PR શ્રીજેશના સન્માનમાં હોકી ઈન્ડિયાએ લીધો મોટો નિર્ણય, જર્સી નંબર 16ને કરી રિટાયર

• ભારતીય હોકી ટીમે પેરિસ ઓલિમ્પિકમાં સ્પેનને 2-1થી હરાવીને બ્રોન્ઝ મેડલ હાંસલ કર્યો

નવી દિલ્હી, 14 ઓગસ્ટ: PR શ્રીજેશે પેરિસ ઓલિમ્પિક 2024 બાદ નિવૃત્તિ લઈ લીધી છે. જેમાં હવે હોકી ઈન્ડિયાએ મોટો નિર્ણય લીધો છે અને શ્રીજેશની જર્સી નંબર 16ને રિટાયર કરી દીધી છે. ભારતીય હોકી ટીમે પેરિસ ઓલિમ્પિક 2024માં શાનદાર પ્રદર્શન કર્યું હતું. ભારતીય ટીમે સ્પેનને 2-1થી હરાવીને બ્રોન્ઝ મેડલ જીત્યો હતો. અગાઉ ટોક્યોમાં પણ ટીમે આ નંબર પર રહીને બ્રોન્ઝ મેડલ જીત્યો હતો. સતત બે ઓલિમ્પિક મેડલ બાદ દરેક ભારતીય ગર્વ અનુભવી રહ્યો છે. હોકી ભારતની રાષ્ટ્રીય રમત છે અને દરેક ભારતીય આ રમતને પોતાની સાથે સંબંધિત માને છે. પેરિસ ઓલિમ્પિકમાં ભારતીય ટીમને મેડલ અપાવવામાં મહત્વની ભૂમિકા ભજવનાર પીઆર શ્રીજેશે નિવૃત્તિ લઈ લીધી છે.

An era of excellence ends as Hockey India retires the iconic No. 16 jersey of PR Sreejesh. From impossible saves to inspiring generations, Sreejesh’s legacy will forever be etched in the history of Indian hockey. 🏑🇮🇳 #IndiaKaGame #HockeyIndia #SreejeshFelicitation… pic.twitter.com/yelBLMtAAq

— Hockey India (@TheHockeyIndia) August 14, 2024

હોકી ઈન્ડિયાએ 16 નંબરની રિટાયર નિવૃત્ત કરી

હોકી ઈન્ડિયાના મહાસચિવ ભોલાનાથ સિંહે પણ જાહેરાત કરતાં કહ્યું કે, લગભગ બે દાયકાથી 16 નંબરની જર્સી પહેરનાર 36 વર્ષીય શ્રીજેશ જુનિયર રાષ્ટ્રીય કોચની ભૂમિકા નિભાવશે. શ્રીજેશના સન્માનમાં આયોજિત સમારોહમાં ભોલાનાથે કહ્યું કે, શ્રીજેશ હવે જુનિયર ટીમનો કોચ બનવા જઈ રહ્યો છે અને અમે સિનિયર ટીમ માટે 16 નંબરની જર્સી રિટાયર કરી રહ્યા છીએ, પરંતુ અમે જુનિયર ટીમ માટે 16 નંબરની જર્સી રિટાયર નથી કરી રહ્યા. શ્રીજેશ જુનિયર ટીમમાં બીજા શ્રીજેશને તૈયાર કરશે (શ્રીજેશ જુનિયર ટીમમાં તેના જેવા ખેલાડીને તૈયાર કરશે જે 16 નંબરની જર્સી પહેરશે).

કેરળના એર્નાકુલમમાં જન્મેલા PR શ્રીજેશે 2006ની દક્ષિણ એશિયન ગેમ્સમાં ભારત માટે ડેબ્યૂ કર્યું હતું અને ત્યારથી તે ભારતીય ગોલ પોસ્ટની મજબૂત દિવાલ બનીને રહ્યો હતો. તેણે પોતાની કારકિર્દીમાં 300થી વધુ આંતરરાષ્ટ્રીય મેચો રમી છે. તેની 18 વર્ષની લાંબી કારકિર્દી દરમિયાન પી.આર શ્રીજેશને 4 વખત ઓલિમ્પિકમાં ભાગ લેવાની તક મળી જેમાં તે 2 વખત મેડલ જીતવામાં સફળ રહ્યો હતો. આ સિવાય તેણે ભારતીય હોકી ટીમની કેપ્ટનશિપની જવાબદારી પણ નિભાવી છે. પી.આર. શ્રીજેશને હોકીમાં તેમના યોગદાન માટે વર્ષ 2021માં ભારત સરકાર દ્વારા મેજર ધ્યાનચંદ ખેલ રત્ન પુરસ્કારથી પણ સન્માનિત કરવામાં આવ્યા છે.

વિનેશ ફોગાટને કહી ફાઇટર 

PR શ્રીજેશ કહ્યું હતું કે, “વિનેશ સિલ્વર મેડલની હકદાર છે કારણ કે તેણે ફાઇનલમાં પહોંચીને પોતાને માટે મેડલ કન્ફર્મ કરી લીધો હતો. તે ચોક્કસપણે સિલ્વર અથવા ગોલ્ડ મેડલ મેળવશે. છેલ્લી ઘડીએ કહેવું કે તમે ફાઇનલમાં રમવા માટે અયોગ્ય છો. જો હું તેની જગ્યાએ હોત, તો મને ખબર નથી કે મેં શું કર્યું હોત. તે ‘ફાઇટર’ છે. તેણી બ્રોન્ઝ મેડલ મેચ પહેલા મળી હતી. ત્યારે તેણે કહ્યું હતું કે, ‘ભાઈ ગુડ લક, તમે દીવાલ છો’, સારું રમો. મને લાગ્યું કે તે હસીને પોતાનું દર્દ છુપાવી રહી છે, તે ખરેખર એક ‘ફાઇટર’ છે. છેલ્લા એક વર્ષમાં તેણી જેમાંથી પસાર થઈ છે તે પછી, તેણીએ ઓલિમ્પિક માટે ક્વોલિફાય થવાની તાલીમ લીધી અને પછી જીતીને ફાઇનલમાં પહોંચી.”

આ પણ જૂઓ: ઓલિમ્પિકમાં સૌથી વધુ મેડલ કેવી રીતે જીતે છે અમેરિકા, શું છે ત્યાંની સિસ્ટમ? જાણો