ઓલિમ્પિકમાં ભારત માટે બ્રોન્ઝ મેડલ લાવનાર સ્વપ્નિલ કુસાલે છે ધોની જેવો ટિકિટ કલેક્ટર
- સ્વપ્નિલ કુસાલે એ પુરુષોની 50 મીટર રાઇફલ 3 પોઝિશનમાં 451.4ના સ્કોર સાથે બ્રોન્ઝ મેડલ જીત્યો
Exceptional performance by Swapnil Kusale! Congrats to him for winning the Bronze medal in the Men’s 50m Rifle 3 Positions at the #ParisOlympics2024.
His performance is special because he’s shown great resilience and skills. He is also the first Indian athlete to win a medal in… pic.twitter.com/9zvCQBr29y
— Narendra Modi (@narendramodi) August 1, 2024
સ્વપ્નિલ માટે આ સિદ્ધિ સુધીનો માર્ગ સરળ નહોતો
પુણેના 28 વર્ષીય સ્વપ્નિલ માટે અહીં પહોંચવાનો માર્ગ સરળ ન હતો, જે એક સમયે રેલવેમાં ટિકિટ કલેક્ટર તરીકે કામ કરતો હતો, તેણે ભારતીય ક્રિકેટ ટીમના ભૂતપૂર્વ કેપ્ટન એમ.એસ.ધોની પાસેથી પ્રેરણા લીધી હતી. સ્વપ્નિલ 2012થી આંતરરાષ્ટ્રીય શૂટિંગ ઈવેન્ટ્સમાં ભાગ લઈ રહ્યો છે. જો કે, તેને તેની કારકિર્દીની પ્રથમ ઓલિમ્પિક રમવા માટે 12 વર્ષ સુધી રાહ જોવી પડી હતી. ગયા વર્ષે, હાંગઝોઉ એશિયન ગેમ્સમાં આ જ ઇવેન્ટમાં, કુસાલે ઐશ્વર્યા પ્રતાપ અને અખિલ શિયોરાન સાથે મળીને ટીમ ઇવેન્ટમાં ગોલ્ડ મેડલ જીત્યો હતો. કુસાલે કોલ્હાપુરમાં તેજસ્વિની સાવંતના માર્ગદર્શન હેઠળ પ્રેક્ટિસ કરે છે.
આ ઓલિમ્પિકમાં શૂટિંગમાં ભારતનો આ ત્રીજો મેડલ
ગેમ્સના મહાકુંભમાં ભારતે પ્રથમ વખત એક જ રમતમાં ત્રણ મેડલ જીત્યા છે. અગાઉ, જ્યારે મનુ ભાકરે મહિલાઓની 10 મીટર એર પિસ્તોલ ઈવેન્ટમાં બ્રોન્ઝ મેડલ જીત્યો હતો, ત્યારબાદ મનુ ભાકરે સરબજોત સિંહ સાથે મળીને 10 મીટર એર પિસ્તોલ મિક્સ્ડ ટીમ ઈવેન્ટમાં પણ બ્રોન્ઝ મેડલ જીતવામાં સફળ રહી હતી. અત્યારે ભારતને આ ઓલિમ્પિકમાં વધુ મેડલ મળવાની આશા છે.
આ પણ જૂઓ: ઓલિમ્પિકમાં ભારતને વધુ એક મેડલઃ 50 મીટર શૂટિંગમાં મળ્યો બ્રોન્ઝ
