પેરા-એથ્લિટે અધિકારી પર લગાવ્યો છેડતીનો આરોપ, કારકિર્દી પ્રભાવિત થવાના ડરથી 5 મહિના સુધી ચૂપ રહી

• નોડલ ઓફિસરે તેમને પોર્ટ બ્લેરમાં તેમની ચેમ્બરમાં મળવા કહ્યું, પરંતુ ત્યાં જતાં જ તેણે મહિલા ખેલાડીની છેડતી કરી હતી
• પેરા-એથ્લિટે મદદ માટે બૂમો પાડી અને ત્યાંથી કોઈક રીતે ભાગી ગઈ

નવી દિલ્હી, 06 ઓગસ્ટ : આંદામાન અને નિકોબાર ટાપુઓમાં ગોલ્ડ મેડલ વિજેતા પેરા-એથ્લેટે રમતગમત વિભાગના અધિકારી પર છેડતીનો આરોપ લગાવ્યો છે. આ અંગે એફઆઈઆર નોંધવામાં આવી છે. પોલીસે જણાવ્યું હતું કે આ ઘટના આ વર્ષે માર્ચમાં બની હતી પરંતુ મહિલાએ તેના શોટ પુટ અને ડિસ્કસ થ્રોઅરની કારકિર્દીને અસર થશે તેવા ડરથી પોલીસને આ બાબતની જાણ કરી ન હતી.

આ પણ વાંચો : નીરજ ચોપરાની જેમ આ ખેલાડી પણ ભારત માટે જેવલિનમાં જીતી શકે છે મેડલ, જાણો કોણ છે

પેરા-એથ્લેટિક્સ ચેમ્પિયનશીપમાં ત્રણ ગોલ્ડ મેડલ જીત્યા

જે એથ્લિટે અધિકારી પર આરોપ લગાવ્યો છે તેણીએ 2021માં નેશનલ પેરા-એથ્લેટિક્સ ચેમ્પિયનશીપમાં ત્રણ ગોલ્ડ મેડલ જીત્યા હતા. તેણે તાજેતરમાં પોલીસને આ અંગે જાણ કરી હતી. તેની ફરિયાદના આધારે એબરડીન પોલીસ સ્ટેશનમાં એફઆઈઆર નોંધવામાં આવી છે. દક્ષિણ આંદામાનના પોલીસ અધિક્ષક નિહારિકા ભટ્ટે કહ્યું કે અમે કેસ સાથે જોડાયેલા તમામ લોકોની તપાસ કરી રહ્યા છીએ.

જુઓ ફરિયાદમાં શું કહ્યું ?

મહિલાની ફરિયાદ અનુસાર, તેણે 2022-23માં પેરા-એથ્લેટ્સ માટે મહેનતાણું અને અન્ય સુવિધાઓ માટે રમતગમત વિભાગને પત્ર લખ્યો હતો. આ પછી, તેમણે સહાયક સચિવ સ્તરના અધિકારીની સૂચના મુજબ નોડલ ઓફિસરને બોલાવ્યા. નોડલ ઓફિસરે તેમને પોર્ટ બ્લેરમાં તેમની ચેમ્બરમાં મળવા કહ્યું. પરંતુ ત્યાં જતાં જ તેણે મહિલા ખેલાડીની છેડતી કરી હતી. મહિલાએ મદદ માટે બૂમો પાડી અને ત્યાંથી ભાગી ગઈ.

આ પણ વાંચો : ઉજ્જૈનમાં બાબા મહાકાલને કોણ બાંધશે રાખડી? સવા લાખ લાડુઓનો ભોગ ધરાવાશે