પંજાબની હાલતથી પરેશાન થઈ ગયા NHAIના અધિકારીઓ, નીતિન ગડકરીએ ભગવંત માનને લખ્યો પત્ર
પંજાબ, 10 ઓગસ્ટ: કેન્દ્રીય રોડ ટ્રાન્સપોર્ટ અને હાઈવે મંત્રી નીતિન ગડકરીએ પંજાબના મુખ્યમંત્રી ભગવંત માનને પત્ર લખ્યો છે. ગડકરીએ પોતાના પત્રમાં લખ્યું છે કે પંજાબમાં કાયદો અને વ્યવસ્થા સારી નથી. નેશનલ હાઈવે ઓથોરિટી ઓફ ઈન્ડિયા (NHAI) ના અધિકારીઓ અને કોન્ટ્રાક્ટરો ચિંતિત છે. ગડકરીએ અધિકારીઓ અને કોન્ટ્રાક્ટરોની સુરક્ષાને લઈને પંજાબ સરકાર પર સવાલો ઉઠાવ્યા છે.
केंद्रीय सड़क परिवहन एवं राजमार्ग मंत्री नितिन गडकरी ने पंजाब के मुख्यमंत्री भगवंत मान को पत्र लिखा जिसमें उन्होंने जालंधर, लुधियाना में इंजीनियरों और ठेकेदारों पर कथित हमलों की घटनाओं का हवाला दिया।
— ANI_HindiNews (@AHindinews) August 10, 2024
ગડકરીએ લખ્યું કે નેશનલ હાઈવે ઓથોરિટી ઓફ ઈન્ડિયા ગ્રીનફિલ્ડ અને બ્રાઉનફિલ્ડ કોરિડોર બનાવી રહી છે. આ કોરિડોરમાંથી એક દિલ્હી-અમૃતસર-કટરા એક્સપ્રેસવે છે, જે પંજાબમાં બની રહ્યો છે. આ કામમાં રોકાયેલા નેશનલ હાઈવે ઓથોરિટી ઓફ ઈન્ડિયાના અધિકારીઓ અને કોન્ટ્રાક્ટરોની સુરક્ષા સામે ખતરો છે. આ સિવાય ગડકરીએ જમીન અધિગ્રહણનો મુદ્દો પણ ઉઠાવ્યો છે.
એન્જિનિયરને માર્યો માર
ગડકરીએ લખ્યું કે જલંધરમાં એક એન્જિનિયરને ખરાબ રીતે માર મારવામાં આવ્યો હતો. આ મામલે ફરિયાદ પણ નોંધાવામાં આવી છે, પરંતુ કડક કાર્યવાહી થવી જોઈએ. બીજો મામલો લુધિયાણાનો છે, જ્યાં કેટલાક લોકોએ એક્સપ્રેસ વે કોન્ટ્રાક્ટરના પ્રોજેક્ટ કેમ્પ પર હુમલો કર્યો હતો. એન્જિનિયરને કેમ્પ અને તમામ કર્મચારીઓને સળગાવી દેવાની ધમકી પણ આપવામાં આવી હતી. લેખિત ફરિયાદ છતાં હજુ સુધી કેસ નોંધાયો નથી. નીતિન ગડકરીએ આરોપીઓ સામે તાત્કાલિક કડક કાર્યવાહીની માંગ કરી છે. તેમણે કહ્યું કે બેઠકમાં જમીન અધિગ્રહણ અને કાયદો અને વ્યવસ્થા સુધારવાની વાત થઈ હતી. જો કે હજુ સુધી કોઈ પ્રગતિ થઈ નથી.
કામ બંધ કરી શકે છે નેશનલ હાઈવે ઓથોરિટી
ગડકરીએ કહ્યું છે કે નેશનલ હાઈવે ઓથોરિટીએ પંજાબમાં પહેલાથી જ ત્રણ પ્રોજેક્ટ રદ કરી દીધા છે. તેની કુલ લંબાઈ 104 કિલોમીટર હતી અને તેનો ખર્ચ 3263 કરોડ રૂપિયા થવાનો હતો. જો પરિસ્થિતિમાં સુધારો નહીં થાય તો નેશનલ હાઈવે ઓથોરિટીએ વધુ આઠ પ્રોજેક્ટ રદ કરવા પડશે. તેની કિંમત 14,288 કરોડ રૂપિયા છે અને તેની લંબાઈ 293 કિલોમીટર છે. આવી સ્થિતિમાં તેમણે પંજાબમાં કાયદો અને વ્યવસ્થા સુધારવાની માંગ કરી છે.
આ પણ વાંચો: અગ્નિવીર યોજના અંગે નૌકાદળના વડા એડમિરલ દિનેશ ત્રિપાઠીએ શું કહ્યું? જાણો
