કામ ન મળવાથી નિરાશ છે કુમાર સાનુ, લોકોને અવાજ ગમે છે, પણ ગવડાવતા નથી

• પ્રખ્યાત ગાયક કુમાર સાનુ આજે પણ લોકોના દિલમાં વસે છે. તેમના ગીતો આજે પણ લોકોના હોઠ પર છે, જોકે આજે તેઓ કામ ન મળવાથી નિરાશ છે

7 ઓગસ્ટ, મુંબઈઃ 90ના દાયકામાં સૌથી વધુ સુપરહિટ ગીતો આપનાર પ્રખ્યાત ગાયક કુમાર સાનુ આજે પણ લોકોના દિલમાં વસે છે. તેમના ગીતો આજે પણ લોકોના હોઠ પર છે. ‘ચુરા કે દિલ મેરા’, ‘બસ એક સનમ ચાહિયે આશિકી કે લિયે’, ‘દો દિલ મિલ રહે હૈં…’ જેવા સુપરહિટ ગીતોથી દાયકાઓ સુધી બોલિવૂડની મ્યુઝિક ઈન્ડસ્ટ્રીમાં રાજ કરનાર કુમાર સાનુ આજે કામ ન મળવાથી નિરાશ છે.

છેલ્લી વાર તેમણે પ્લેબેક સિંગર તરીકે ફિલ્મ ‘દમ લગાકે હઇશ્શા’ (2015) માં ‘દર્દ કરારા’ ગીતમાં પોતાનો અવાજ આપ્યો હતો. ત્યારબાદ કુમાર સાનુનો ​​અવાજ આસ્થા ગિલ સાથે 2021ના આલ્બમ સોન્ગ ‘સાવરિયા’માં સાંભળવા મળ્યો હતો, પરંતુ હાલના સમયમાં કામ ન મળવાથી કુમાર સાનુ નિરાશ છે. તેમણે ઈન્ડસ્ટ્રીના લોકોને કામ માટે અપીલ કરી છે.

 

View this post on Instagram

 

A post shared by Kumar Sanu (@kumarsanuofficial)

લોકો હવે ગીતો ગવડાવતા નથી

કુમાર સાનુ ઈન્ડસ્ટ્રીમાં કામ ન મળવાને લઈને કહે છે કે મારી અત્યાર સુધીની સફર ઘણી સારી રહી છે. ઈન્ડસ્ટ્રીમાં દરેક વ્યક્તિ મને ખૂબ માન-સન્માન આપે છે, પરંતુ સૌથી મોટી વાત એ છે કે લોકો સન્માન તો આપે છે, પ્રેમ આપે છે, મારા ગીતો સાંભળે છે, પરંતુ મારા અવાજનો ઉપયોગ ગીતોમાં કરતા નથી. આ સવાલ હંમેશા મારા મનમાં હંમેશા આવે છે અને તેઓ મને આદર આપે છે, હું તેમની સામે હાજર પણ છું, તો પણ શા માટે મારી સાથે ગવડાવતા નથી?

કુમાર સાનુએ અમેરિકામાં યોજાયેલા તેમના મ્યુઝિકલ શો પર પણ ભાર મૂક્યો અને કહ્યું કે દર્શકો હજુ પણ તેમના ગીતોની માંગ કરે છે અને તેમને સાંભળવા માંગે છે. હજુ પણ મારા ફેન ફોલોઈંગ છે. હું જ્યાં પણ શો કરવા જાઉં ત્યાં બધી ટિકિટો વેચાઈ જાય છે. પબ્લિકમાં મારી ડિમાન્ડ છે. જો હું ગાઈ શકું છું તો નિર્માતાઓ કેમ મારી સાથે ગવડાવતા નથી?

કુમાર સાનુના નામે વર્લ્ડ રેકોર્ડ

સુપરહિટ ગીતો આપવા ઉપરાંત કુમાર સાનુના નામે વર્લ્ડ રેકોર્ડ પણ છે. તેમણે એક દિવસમાં 28 ગીતો ગાયા છે અને આ રેકોર્ડ આજ સુધી કોઈ તોડી શક્યું નથી.

આ પણ વાંચોઃ તમે ખુદ ગોલ્ડ છો, તમે જે મેળવ્યું તે મેડલથી પણ ઉપર છે, વિનેશના ડિસ્ક્વોલિફાય થવા પર સેલેબ્સની પ્રતિક્રિયા