એવી તો શું ભૂલ થઈ કે પતિએ ઝાડ સાથે બાંધી પત્નીને માર્યો ઢોર માર
રાજસ્થાનના બાંસવાડામાં એક યુવક પોતાની પત્નીને મિત્ર સાથે જોઈને એટલો ગુસ્સે થઈ ગયો હતો કે તેણે પત્નીને ઝાડ સાથે બાંધી દીધી અને પરિવારના સભ્યો સાથે તેના પર નિર્દયતાથી ઢોર માર માર્યો. યુવકે તેના મિત્રને પણ ઝાડ સાથે બાંધીને ઢોર માર માર્યો હતો. આ ઘટનાનો વીડિયો વાયરલ થતાં પોલીસે પતિ સહિત પાંચ લોકોની ધરપકડ કરી હતી.
Rajasthan| A video which showed a man beating a woman who was tied to a tree went viral last night. We traced the victim, registered a case. Accused were identified. 6 have been booked, of whom 2 are minors. Accused incl victim's husband & in-laws: SP Banswara, Rajesh Meena pic.twitter.com/LyeRZXnVFl
— ANI MP/CG/Rajasthan (@ANI_MP_CG_RJ) July 30, 2022
7 કલાક સુધી ઝાડ સાથે બાંધી માર્યો ઢોર માર
પીડિતાએ પોલીસને આપેલા નિવેદનમાં જણાવ્યું હતું કે, તેના સાસરિયાના ઘરે લાવ્યા બાદ પતિએ તેને ઝાડ સાથે બાંધી દીધી હતી. તે પછી આરોપી તેના મિત્ર દેવીલાલને પણ લઈ આવ્યો અને તેને બીજા ઝાડ સાથે બાંધી દીધો. આ પછી તેના પતિ મહાવીર, જેઠ કમલેશ, જેઠાણી સુનકા અને કાકા- સસરાના છોકરાઓએ લાકડીઓ અને ચંપલ વડે માર માર્યો હતો.
આ ઘટના શુક્રવારે સાંજે બની હતી, જેનો વીડિયો મોડી રાત્રે વાયરલ થયો હતો. જ્યારે પોલીસે તપાસ શરૂ કરી તો ખબર પડી કે મામલો બાંસવાડા જિલ્લાના ઘાટોલ વિસ્તારના હીરો ગામનો છે. જ્યાં મહિલાને સાત કલાક સુધી ઝાડ સાથે બાંધી રાખ્યા બાદ તેના પતિ મહાવીર અને સંબંધીઓએ મળીને તેને લાકડીઓ, ચંપલ અને લાતો વડે બેરહેમીપૂર્વક માર માર્યો હતો.
આ કેસમાં પોલીસે આરોપી પતિ જેઠ કમલેશ, જેઠાણી અને કાકા-સસરાના બે છોકરાઓની ધરપકડ કરી છે. પોલીસ અધિક્ષક રાજેશ કુમાર મીનાએ જણાવ્યું હતું કે, વીડિયો આવ્યા બાદ પીડિતા અને તેના પતિને લગભગ 2 વાગ્યે પીડિતા અને તેના પતિ વિશે જાણ થઈ હતી. પોલીસે પીડિતા વતી કેસ નોંધ્યો હતો અને શનિવારે સવારે આરોપી પતિ સહિત પાંચ લોકોની ધરપકડ કરી હતી. તેણે જણાવ્યું કે આરોપી પતિ તેની પત્ની પર શંકા કરતો હતો અને તેણે તેની પત્નીને જૂના મિત્ર સાથે જોઈ હતી. જેનાથી તે રોષે ભરાયો હતો.
