BSNL 4G સેવાને લઈને મોટું અપડેટ: 15 હજારથી વધુ ટાવર થયા શરુ, મળશે સુપરફાસ્ટ કનેક્ટિવિટી
- કંપનીએ BSNL 4G સર્વિસને લઈને મોટા સમાચાર આપ્યા છે. સરકારી ટેલિકોમ કંપનીએ સ્વદેશી ટેક્નોલોજીથી બનેલા 15 હજારથી વધુ મોબાઈલ ટાવર લગાવ્યા
દિલ્હી, 06 ઓગસ્ટ: BSNL 4G સેવાની રાહ જોવાનો અંત આવ્યો છે. દેશભરમાં સુપરફાસ્ટ કનેક્ટિવિટી આપવા માટે સરકારી ટેલિકોમ કંપની મોબાઈલ ટાવરને અપગ્રેડ કરવામાં વ્યસ્ત છે. BSNL એ દેશમાં 15 હજારથી વધુ મોબાઈલ સાઈટ પર 4G ટાવર લગાવ્યા છે. કંપની ટૂંક સમયમાં સમગ્ર દેશમાં એકસાથે 4G સેવા શરૂ કરવા જઈ રહી છે. આટલું જ નહીં ખાનગી કંપનીઓ સાથે સ્પર્ધા કરવા માટે BSNLએ 5Gનું ટેસ્ટિંગ પણ શરૂ કરી દીધું છે. કંપની યુઝર્સને 5G તૈયાર સિમ કાર્ડ આપી રહી છે.
15 હજારથી વધુ 4G સાઈટ લાઈવ થઈ
ભારત સંચાર નિગમ લિમિટેડે તેના સત્તાવાર સોશિયલ મીડિયા હેન્ડલ દ્વારા પુષ્ટિ કરી છે કે 15 હજારથી વધુ 4G મોબાઇલ સાઇટ્સનું કામ પૂર્ણ થઈ ગયું છે. કંપનીએ તેની પોસ્ટમાં કહ્યું છે કે આત્મનિર્ભર ભારત પહેલ હેઠળ 15 હજારથી વધુ 4G સાઇટ્સ તૈયાર કરવામાં આવી છે, જે સમગ્ર ભારતમાં સીમલેસ કનેક્ટિવિટી પ્રદાન કરશે. ભારત સંચાર નિગમ લિમિટેડની 4G સર્વિસની ખાસ વાત એ છે કે તેમાં સંપૂર્ણ સ્વદેશી ટેક્નોલોજીનો ઉપયોગ કરવામાં આવ્યો છે. આ મોબાઈલ ટાવર્સમાં ભારતમાં બનેલા ઉપકરણો લગાવવામાં આવ્યા છે.
Proud to announce the milestone of 15,000+ 4G sites built under the #AtmanirbharBharat initiative. Empowering India with seamless connectivity!#BSNL #BharatKaApna4G #BSNL4G #BSNLNetwork #SwitchToBSNL pic.twitter.com/kynIuOlVU3
— BSNL India (@BSNLCorporate) August 6, 2024
5G પરીક્ષણ કર્યું શરૂ
4G સેવા શરૂ કરવાની સાથે ભારત સંચાર નિગમ લિમિટેડે 5Gનું પરીક્ષણ પણ શરૂ કર્યું છે. તાજેતરમાં કેન્દ્રીય સંચાર મંત્રી જ્યોતિરાદિત્ય સિંધિયાએ સ્વદેશી ટેક્નોલોજી પર આધારિત BSNLના 5G નેટવર્કનો ઉપયોગ કરીને વીડિયો કૉલ કર્યો હતો. આ વીડિયો પ્રકાશમાં આવ્યો ત્યારથી દેશના કરોડો યુઝર્સ BSNLની 5G સર્વિસની રાહ જોઈ રહ્યા છે.
સરકારી ટેલિકોમ કંપનીએ નવા યુઝર્સને 5G તૈયાર સિમ કાર્ડ આપવાનું શરૂ કર્યું છે. આવી સ્થિતિમાં એવી પણ આશા છે કે સરકારી ટેલિકોમ કંપનીની 5G સેવા પણ આગામી થોડા મહિનામાં શરૂ થઈ શકે છે. BSNLની 5G સેવાનું હાલમાં C-DoT કેમ્પસમાં પરીક્ષણ કરવામાં આવી રહ્યું છે. આગામી કેટલાક અઠવાડિયામાં દેશના ઘણા શહેરોમાં તેનું પરીક્ષણ કરવામાં આવશે. કેન્દ્ર સરકારે BSNLને પુનર્જીવિત કરવા માટે આ વર્ષે બજેટમાં રૂ. 83 હજાર કરોડથી વધુની રકમ ફાળવી છે. આ બજેટનો ઉપયોગ BSNLના નેટવર્કને અપગ્રેડ કરવા અને સેવાની ગુણવત્તા સુધારવા માટે કરવામાં આવશે.
આ પણ વાંચો: BSNLની જેમ Jio પણ લાવ્યું સસ્તો પ્લાન, માત્ર આટલા રુપિયામાં 11 મહિનાનું ટેન્શન થઈ જશે ખતમ
