BSNL 5G પર પ્રથમ કોલ કરવામાં આવ્યો, Jio અને Airtel આપશે ટક્કર

નવી દિલ્હી, 3 ઓગસ્ટ, BSNLએ તાજેતરમાં 5G નેટવર્ક પર પ્રથમ કોલ કરીને એક મહત્વપૂર્ણ સિદ્ધિ હાંસલ કરી દીધી છે. આ પગલું ભારતીય ટેલિકોમ માર્કેટમાં BSNLના વધતા પ્રભાવને દર્શાવે છે. ઘણા લોકો BSNL 5G સેવાની રાહ જોઈ રહ્યા છે. જો કે, BSNLની 5G સેવાઓની લોન્ચિંગ તારીખ વિશે હજુ સુધી કોઈ સત્તાવાર માહિતી બહાર આવી નથી. ટેલિકોમ મંત્રી જ્યોતિરાદિત્ય સિંધિયાએ BSNL 5G પર પ્રથમ કોલનો અનુભવ કર્યો છે. ટેલિકોમ મંત્રીએ થોડા સમય પહેલા માહિતી આપી હતી કે BSNL 4G અને 5Gની સેવાઓ શરૂ કરવા માટે ઝડપથી કામ ચાલી રહ્યું છે.

ટેલિકોમ મંત્રીએ BSNLની સેવાની ક્લિપ શેર કરી

હાલમાં, Jio, Airtel અને Vi જેવા ખાનગી ટેલિકોમ ઓપરેટરોએ તેમના રિચાર્જ પ્લાનની કિંમતોમાં વધારો કર્યો છે, જ્યારે BSNL તેના જૂના ભાવે સેવાઓ ઓફર કરી રહી છે. જો કે, BSNLની 4G સેવાઓમાં કોલ ડ્રોપ્સ અને ધીમી ઇન્ટરનેટ સ્પીડ જેવી કેટલીક સમસ્યાઓ જોવા મળે છે. આ હોવા છતાં, BSNL 5G પરીક્ષણમાં વ્યસ્ત છે અને તેના માટે તૈયારીઓ કરવામાં આવી રહી છે. કંપની હજુ પણ તેની 4G સેવાને સંપૂર્ણ રીતે બહાર પાડી શકી નથી, પરંતુ હવે 5G માટે તૈયારીઓ કરવામાં આવી રહી છે. ટેલિકોમ મંત્રી જ્યોતિરાદિત્ય સિંધિયાએ સરકારી ટેલિકોમ ઓપરેટર BSNLની સેવાની ક્લિપ શેર કરી છે.

BSNLના સબસ્ક્રાઈબર બેઝમાં પણ વધારો થયો

તાજેતરમાં, BSNLના ગ્રાહકોની સંખ્યામાં વધારો જોવા મળ્યો છે. ટેલિકોમ મંત્રી જ્યોતિરાદિત્ય સિંધિયાએ સોશિયલ મીડિયા પ્લેટફોર્મ X પર BSNL 5G દ્વારા વીડિયો કૉલની ક્લિપ શેર કરી છે. તેણે લખ્યું, “કનેક્ટિંગ ઈન્ડિયા! હમણાં જ BSNL 5G સક્ષમ ફોન કૉલ અજમાવ્યો.” આ વિડિયો સાથે BSNLના સબસ્ક્રાઈબર બેઝમાં પણ વધારો થયો છે. આ એક ખૂબ જ ટૂંકી ક્લિપ છે. જ્યોતિરાદિત્ય સિંધિયાએ C-Dot કેમ્પમાં BSNL 5G કૉલનો અનુભવ લીધો છે. કોલિંગ સમયે ટેલિકોમ મિનિસ્ટરની પાસે ઉભેલા એક વ્યક્તિએ જણાવ્યું કે આ કોલ BSNL 5G પર કરવામાં આવ્યો હતો.

આ ટેસ્ટ પછી એ સ્પષ્ટ થઈ ગયું કે એ દિવસ દૂર નથી જ્યારે લોકો પાસે BSNL 5G નેટવર્ક હશે. ઉપરાંત, આ અન્ય કંપનીઓ માટે ચિંતાનો વિષય બની શકે છે. કારણ કે જ્યોતિરાદિત્ય સિંધિયા કેન્દ્ર પહોંચ્યા અને આ મુદ્દે ટેક એક્સપર્ટ અને વૈજ્ઞાનિકો સાથે વાત કરી અને કહ્યું કે આપણે ઝડપી 5જી ઈન્ટરનેટ આપવા પર કામ કરવું જોઈએ. બીએસએનએલના કામ પર દરરોજ નજર રાખવામાં આવી રહી છે. મંત્રીએ કહ્યું કે BSNL સેવા શરૂ કરવામાં વિલંબ થયો હોવા છતાં લોકોને આ સેવા પર ગર્વ થશે અને તેના માટે થોડી રાહ જોવી પડશે. BSNL એ તેની 4G સેવા કેટલાક સર્કલમાં શરૂ કરી છે, પરંતુ તે સમગ્ર ભારતમાં શરૂ કરવામાં આવી નથી. એવી અપેક્ષા છે કે કંપની ટૂંક સમયમાં તેની 4G અને 5G સેવાઓ શરૂ કરશે.

આ પણ વાંચો..50MP ફ્રન્ટ કૅમેરા સાથેનો Nothing Phone 2a Plus થયો લોન્ચ, જાણો કિંમત અને ફીચર્સ