ગોલ્ડ મેડલ વિજેતા પાકિસ્તાની ખેલાડીને સસરાએ ભેટમાં આપી ભેંસ…

• પાકિસ્તાનના જેવલીન થ્રો એથ્લિટ અરશદ નદીમ પર રોકડ પુરસ્કારોનો વરસાદ 

નવી દિલ્હી, 12 ઓગસ્ટ: પાકિસ્તાનના જેવલીન થ્રો એથ્લિટ અરશદ નદીમ પર હાલમાં રોકડ પુરસ્કારોનો વરસાદ થઈ રહ્યો છે. નદીમે પેરિસમાં ઓલિમ્પિક રેકોર્ડ સાથે ગોલ્ડ જીતીને આ ઓલિમ્પિકમાં પાકિસ્તાનનું ખાતું ખોલાવ્યું હતું. 40 વર્ષમાં પાકિસ્તાનનો આ પહેલો ઓલિમ્પિક ગોલ્ડ મેડલ છે. તેણે પુરૂષોની જેવલીન થ્રો ઇવેન્ટની ફાઇનલમાં 92.97 મીટરનો થ્રો ફેંકીને પ્રથમ સ્થાન મેળવ્યું હતું. નદીમે એક નહીં પરંતુ બે વખત 90નો આંકડો પાર કર્યો હતો. જમાઈના આ ઐતિહાસિક પ્રદર્શનથી સસરા મોહમ્મદ નવાઝ પણ ખુશ છે. તેમના ગ્રામીણ ઉછેર અને પરંપરાને ધ્યાનમાં રાખીને, તેમણે તેમના જમાઈ અરશદને એક ભેંસ ભેટમાં આપવાનું નક્કી કર્યું છે. અરશદ નદીમ પેરિસથી પાકિસ્તાન પરત ફર્યો છે.

Just look at this. Arshad Nadeem talks about how his city needs gas, electricity & universities. He says girls have to travel one hour to go to Multan to study, so his city Mian Chunnu should also have universities.

Hope govt listens to him. pic.twitter.com/M68eibaDn5

— Mahwash Ajaz 🇵🇰 (@mahwashajaz_) August 11, 2024

સસરાએ જમાઈના ગોલ્ડ મેડલ પર શું કહ્યું?

મોહમ્મદ નવાઝે રવિવારે નદીમના ગામમાં સ્થાનિક મીડિયાને જણાવ્યું હતું કે, તેમના ગામમાં ભેંસ ભેટમાં આપવી એ ‘ખૂબ જ મૂલ્યવાન’ અને ‘આદરણીય’ માનવામાં આવે છે. નદીમે પેરિસમાં જેવલીન થ્રો ઇવેન્ટમાં 92.97 મીટરના ઓલિમ્પિક રેકોર્ડ સાથે ગોલ્ડ મેડલ જીત્યો હતો, જેમાં ભારતના નીરજ ચોપરા બીજા ક્રમે રહ્યા હતા. નદીમને તેના મૂળ પર ખૂબ ગર્વ છે અને તેની સફળતા છતાં તેનું ઘર હજુ પણ તેનું ગામ છે અને તે હજુ પણ તેના માતા-પિતા અને ભાઈઓ સાથે રહે છે. મારી ત્રણ પુત્રીઓ છે અને મારી સૌથી નાની પુત્રી આયેશાના લગ્ન નદીમ સાથે થયા છે.

Arshad Nadeem finally reached home and this video of him meeting his mother and crying his heart out will make everyone feel emotional.
Maavan Thandian Chaavan pic.twitter.com/BIRiC1o2w8

— Abdullah (@abdullahhammad4) August 11, 2024

તે ઘરમાં અને ખેતરોમાં સતત થ્રો ફેંકવાની પ્રેક્ટિસ કરતો હતો: સસરા

મોહમ્મદ નવાઝે કહ્યું કે, ‘જ્યારે અમે છ વર્ષ પહેલા નદીમ સાથે અમારી પુત્રીના લગ્ન કરવાનું નક્કી કર્યું, ત્યારે તે નાની-મોટી નોકરી કરતો હતો. પરંતુ તે તેની રમત પ્રત્યે ખૂબ જ મહેનતુ હતો અને તે ઘર તેમજ મેદાનમાં સતત થ્રો ફેંકવાની પ્રેક્ટિસ કરતો હતો. સરકારે આવતા અઠવાડિયે 77મા સ્વતંત્રતા દિવસના અવસર પર “અઝમ-એ-ઇસ્તેહકામ” નામની સ્મારક ટપાલ ટિકિટ બહાર પાડવાનો પણ નિર્દેશ કર્યો છે.

આ માટે બોર્ડને માત્ર અરશદ નદીમ અને તેમના કોચ જ લાયક લાગ્યા 

જ્યારે પાકિસ્તાનનું નેશનલ સ્પોર્ટ્સ બોર્ડ નક્કી કરી રહ્યું હતું કે, પેરિસ ઓલિમ્પિકમાં જનારા સાત ખેલાડીઓનો ખર્ચ કોણ ઉઠાવશે, ત્યારે તેમને માત્ર અરશદ નદીમ અને તેના કોચ જ લાયક લાગ્યા. નદીમ અને તેમના કોચ સલમાન ફૈયાઝ બટ નસીબદાર હતા, જેમની એર ટિકિટ PSB (પાકિસ્તાન સ્પોર્ટ્સ બોર્ડ) દ્વારા બહાર પાડવામાં આવી. પંજાબ ક્ષેત્રના ખાનવાલ ગામના આ 27 વર્ષીય ખેલાડીએ નવા ઓલિમ્પિક રેકોર્ડ સાથે ભાલા ફેંકમાં સુવર્ણ ચંદ્રક જીતીને તેના પર બતાવેલા વિશ્વાસને યોગ્ય ઠેરવ્યો.

આ પણ જૂઓ: ચાર સેકન્ડનો તફાવત અને અમેરિકી ખેલાડીએ મેળવેલો ચંદ્રક ગુમાવ્યોઃ જાણો ઓલિમ્પિકની વધુ એક ગાથા