કૉમેડીનો ડબલ ડોઝ આપશે ‘the Great Indian Kapil Show 2’, કોણ હશે પહેલા ‘ગેસ્ટ’?
મુંબઈ – 12 ઓગસ્ટ : કૉમેડી કિંગ કપિલ શર્મા ફરી એકવાર પોતાના સૌથી લોકપ્રિય કૉમેડી શો ‘ધ ગ્રેટ ઈન્ડિયન કપિલ શો’ લઈને આવી રહ્યા છે. આ સમાચાર સાંભળીને કપિલના ફેન્સ પણ ખુશ છે. સૂત્રો દ્ધારા મળતી માહિતી મુજબ ‘ધ ગ્રેટ ઈન્ડિયન કપિલ શો’ની બીજી સીઝન ટૂંક સમયમાં આવવાની છે. મળતી માહિતી મુજબ, શોની ટીમ મંગળવાર (13 ઓગસ્ટ)થી નવી સીઝનનું શૂટિંગ શરૂ કરશે. ‘ફેબ્યુલસ લાઈવ્સ ઓફ બોલિવૂડ વાઈવ્સ’ની કાસ્ટ આ શોના પ્રથમ એપિસોડ માટે ખાસ મહેમાન હશે.
પ્રથમ સિઝનમાં 13 એપિસોડ હતા
વર્ષો સુધી સોની ટીવી પર રાજ કર્યા બાદ કપિલ શર્મા ઓટીટી પ્લેટફોર્મ નેટફ્લિક્સ પર પોતાનો ‘ધ ગ્રેટ ઈન્ડિયન કપિલ શો’ લાવ્યા હતા. નેટફ્લિક્સ પર કપિલના શોનો પ્રથમ એપિસોડ 30 માર્ચ 2024ના રોજ સ્ટ્રીમ કરવામાં આવ્યો હતો, જ્યારે છેલ્લો એપિસોડ 22 જૂન 2024ના રોજ પ્રસારિત થયો હતો. કૉમેડી શોની પ્રથમ સિઝનમાં માત્ર 13 એપિસોડ જ જોવા મળ્યા હતા.
સીઝન 1 ને કેવો પ્રતિસાદ મળ્યો?
હંમેશની જેમ, કપિલ શર્માના ચાહકોએ તેનો શો ઘણો પસંદ કર્યો, પરંતુ ઘણા લોકોએ શોને રિપીટેટિવ કહીને તેની ટીકા પણ કરી. લોકોએ કહ્યું કે આ શોમાં કંઈ નવું નથી. આ શોને દર્શકોનો મિશ્ર પ્રતિસાદ મળ્યો હતો, ત્યાર બાદ એવી અફવા હતી કે ‘ધ ગ્રેટ ઈન્ડિયન કપિલ શો’ની બીજી સીઝન નહીં આવે, પરંતુ મેકર્સે સ્પષ્ટ કરી દીધું હતું કે તેઓ શોની નવી સીઝન લાવશે. અને તેઓએ વચન પાળ્યું. જો કે, લોન્ચની તારીખ હજુ જાહેર કરવામાં આવી નથી.
સુનીલ ગ્રોવર 7 વર્ષ બાદ પરત ફર્યા
‘ધ ગ્રેટ ઈન્ડિયન કપિલ શો’માં સુનીલ ગ્રોવરની એન્ટ્રીની સૌથી વધુ ચર્ચા એટલા માટે થઈ હતી કારણ કે કપિલ શર્મા સાથે ઝઘડાના 7 વર્ષ પછી સુનીલ શોમાં પાછા ફર્યા હતા. બંનેને પડદા પર એકસાથે જોયા બાદ ચાહકોની ખુશીની કોઈ સીમા ન રહી.
આ શોમાં સુનીલ ગ્રોવર ઉપરાંત કૃષ્ણા અભિષેક, કીકુ શારદા, અર્ચના પુરણ સિંહ, રાજીવ ઠાકુર જોવા મળ્યા હતા. હવે એ જોવાનું રસપ્રદ રહેશે કે શોની બીજી સિઝનમાં કયા સ્ટાર્સ જોવા મળશે.
આ પણ વાંચો : કોંગ્રેસે રાજકોટમાં અગ્નિકાંડનાં મૃતકોને શ્રદ્ધાંજલિ પાઠવી, 17 પીડિત પરિવારો યાત્રાથી દૂર રહ્યાં
