Tata Curvv EV Vs BYD Atto 3: કઈ કાર છે બેસ્ટ? કિંમતથી લઈને ફીચર્સ સુધી જાણો બધું જ

નવી દિલ્હી – 12 ઓગસ્ટ : Tata Curvv ,તાજેતરમાં Tata દ્વારા લોન્ચ કરવામાં આવી છે. કંપની દ્વારા લાવવામાં આવેલ આ EV BYD Atto 3 સાથે સ્પર્ધા કરશે. જો તમે આ બેમાંથી એક કાર ખરીદવા માંગો છો, તો તમારા માટે તે જાણવું ખૂબ જ મહત્ત્વપૂર્ણ છે કે આ બે ઇલેક્ટ્રિક કારમાંથી કઈ શ્રેષ્ઠ છે.

Tata Curve કારમાં તમને 18 ઇંચના એલોય વ્હીલ્સ આપવામાં આવ્યા છે અને ગ્રાઉન્ડ ક્લિયરન્સ 190mm છે. આ કાર acti.ev પ્લેટફોર્મ પર બેસ્ડ કાર છે. આ ઇલેક્ટ્રિક કારની લંબાઈ 4310 mm અને પહોળાઈ 1810 mm છે. આ સાથે આ કારને 2560 mmનો વ્હીલ બેઝ આપવામાં આવ્યો છે. આ સાથે, કારમાં 500 લિટરની બૂટ સ્પેસ પણ છે. કારમાં તમને ફ્લશ ડોર હેન્ડલ, કનેક્ટિડ એપ, એલઈડી લાઈટ્સ, પેનોરેમિક સનરૂફ, રેઈન સેન્સિંગ વાઈપર્સ જેવી સુવિધાઓ આપવામાં આવી છે.

આ સાથે, BYD Atto 3 માં તમને 18 ઇંચ ટાયર ઑપ્શન, પેનોરેમિક સનરૂફ, હિટેડ એડજસ્ટેબલ મિરર્સ, પુશ બટન સ્ટાર્ટ-સ્ટોપ, ઓટો એસી, રીઅર એસી વેન્ટ્સ, ઓટો હેડલેમ્પ, વાયરલેસ ફોન ચાર્જિંગ, કીલેસ એન્ટ્રી, ટાયર રિપેર કીટ, ફીચર્સ મળે છે. જેમ કે 12.8 ઇંચની ફરતી ટચસ્ક્રીન, આઠ સ્પીકર્સ, એપલ કાર પ્લે, એલઇડી લાઇટ્સ, એમ્બિયન્ટ લાઇટ અને પાંચ ઇંચનું ડિજિટલ ઇન્સ્ટ્રુમેન્ટ ક્લસ્ટર, 4-વે સંચાલિત કો-પેસેન્જર ડ્રાઇવર સીટ જેવા ફીચર્સ મળે છે.

સેફ્ટી
હવે વાત કરીએ બંને કારના સેફ્ટી ફીચર્સ વિશે. Tata Curve EV માં સ્ટાન્ડર્ડ તરીકે 6 એરબેગ્સ આપવામાં આવી છે. આ સિવાય તેમાં થ્રી પોઈન્ટ ELR, સીટબેલ્ટ એન્કર પ્રી-ટેન્શનર, ફોર્ટિફાઈડ બોડી સ્ટ્રક્ચર, 20 સેફ્ટી ફીચર્સ સાથે લેવલ-2 ADAS, ESP, EPB, 360 સરાઉન્ડ વ્યૂ, ફ્રન્ટ પાર્કિંગ સેન્સર જેવી સુવિધાઓ આપવામાં આવી છે.

BYD Atto 3 એરબેગ્સ, 360 ડિગ્રી કેમેરા, ESP, EPB, ABS, EBD, સ્ટોપ એન્ડ ગો ફુલ સ્પીડ એડેપ્ટિવ ક્રૂઝ કંટ્રોલ, હિલ આસિસ્ટ, TPMS, ADAS અને ડિસ્ક બ્રેક્સ જેવી સુરક્ષા સુવિધાઓ સાથે આવે છે.

રેંજ
ટાટાની આ નવી ઇલેક્ટ્રિક કારમાં બેટરી પેકના બે વિકલ્પો આપવામાં આવ્યા છે. તેમાં એક 45 kWh અને બીજો 55 kWh બેટરી પેક છે. કંપનીનો દાવો છે કે 45 kWh બેટરી પેક સાથે આ કાર 502 કિલોમીટરની રેન્જ આપશે અને 55 kWh બેટરી પેક સાથે તે એક જ ચાર્જમાં 585 કિલોમીટરનું અંતર કાપશે.

BYD Atto 3 પાસે 49.92 kWh, 60.48 kWh ક્ષમતાના બેટરી પેક ઑપ્શન મળે છે. તેને 468 કિલોમીટરથી 521 કિલોમીટરની ARAI રેન્જ મળે છે. સામાન્ય ચાર્જર સાથે તે 8 થી 10 કલાક લે છે, જ્યારે ડીસી ચાર્જર સાથે તે 0-80 ટકા ચાર્જ થવામાં 50 મિનિટ લે છે.

કિંમત
ટાટાએ 17.49 લાખ રૂપિયાની એક્સ-શોરૂમ કિંમતે Curve EV લોન્ચ કર્યું છે. જો કે, આ એક પ્રારંભિક કિંમત છે, જે પછીથી બદલી શકાય છે. તેના ટોપ વેરિઅન્ટની કિંમત 21.99 લાખ રૂપિયા રાખવામાં આવી છે. આ સિવાય BYD Atto 3 ના બેઝ વેરિઅન્ટની એક્સ-શોરૂમ કિંમત 24.99 લાખ રૂપિયાથી શરૂ થાય છે અને ટોપ વેરિઅન્ટની એક્સ-શોરૂમ કિંમત 33.99 લાખ રૂપિયા છે.

આ પણ વાંચો : ચાર સેકન્ડનો તફાવત અને અમેરિકી ખેલાડીએ મેળવેલો ચંદ્રક ગુમાવ્યોઃ જાણો ઓલિમ્પિકની વધુ એક ગાથા