મુસ્લિમ શાસક ના તોડી શક્યો આ મંદિર, શિવલિંગ પર લખાવડાવ્યું કલમા

ગોરખપુર, 6 ઓગસ્ટ : શ્રાવણ મહિનો ભગવાન શિવજીને સમર્પિત છે. ભગવાનો ભોળાનાથને આ મહિનો અતિ પ્રિય છે. આ મહિના શિવજીને પ્રસન્ન કરવા માટે શિવ ભક્તો ઉપવાસ રાખે છે અને વિધિ વત પૂજા અર્ચના કરે છે.ગોરખપુર શહેરથી 20 કિલોમીટરના અંતરે એક મંદિર આવેલું છે જ્યાં સોમવારે ભક્તોની ભારે ભીડ હોય છે. મંદિરની અંદર હાજર શિવલિંગ પર કાલમા લખાયેલું છે. જેનો ઈતિહાસ મુઘલ કાળ સાથે જોડાયેલો છે. આજે પણ શિવલિંગને જળ ચઢાવવા માટે ભક્તોની લાંબી લાઇનો અને ભીડ જોવા મળે છે.

ગોરખપુરમાં સરાયા તિવારી નામનું ગામ છે. જ્યાં આ અનોખા ‘સ્વયંભુ શિવલિંગ’ની સ્થાપના કરવામાં આવી છે. તેને ઝારખંડી શિવ પણ કહેવામાં આવે છે. લોકોમાં એવું માનવામાં આવે છે કે આ શિવલિંગ 100 વર્ષથી વધુ જૂનું છે. ત્યાંના પૂજારીઓ અને ભક્તો જણાવે છે કે અહીં આવનાર દરેક ભક્ત બાબા સામે પોતાની ઈચ્છા માંગે છે.તેમની મનોવાંછિત ઈચ્છા ચોક્કસપણે પૂર્ણ થાય છે.

શિવલિંગ વિશે એવું માનવામાં આવે છે કે જ્યારે મોહમ્મદ ગઝનવીએ ભારત પર હુમલો કર્યો ત્યારે તેણે દેશના તમામ મંદિરોને લૂંટી લીધા અને નષ્ટ કરી દીધા. તે આ શિવલિંગને પણ જડમૂળથી ઉખેડી નાખવા માંગતો હતો. પરંતુ જ્યારે તેની સેના તેને ઘણી વખત પ્રયત્નો કરવા છતાં પણ શિવલિંગને ઉખાડી નાખવામાં નિષ્ફળ રહી, ત્યારે તેણે શિવલિંગ પર જ કાલમા લખાવડાવ્યું. જેથી કોઈ હિંદુ તેની પૂજા ન કરે.

મંદિરની બીજી એક માન્યતા છે. ત્યાંના પૂજારી જેપી પાંડે અને ભક્તોનું કહેવું છે કે અનેક પ્રયાસો છતાં પણ આ મંદિર પર ક્યારેય છત નથી લગાવી શકાઈ. આ શિવલિંગ આજે પણ ખુલ્લા આકાશ નીચે છે. મંદિરની બાજુમાં એક તળાવ છે. જેમાં સ્નાન કરવાથી રક્તપિત્તથી પીડિત રાજા સાજો થઈ ગયો હતો.

શ્રાવણ મહિનામાં આ મંદિર અને શિવલિંગના દર્શનનું વિશેષ મહત્ત્વ છે. સોમવારે લોકો અહીં પૂજા પાઠ કરવા માટે અને જળ ચઢાવવા આવે છે. પરંતુ શ્રાવણ માસમાં સવારથી જ ભક્તોની લાંબી કતારો જોવા મળે છે. દરેક વ્યક્તિ અહીં ભગવાન શંકરને જળ ચઢાવીને આશીર્વાદ લેવા માંગે છે. ઘણા ભક્તો અહીં આવ્યા પછી શિવલિંગ પર લેપ લગાવે છે. ત્યાર બાદ ભગવાન શંકરને બિલીપત્ર અર્પણ કરીને જળ ચઢાવવામાં આવે છે.

આ પણ વાંચો : શ્રાવણમાં કરો આ શિવ મંત્રોનો જાપ, દરેક કાર્યમાં મળશે સફળતા