સ્વતંત્રતા દિવસના અવસરે મહિલાએ બતાવ્યું પોતાનું ટેલેન્ટ, વીડિયો જોયા પછી લોકો કરવા લાગ્યા વખાણ
- એક મહિલાએ તિરંગાની સાડી પહેરીને પોતાની પ્રતિભા દર્શાવી હતી. આનો એક વીડિયો હાલ સોશિયલ મીડિયા પર વાયરલ થઈ રહ્યો છે. વીડિયો જોયા પછી તમે ચોક્કસ તેમની પ્રશંસા કરશો
HD ન્યૂઝ ડેસ્ક, 15 ઓગસ્ટ: આજે આપણો દેશ 78મો સ્વતંત્રતા દિવસ ઉજવી રહ્યો છે. 15 ઓગસ્ટ 1947ના રોજ અંગ્રેજો પાસેથી આઝાદી મળ્યા બાદ દર વર્ષે આપણો દેશ અને તેના લોકો આ દિવસે સ્વતંત્રતા દિવસની ઉજવણી કરે છે. દેશભરમાં વિવિધ સ્થળોએ કાર્યક્રમોનું આયોજન કરવામાં આવે છે અને તે દરમિયાન દેશની આઝાદી માટે શહીદ થયેલા બહાદુર સપૂતોને યાદ કરવામાં આવે છે. ઘણા લોકો તેમની પ્રતિભા પણ બતાવે છે. એક મહિલાએ આવું જ કર્યું અને તેનો વીડિયો હાલમાં સોશિયલ મીડિયા પર વાયરલ થઈ રહ્યો છે. વીડિયો જોયા પછી તમે પણ પોતાને મહિલાના વખાણ કરવાથી રોકી શકશો નહીં.
મહિલાએ વીડિયોમાં બતાવ્યું ટેલેન્ટ
સોશિયલ મીડિયા પર વાયરલ થઈ રહેલા વીડિયોમાં જોવા મળી રહ્યું છે કે સ્વતંત્રતા દિવસના અવસર પર એક મહિલાએ ત્રિરંગો ઝંડો લગાવ્યો છે અને પોતે ત્રિરંગાની સાડી પહેરી છે. મહિલાની કેડેમાં એક નાનું બાળક પણ છે જેને તેણીએ એક હાથે પકડી રાખ્યું છે. બીજી તરફ બે બોટલ છે જેના ટોપમાં આગ લાગી છે. આ મહિલા વારંવાર તે જ બે બોટલ હવામાં ફેંકીને પોતાની પ્રતિભા બતાવતી જોવા મળી હતી. એક હાથમાં બાળક હોવા છતાં મહિલાએ પોતાનો સ્ટંટ ખૂબ જ સારી રીતે કર્યો હતો.
અહીં જૂઓ વાયરલ વીડિયો:
Indian talent 🥰🫡🔥#IndependenceDay2024#स्वतंत्रता_दिवस #freedom#IndianFlag #15August2024 pic.twitter.com/o19p6NrSwn
— ज़िन्दगी गुलज़ार है ! (@Gulzar_sahab) August 15, 2024
આ વીડિયોને સોશિયલ મીડિયા પ્લેટફોર્મ X પર @Gulzar_sahab નામના એકાઉન્ટથી શેર કરવામાં આવ્યો છે. વીડિયો શેર કરતી વખતે કેપ્શનમાં લખ્યું છે કે, ‘ઇન્ડિયન ટેલેન્ટ.’ સમાચાર લખાય છે ત્યાં સુધી આ વીડિયોને 10 હજાર લોકોએ જોયો છે. વીડિયો જોયા બાદ એક યુઝરે લખ્યું- ભારતીયોએ આ કળામાં મહારત મેળવી લીધી છે. અન્ય એક યુઝરે લખ્યું- ટેલેન્ટની પ્રશંસા કરવી જ જોઇએ. ત્રીજા યુઝરે લખ્યું- વાહ સુપર.
આ પણ વાંચો: ટ્રાફિક સિગ્નલ પર છોકરીએ કર્યું કઇંક એવું જે જોઈને રહી જશો દંગ, જૂઓ આ વાયરલ વીડિયો
