પેરિસ ઓલિમ્પિક : સિંગલ્સ ટેબલ ટેનિસમાં મનિકા બત્રાની હાર

• હવે મનિકા બત્રા મહિલા ડબલ્સમાં દેખાશે
• હાર છતાં મનિકાએ પ્રી-ક્વાર્ટર ફાઇનલમાં પહોંચી ઇતિહાસ રચ્યો

નવી દિલ્હી, 31 જુલાઈ : પેરિસ ઓલિમ્પિકમાં સિંગલ્સ ટેબલ ટેનિસ ઈવેન્ટમાં ભારતની સ્ટાર ટેબલ ટેનિસ ખેલાડી મનિકા બત્રાનો પડકાર હવે સમાપ્ત થઈ ગયો છે. તે હવે આ ઓલિમ્પિકમાં મહિલા ડબલ્સમાં દેખાશે. જાપાનની મિયુ હિરાનોએ પ્રી-ક્વાર્ટર ફાઇનલમાં મનિકા બત્રાને 4-1થી હરાવીને ક્વાર્ટર ફાઇનલમાં પોતાની ટિકિટ બુક કરી હતી. હાર છતાં મનિકા બત્રાએ પ્રી-ક્વાર્ટર ફાઇનલમાં પહોંચીને ઇતિહાસ રચ્યો હતો. ઓલિમ્પિકમાં ટેબલ ટેનિસમાં રાઉન્ડ ઓફ 16માં પહોંચનારી તે પ્રથમ ભારતીય બની હતી.

મનિકાએ ફ્રાન્સની પાવડેને હરાવી

મનિકા બત્રાએ રાઉન્ડ ઓફ 32ની મેચમાં ફ્રાન્સની 12મી ક્રમાંકિત પ્રિતિકા પાવાડેને સીધા સેટમાં હરાવ્યા હતા. મનિકાએ પાવડેને 11-9, 11-6, 11-9, 11-7થી હરાવ્યો હતો. મનિકા ટેબલ ટેનિસ ઈવેન્ટની પ્રી-ક્વાર્ટર ફાઇનલમાં પહોંચીને ઓલિમ્પિક ઈતિહાસમાં ઈતિહાસ રચી ચૂકી છે. આવું કરનાર તે પ્રથમ ભારતીય છે.