ICC રેન્કિંગમાં મોટો બદલાવ: રોહિત શર્માને થયો મોટો ફાયદો તો વિરાટ કોહલીને થયું નુકસાન, જૂઓ લિસ્ટ

• ICC દ્વારા બહાર પાડવામાં આવેલી નવી ODI રેન્કિંગમાં રોહિત શર્માને ફાયદો થયો છે, જ્યારે વિરાટ કોહલીને મામૂલી નુકસાન થયું છે. પાકિસ્તાનનો બાબર આઝમ નંબર વન પર છે

મુંબઈ, 07 ઓગસ્ટ: ભારત અને શ્રીલંકા વચ્ચે રમાઈ રહેલી ODI શ્રેણી માટે ICC દ્વારા નવી રેન્કિંગ પણ બહાર પાડવામાં આવી છે. ભારતના સ્ટાર ખેલાડી રોહિત શર્મા અને વિરાટ કોહલી આ શ્રેણીનો ભાગ છે, તેથી તેમની રેન્કિંગમાં પણ ફેરફાર થયો છે. શ્રીલંકા સામેની સીરીઝની પ્રથમ બે મેચમાં જ્યારે રોહિત શર્માએ સતત બે અડધી સદી ફટકારી હતી, ત્યારે વિરાટ કોહલીનું બેટ કામ નહોતું કર્યું, તેથી તેની અસર રેન્કિંગ પર પણ જોવા મળી રહી છે.

ICC ODI રેન્કિંગમાં બાબર આઝમ નંબર વન, શુબમન ગિલ બીજા નંબરે

ICC દ્વારા જાહેર કરવામાં આવેલી ODI રેન્કિંગમાં કેટલાક મહત્વપૂર્ણ અને મોટા ફેરફારો જોવા મળી રહ્યા છે. પાકિસ્તાનના બાબર આઝમ હજુ પણ નંબર વનનું સ્થાન ધરાવે છે. હાલમાં તેનું રેટિંગ 824 છે. જ્યારે ભારતનો શુભમન ગિલ બીજા સ્થાને છે. તેનું રેટિંગ 782 છે. આ સીરિઝ પહેલા શુભમન ગિલનું રેટિંગ 801 હતું, જે હવે ઘટી ગયું છે, પરંતુ આ પછી પણ તે બીજા નંબર પર છે. ભારતીય ટીમનો કેપ્ટન રોહિત શર્મા હવે ત્રીજા નંબર પર આવી ગયો છે. તેના રેટિંગમાં વધારો થયો છે. આ સીરીઝ પહેલા રોહિત શર્માનું રેટિંગ 746 હતું જે હવે વધીને 763 થઈ ગયું છે. હવે તેઓ એક સ્થાનના ફાયદા સાથે ત્રીજા નંબરે પહોંચવામાં સફળ થયો છે.

વિરાટ કોહલીને ICCની નવી રેન્કિંગમાં થયું નુકસાન

આ દરમિયાન વિરાટ કોહલીને મામૂલી નુકસાન થયું છે. તે હવે ત્રીજા નંબરથી ચોથા નંબર પર આવી ગયો છે. શ્રેણી પહેલા વિરાટ કોહલીનું રેટિંગ 768 હતું જે હવે ઘટીને 752 થઈ ગયું છે. જોકે, નંબર 5 બેટ્સમેન પર તેની લીડ હજુ પણ સારી છે. આયર્લેન્ડના હેરી ટ્રેક્ટર, જે હવે 746 રેટિંગ સાથે પાંચમા ક્રમે છે, તે પણ એક સ્થાન ગુમાવ્યું છે. ન્યુઝીલેન્ડનો ડેરીલ મિશેલ 728 રેટિંગ સાથે છઠ્ઠા નંબર પર છે અને ડેવિડ વોર્નર 723 રેટિંગ સાથે સાતમા નંબર પર છે. આ બંને બેટ્સમેન અગાઉ પણ અહીં હતા.

ડેવિડ માલાનને ફાયદો, પદુમ નિસાંકાને નુકસાન

ઈંગ્લેન્ડના બેટ્સમેન ડેવિડ મલાનને એક સ્થાનનો ફાયદો થયો છે. તે હવે 707 રેટિંગ સાથે આઠમા નંબર પર આવી ગયો છે. જ્યારે શ્રીલંકાના પદુમ નિસાંકાને એક સ્થાનનું નુકસાન થયું છે. તે હવે 705 રેટિંગ સાથે 9માં નંબર પર પહોંચી ગયો છે. સાઉથ આફ્રિકાના રાસી વેન્ડર ડ્યુસેન 701 રેટિંગ સાથે 10માં નંબરે છે. ભારત અને શ્રીલંકા વચ્ચે આજે છેલ્લી ODI મેચ છે, ત્યાર બાદ રેટિંગ જ્યારે પણ આવશે ત્યારે તેમાં પણ કેટલાક ફેરફાર જોવા મળી શકે છે.

આ પણ વાંચો: નીરજ ચોપરા ગોલ્ડ મેડલ જીતશે તો ઋષભ પંત ચાહકોને આપશે ઈનામ, લોકોને આ કામ કરવાનું કહ્યું