ભારતીય હોકી ટીમે બ્રોન્ઝ પર કર્યો કબજો, પેરિસ ઓલિમ્પિકમાં ભારતને ચોથો મેડલ મળ્યો

પેરિસ, 8 ઓગસ્ટ: પેરિસ ઓલિમ્પિકની હોકી બ્રોન્ઝ મેડલ મેચ ભારત અને સ્પેન વચ્ચે રમાઈ હતી. ભારતે આ મેચ 2-1થી જીતીને બ્રોન્ઝ મેડલ પર કબજો કર્યો હતો. લાંબા સમય બાદ ભારતે સતત બીજી વખત ઓલિમ્પિક ગેમ્સમાં મેડલ જીત્યો છે. ટોક્યો ઓલિમ્પિક 2020માં પણ ભારતે હોકીમાં બ્રોન્ઝ મેડલ જીત્યો હતો. કેપ્ટન હરમનપ્રીત સિંહે પેનલ્ટી કોર્નર દ્વારા બે ગોલ કર્યા હતા.

કેપ્ટન હરમનપ્રીત સિંહની ટીમે સ્પેનને 2-1થી હરાવીને અજાયબી કરી બતાવ્યું. ટોક્યોમાં યોજાયેલી છેલ્લી ઓલિમ્પિક ગેમ્સમાં પણ ભારતે માત્ર બ્રોન્ઝ મેડલ જીત્યો હતો. ભારત માટે હરમનપ્રીતે 30મી અને 34મી મિનિટે ગોલ કર્યા હતા. આ રીતે 52 વર્ષ બાદ સતત બે ઓલિમ્પિકમાં બેક ટુ બેક મેડલ આવ્યા છે. આ પહેલા ભારતે 1968 મેક્સિકો ઓલિમ્પિક અને 1972 મ્યુનિક ઓલિમ્પિકમાં બ્રોન્ઝ મેડલ જીત્યા હતા. આ રીતે વર્તમાન ઓલિમ્પિકમાં ભારતના મેડલની સંખ્યા ચાર થઈ ગઈ છે.

શ્રીજેશને સન્માન સાથે વિદાય 

બ્રોન્ઝ મેડલ સાથે, હોકી ટીમે તેના વરિષ્ઠ ખેલાડી અને અનુભવી ગોલકીપર શ્રીજેશને મેડલ સાથે વિદાય આપી કારણ કે તેણે પહેલેથી જ નિવૃત્તિ લેવાનો નિર્ણય લીધો હતો. આવી સ્થિતિમાં શ્રીજેશની સન્માનજનક વિદાય પણ ભારતની આ શાનદાર રમતનું કારણ બની હતી. મેચ જીત્યા બાદ શ્રીજેશ પોતાની સામાન્ય શૈલીમાં ગોલ પોસ્ટ પર ચઢીને ઉજવણી કરી હતી.

આ પણ વાંચો :‘જો મોદીજી રશિયા-યુક્રેન યુદ્ધ રોકી શકે તો…’, રણદીપ સુરજેવાલાએ વિનેશ ફોગટ માટે કરી આ મોટી માંગ