનો ઉકેલ લાવવાનું આહ્વાન કર્યું છે.

આ પણ વાંચો : પત્ની જોઈએ છે! BMI 24, સુંદર અને ઘરેલુ; PhD યુવકની માંગ પર લોકોની પ્રતિક્રિયા