તાજમહેલમાં બે યુવકોએ ચડાવ્યું ગંગાજળ! CISF દ્વારા અટકાયત; જાણો કોણે લીધી જવાબદારી

• હિન્દુ સંગઠનો તાજમહેલને તેજોમહાલય હોવાનો ઘણા સમયથી કરી રહ્યા છે દાવો, આ માટેનો કેસ પણ કોર્ટમાં પેન્ડિંગ છે

આગ્રા, 3 ઓગસ્ટ: આગ્રાના તાજમહેલમાં આજે શનિવારે હિન્દુ સંગઠનના બે યુવાનોએ ગંગાજળ ચડાવ્યું હતું. તેઓ પાણીની બોટલમાં ગંગાજળ ભરીને આવ્યા હતા. મુમતાઝની મુખ્ય કબર પાસે ભોંયરાના દરવાજા પર એક યુવકે ગંગાજળ ચડાવ્યું. દરવાજાથી ભોંયરામાં સ્થિત કબરો સુધી જવા માટે સીડીઓ બનાવવામાં આવી છે. હિન્દુ સંગઠનો તાજમહેલને તેજોમહાલય હોવાનો દાવો કરી રહ્યા છે. આ માટેનો કેસ પણ કોર્ટમાં પેન્ડિંગ છે. તાજમહેલમાં ક્યારેક હનુમાન ચાલીસાનો પાઠ કરવામાં આવે છે તો ક્યારેક નમાઝ અદા કરવાનો પ્રયાસ કરવામાં આવે છે.

CISF has taken into custody Akhil Bharatiya Hindu Mahasabha workers ‘Vinesh and Shyam’ on the charge of offering Gangajal on the grave inside the Taj Mahal. He had gone to sprinkle Gangajal on his sister and brother-in-law.
These people had entered with water in a Bisleri bottle pic.twitter.com/DTO7l00yMP

— Mahmood Ahmad (@MahmoodAhamd27) August 3, 2024

કાંવડ સાથે આવી હતી મહિલા 

સોમવારે અખિલ ભારત હિન્દુ મહાસભાની મીરા રાઠોડ કાંવડ સાથે તાજમહેલ પહોંચી હતી. પોલીસે તેમને આરકે ફોટો સ્ટુડિયો બેરિયરથી આગળ જવા દીધા ન હતા. ત્યારે હવે આજે શનિવારે સવારે બે યુવકો તાજમહેલ પહોંચ્યા હતા. એકના હાથમાં પાણીની બોટલ હતી અને બીજો વીડિયો બનાવી રહ્યો હતો.

મુખ્ય કબરો ધરાવતી ચેમ્બરમાં પ્રવેશતા પહેલા, યુવાન ભોંયરાના દરવાજા પર અટકી ગયો. અહીં તેમણે બોટલમાં ભરેલા ગંગાજળથી અભિષેક કર્યો. CISF જવાનોએ યુવકને આવું કરતા જોઈને અને અન્યને વીડિયો બનાવતા જોઈને પકડી લીધો હતો. પૂછપરછ બાદ બંનેને પોલીસ હવાલે કરાયા હતા.

અખિલ ભારતીય હિન્દુ મહાસભાએ લીધી જવાબદારી 

અખિલ ભારતીય હિન્દુ મહાસભાએ આની જવાબદારી લીધી છે. મહાસભાના વિનેશ ચૌધરી અને શ્યામ તાજમહેલમાં ગંગાજળ ચઢાવતા ઝડપાયા છે. શુક્રવારે રાત્રે બંને કાંવડ સાથે મથુરા પહોંચ્યા હતા અને આજે શનિવારે તાજમહેલ પહોંચ્યા બાદ તેમણે ગંગાજળ ચડાવ્યું હતું.

હિન્દુ મહાસભાના વિભાગીય અધ્યક્ષ મનીષ પંડિત અને રાષ્ટ્રીય પ્રવક્તા સંજય જાટે કહ્યું કે, તેજોમહાલયમાં ગંગાજળ ચઢાવવું એ હિન્દુ મહાસભાનો જન્મસિદ્ધ અધિકાર છે. ભવિષ્યમાં પણ તેજોમહાલયમાં કાંવડ અને ગંગાજળથી અભિષેક કરવામાં આવશે.

આ પણ જૂઓ: અયોધ્યા દુષ્કર્મ કેસ: આરોપી મોઇદ ખાનની સંપત્તિ પર CM યોગીનું બુલડોઝર ફરી વળ્યું, સપા ચૂપ