લોહીથી લથપથ મૃતદેહો; ટ્રકે ઓટોને ટક્કર મારતા બાગેશ્વર ધામની મુલાકાતે જતા 7 ભક્તોના મૃત્યુ

છત્તરપુર, 20 ઓગસ્ટ: મધ્યપ્રદેશના છતરપુરમાં આજે એક ભયાનક માર્ગ અકસ્માત થયો હતો, જેમાં 7 શ્રદ્ધાળુઓના મોત થયા હતા. તેમના લોહીથી લથબથ મૃતદેહ જોઈને પસાર થતા લોકોમાં ગભરાટ ફેલાઈ ગયો હતો. મંગળવારે સવારે લગભગ 5 વાગ્યે, શ્રદ્ધાળુઓથી ભરેલી ઓટો એક ટ્રક સાથે અથડાઈ હતી અને તે રસ્તાની વચ્ચે પલટી ગઈ હતી.

આ અકસ્માત ઝાંસી ખજુરાહો હાઈવે પર થયો હતો, જેમાં 7 લોકોના મોત થયા હતા. ઓટો સવારો બાગેશ્વર ધામ ખાતે બાબાના દર્શન કરવા નીકળ્યા હતા ત્યારે તેઓનો અકસ્માત થયો હતો. પોલીસે મૃતદેહોનો કબજો મેળવીને પોસ્ટમોર્ટમ માટે મોકલી આપ્યા છે. અથડામણને કારણે ઓટો ખરાબ રીતે કચડાઈ ગઈ હતી. ટ્રકને પણ ઘણું નુકસાન થયું છે. આ અકસ્માત અંગે રાહદારીઓએ પોલીસને જાણ કરી હતી.

ઓવરલોડિંગ અને વધુ ઝડપના કારણે અકસ્માત

મીડિયા રિપોર્ટ્સ અનુસાર, કાદરી ગામ પાસે ઓટો નંબર UP95 AT2421 ટ્રક નંબર PB13BB 6479 સાથે અથડાઈ હતી. અકસ્માતમાં માર્યા ગયેલાઓમાં બાળકો અને વૃદ્ધોનો પણ સમાવેશ થાય છે. અકસ્માતની માહિતી મળતાની સાથે જ પોલીસ ઘટનાસ્થળે પહોંચી હતી અને ઘાયલોને હોસ્પિટલ પહોંચાડ્યા હતા. પરંતુ અકસ્માત સ્થળ પરનું દ્રશ્ય ભયાનક હતું.

લોકોના લોહીથી લથબથ મૃતદેહો ઓટોમાં ફસાયા હતા. અકસ્માતનું કારણ ઓવરલોડિંગ અને ઓવર સ્પીડ હોવાનું કહેવાય છે. પ્રત્યક્ષદર્શીઓના જણાવ્યા અનુસાર, ઓટોમાં લગભગ 15 લોકો હતા, જેથી ટક્કર થતાં જ તે બધા રસ્તા પર પડી ગયા અને માથામાં ઈજાને કારણે વધુ પડતું લોહી વહી જવાને કારણે તેમનું મૃત્યુ થયું. પોલીસે ઓટોને કાપીને મૃતદેહોને બહાર કાઢ્યા હતા.

ઓટોમાં મુસાફરી કરી રહેલા ભક્તો બાગેશ્વર ધામ જઈ રહ્યા હતા

ટ્રક સાથે અથડાયા બાદ અકસ્માતનો ભોગ બનેલી ટેક્સી છતરપુર રેલવે સ્ટેશનથી નીકળી હતી અને બાગેશ્વર ધામ જઈ રહી હતી. ઘટના સ્થળે લોકો એકઠા થઈ ગયા હતા અને બચાવ કામગીરી હાથ ધરી હતી. લોકોને 108 એમ્બ્યુલન્સની મદદથી છતરપુર હોસ્પિટલ લઈ જવામાં આવ્યા હતા. પોલીસને જાણ કરવામાં આવી હતી અને ઓટો દ્વારા મૃતદેહોને બહાર કાઢવામાં આવ્યા હતા.

આ પણ જૂઓ: યોદ્ધાના અવતારમાં છવાયો વિક્કી કૌશલ, છાવાના ટીઝરની સાથે મોટી જાહેરાત