બૉસને કપડાં પહેરવાની સલાહ આપવાના મળશે કરોડો રૂપિયા વેતનઃ જોઈ શું રહ્યા છો? કરો અરજી

નવી દિલ્હી, 14 ઓગસ્ટ, દરેક વ્યક્તિ નોકરી કરવા માટે પોતાની ડ્રીમ કંપની શોધે છે. ડ્રીમ જોબનો અર્થ દરેક માટે અલગ અલગ હોય છે. જેમાં તેમને વધુમાં વધુ પૈસા મળે અને કામ ખૂબ જ સરળ હોય. ડ્રીમ જોબની ઘણી વ્યાખ્યાઓમાંથી, અમે તમને એક એવી નોકરી વિશે જણાવી રહ્યા છીએ, જેના વિશે જાણીને તમને આશ્ચર્ય થશે. વાસ્તવમાં, આ કામ માટે તમારે ફક્ત એક વ્યક્તિના પોશાકની પસંદગી કરવી પડશે. આ કામ માટે તમને કરોડો રૂપિયા સેલેરી મળશે.

મોંઘવારીના યુગમાં તમને હાલ દર મહિને 25 હજાર રૂપિયાનો પગાર મળતો હશે… પણ તમે સરળતાથી 1 કરોડ રૂપિયા કમાઈ શકો છો. આ કરવું એકદમ સરળ છે. આ જોબમાં તમારે તમારા માલિકના પોશાકની પસંદગી કરવી પડશે. ઉદાહરણ તરીકે, જો તે વ્યક્તિ ઓફિસે જાય, તો તેણે શું પહેરવું જોઈએ, જો તે પાર્ટીમાં જાય, તો તેણે શું પહેરવું જોઈએ? આ કામ માટે તેમને દર મહિને કરોડો રૂપિયા આપવામાં આવશે. માનવામાં નહીં આવે પણ આ સાચું છે. એક કરોડપતિ વ્યક્તિએ આ નોકરીની અરજી આપી છે.

બ્રિટનના કરોડપતિ બેરી ડ્રવિટે તાજેતરમાં જ તેમના અંગત મદદનીશ માટે નોકરીની અરજી આપી છે. જેમાં તેણે કહ્યું હતું કે તેની લક્ઝરી લાઈફસ્ટાઈલને મેનેજ કરવા માટે તેને પર્સનલ આસિસ્ટન્ટની જરૂર છે. કામની વિગતો આપતાં તેમણે કહ્યું કે તેમનું કામ દરરોજ તેમના માટે કપડાં પસંદ કરવાનું અને તેમના કપડાનું ધ્યાન રાખવું તેને વ્યવસ્થિત જગ્યાએ મૂકવાનું રહેશે. ઉપરાંત, જો તે કોઈ કામ માટે પ્રવાસ પર જાય છે, તો તેણે તે સમય દરમિયાન પણ તેની સાથે જવું પડશે.

જોબ અરજદારે યુકેમાં રહેવું પડશે. ઉપરાંત, તેણે ફક્ત તેના આલીશાન મકાનમાં જ રહેવું પડશે. બેરીએ એમ પણ કહ્યું કે આ પદ માટે કોઈ અનુભવની જરૂર નથી, અઠવાડિયામાં બે દિવસની રજા રહેશે. તમારે સોમવારથી શુક્રવાર સુધી 10 કલાક કામ કરવું પડશે, જ્યાં તમને દર અઠવાડિયે 30 થી 40 લાખ રૂપિયા ચૂકવવામાં આવશે.આ સમાચાર બાદ સોશિયલ મીડિયા પર અનેક પ્રકારની પ્રતિક્રિયાઓ આવી રહી છે. કોઈ કહે છે કે હું આટલા લાંબા સમયથી આવી નોકરીની રાહ જોઈ રહ્યો હતો. કેટલાક લોકો કહે છે કે આટલું કામ ખરેખર કરવું પડશે કે કેમ, આ અલગ વાત છે.

આ પણ વાંચો..લ્યો બોલો: 600 રૂપિયાના ચંપલ માટે 11 વર્ષ સુધી ચાલ્યો કેસ, હવે મળશે એટલા રૂપિયા..