બરેલીઃ 14 મહિનામાં 10 મહિલાઓની હત્યા કરનાર સિરિયલ કિલર ઝડપાયો
- પોલીસે આરોપીની નવાબગંજ પોલીસ સ્ટેશન વિસ્તારમાંથી ધરપકડ કરી
બરેલી, 9 ઓગસ્ટ: ઉત્તર પ્રદેશના બરેલી જિલ્લામાં છેલ્લા 14 મહિનામાં 10 મહિલાઓની હત્યા કરનારો સાયકો કિલર આખરે પોલીસના હાથે ઝડપાઈ ગયો છે. મળતી માહિતી મુજબ, આરોપી સિરિયલ કિલર નવાબગંજ પોલીસ સ્ટેશન વિસ્તારનો હોવાનું કહેવામાં આવી રહ્યું છે. ઉલ્લેખનીય છે કે, તાજેતરમાં જ પોલીસે ત્રણ શકમંદોના સ્કેચ જાહેર કર્યા હતા. મળતી માહિતી મુજબ, આરોપી તેમાંથી કોઈ એક કહેવામાં આવી રહ્યું હતું.
Serial killer of Bareilly: Man who killed so many women in UP’s Bareilly is Kuldeep s/o Baburam.
Bareilly police disclosed the details during a press conference in Bareilly pic.twitter.com/3AJoX75xM5— Kanwardeep singh (@KanwardeepsTOI) August 9, 2024
2023માં શાહી શીશગઢ અને ફતેહગંજ પશ્ચિમ પોલીસ સ્ટેશન વિસ્તારમાં 9 હત્યાઓ થઈ હતી. તે સમયે પોલીસને સિરિયલ કિલરની શંકા હતી. આ પછી, પોલીસે ધરપકડ કરવા માટે ભારે ફોર્સ તૈનાત કરી હતી. જે બાદ હત્યાઓ બંધ થઈ ગઈ. પરંતુ ફરી 2 જુલાઈએ ખેતરમાંથી મહિલાની લાશ મળી આવી હતી. આ હત્યાની પેટર્ન પણ એવી જ હતી, ત્યારપછી ફરી સિરિયલ કિલર તરફ સોય વળી અને લોકોની પૂછપરછ કરીને ત્રણ સ્કેચ તૈયાર કરવામાં આવ્યા.
ગયા વર્ષે આ 9 મહિલાઓની હત્યા કરવામાં આવી હતી
ગયા વર્ષે શીશગઢ અને શાહી વિસ્તારમાં નદી કિનારાની આસપાસ મહિલાઓની હત્યા કરવામાં આવી હતી. 5 જૂને શાહી ગામની કલાવતી નામની યુવતીની હત્યા કરવામાં આવી હતી, 19 જૂને ધનવતી નામની યુવતીની લાશ શાહી રોડની બાજુમાંથી મળી આવી હતી, 30 જૂને શાહીના આનંદપુરમાંથી પ્રેમવતીની લાશ મળી આવી હતી. 22 જૂને કુસુમાનો મૃતદેહ ખજુરિયા ગામમાંથી મળ્યો હતો, 23 ઓગસ્ટે વીરવતીનો અર્ધ-નગ્ન મૃતદેહ જ્વાલાપુર ગામમાંથી મળ્યો હતો. 31 ઓક્ટોબરે લખીમપુરમાં 60 વર્ષીય મહિલાની હત્યા કરવામાં આવી હતી. 20 નવેમ્બરના રોજ ખરસૈની ગામમાં 60 વર્ષના દુલારોં દેવીની હત્યા કરવામાં આવી હતી. 26 નવેમ્બરના રોજ જગદીશપુરમાં 55 વર્ષની ઉર્મિલાની હત્યા કરવામાં આવી હતી. આ તમામ મહિલાઓની ગળામાં કડક ફાંસો નાખીને હત્યા કરવામાં આવી હતી.
આ પણ જૂઓ: 15 ઓગસ્ટ પહેલા દિલ્હી પોલીસના સ્પેશિયલ સેલને મોટી સફળતા, ISIS આતંકી રિઝવાન અલીની ધરપકડ
