કોલકાતા બળાત્કાર-મર્ડર કેસ: ‘ દેશવ્યાપી ડૉક્ટરોની હડતાળ ફરી શરૂ થશે’: ગઈકાલે રાત્રે તોડફોડ પછી FORDAની જાહેરાત

કોલકાતા, 15 ઓગસ્ટ: આરજી કર મેડિકલ કોલેજ અને હોસ્પિટલમાં ગઈકાલે રાત્રે થયેલી તોડફોડ બાદ ફરી એકવાર ડૉક્ટરોની હડતાળ શરૂ થવા જઈ રહી છે. FORDA દ્વારા આજે આની જાહેરાત કરવામાં આવી છે. ફેડરેશન ઓફ રેસિડેન્ટ ડોક્ટર્સ એસોસિએશન ઇન્ડિયા એટલે કે FORDA એ કહ્યું કે આરજી કર મેડિકલ કોલેજ અને હોસ્પિટલમાં બનેલી ઘટનાને ધ્યાનમાં રાખીને, અમે અમારા સાથીદારો અને તબીબી સમુદાય સાથે ઉભા છીએ.

કેન્દ્ર અને રાજ્ય સરકારની ટીકા

વધુમાં કહ્યું કે અમે માનીએ છીએ કે હડતાલ પાછી ખેંચવાનો અમારો અગાઉનો નિર્ણય સદ્ભાવનાના આધારે લેવામાં આવ્યો હતો. મંત્રાલય દ્વારા અમને આપવામાં આવેલી ખાતરીથી અમારા સમાજમાં દુઃખ અને નિરાશા છે. ગઈ રાતની ઘટનાએ અમને આઘાત અને વ્યથિત કર્યા છે. અમારા વ્યવસાય માટે આ એક અંધકારમય પ્રકરણ સમાન છે. ગઈકાલની ઘટના માટે અમે કેન્દ્ર સરકાર અને રાજ્ય સરકારની સખત નિંદા કરીએ છીએ. તાજેતરની ઘટનાને ધ્યાનમાં રાખીને અમે તાત્કાલિક અસરથી ફરી હડતાળ શરૂ કરવાનો નિર્ણય લીધો છે.

ગઈ રાત્રે શું થયું

ગઈકાલે રાત્રે સેંકડોની ભીડે આરજી કર મેડિકલ કોલેજ અને હોસ્પિટલમાં ઘૂસી ગયા હતા અને હંગામો મચાવ્યો હતો.

આ પણ વાંચો : ’24 જગ્યાએ બોમ્બ પ્લાન્ટ કરવામાં આવ્યા છે’, આસામમાં આતંકવાદી સંગઠન ULFA(I)એ કર્યો મોટો દાવો; પોલીસ થઇ દોડતી