યુક્રેનથી આવેલા MBBS વિદ્યાર્થીઓને રાહત, ભારતમાં બની શકશે ડૉક્ટર
રશિયા સાથે ચાલી રહેલા યુદ્ધને કારણે યુક્રેનથી ભારત પરત આવેલા ઘણા MBBS વિદ્યાર્થીઓની કારકિર્દી બરબાદ થતી બચી જશે. આ મેડિકલ સ્ટુડન્ટ્સ રશિયા યુક્રેન વોરના કારણે પોતાનો અભ્યાસ પૂરો કરી શક્યા નથી, હવે આ મેડિકલ સ્ટુડન્ટ્સ ભારતમાં ડોક્ટર બની શકશે. આ જ વાત એવા વિદ્યાર્થીઓને પણ લાગુ પડશે. જેઓ કોવિડ 19ને કારણે ચીન અથવા અન્ય દેશોમાંથી તેમનો મેડિકલ અભ્યાસ પૂર્ણ કરી શક્યા ન હતા અને પાછા ફરવું પડ્યું હતું. નેશનલ મેડિકલ કમિશનના નિર્ણયને કારણે આ શક્ય બન્યું છે. નેશનલ મેડિકલ કમિશન એટલે કે NMCએ આ વિદ્યાર્થીઓને FMGE પરીક્ષામાં બેસવાની પરવાનગી આપી છે. પણ એક શરત સાથે.
Indian students who were in last year of their UG medicine course (due to COVID19, Russia-Ukraine war returned to India)&have completed their studies& granted certifcate of completion of course on or before June 30 will be permitted to appear in Foreign Medical Graduate Exam pic.twitter.com/9kKTOor9q9
— ANI (@ANI) July 29, 2022
આ સંદર્ભમાં NMCએ સત્તાવાર વેબસાઇટ nmc.org.inપર નોટિસ પણ જારી કરી છે.
FMGE પરીક્ષા: શું છે શરત ?
નેશનલ મેડિકલ કમિશને કહ્યું છે કે જે વિદ્યાર્થીઓ MBBS કોર્સના અંતિમ વર્ષમાં હતા. પરંતુ કોવિડ 19 અથવા રશિયા યુક્રેન યુદ્ધ કે અન્ય કોઈ કારણસર તેમનો અભ્યાસ પૂર્ણ કરી શક્યા ન હતા, તેઓ ભારતમાં પ્રેક્ટિસ કરવા માટે ફોરેન મેડિકલ ગ્રેજ્યુએટ પરીક્ષા આપી શકે છે. જો કે, આ વિદ્યાર્થીઓએ 30 જૂન 2022 ના રોજ અથવા તે પહેલાં વિદેશમાં તેમની સંસ્થા દ્વારા અભ્યાસક્રમનું પ્રમાણપત્ર અથવા ડિગ્રી મેળવવી આવશ્યક છે. આ ઉપરાંત, આ વિદ્યાર્થીઓ માટે FMG પરીક્ષા પાસ કર્યા પછી, તેઓએ ફરજિયાત બે વર્ષની ઇન્ટર્નશિપ પૂર્ણ કરવી પડશે.
નિયમો અનુસાર, વિદ્યાર્થીઓએ જ્યાં MBBSનો અભ્યાસ કર્યો હોય ત્યાં જ આ ઈન્ટર્નશિપ પૂર્ણ કરવાની હોય છે. પરંતુ વર્તમાન પરિસ્થિતિમાં આ વિદ્યાર્થીઓ માટે તે દેશોમાં પાછા જઈને ઈન્ટર્નશિપ કરવી શક્ય નથી. જેથી, 29 એપ્રિલ 2022 ના રોજ સુપ્રીમ કોર્ટ દ્વારા આપવામાં આવેલા આદેશને ધ્યાનમાં રાખીને, NMCએ ભારતમાં જ ઇન્ટર્નશિપ પૂર્ણ કરવાની મંજૂરી આપી છે.
FMGE પરીક્ષા પાસ કર્યા પછી, જ્યારે આ ઉમેદવારો મેડિકલ રોટેટિંગ ઈન્ટર્નશિપના બે વર્ષ પૂરા કરશે, ત્યારે જ તેઓ મેડિકલ પ્રેક્ટિસ માટે નોંધણી કરી શકશે. NMCએ કહ્યું છે કે સંજોગોને કારણે આ છૂટ માત્ર એક કારણસર આપવામાં આવી છે.
