એક ફોટાની ઘેલછામાં માતાએ બાળકોની જિંદગી કેવી રીતે જોખમમાં મૂકી, જૂઓ
- વીડિયોમાં કેટલાક ડરી ગયેલા બાળકો રસ્તાના કિનારે ઊભા રહીને મગર સાથે પોઝ આપતા જોવા મળે છે. આશ્ચર્યની વાત એ છે કે તેમના માતા-પિતા તેમના પર આવું કરવા માટે દબાણ કરી રહ્યા છે
ફ્લોરિડા, 31 જુલાઈ: રસ્તા પર જોવા મળતા ખતરનાક જંગલી પ્રાણીઓને કેટલાક લોકો ઘણીવાર હલ્કામાં લે છે. તેઓ એ પણ વિચારતા નથી કે તેના પરિણામો કેટલા ખતરનાક કે ઘાતક આવી શકે છે. સોશિયલ મીડિયા પર આવા વીડિયો અને ફોટો અનેકવાર જોવા મળે છે, જેમાં કેટલાક લોકોની મૂર્ખતા બીજાના જીવને જોખમમાં મૂકતી જોવા મળે છે. હાલમાં આવો જ એક વીડિયો પ્રકાશમાં આવ્યો છે, જેને જોઈને તમે પણ હલી જશો. વીડિયોમાં કેટલાક ડરી ગયેલા બાળકો રસ્તાના કિનારે ઉભા રહીને મગર સાથે પોઝ આપતા જોવા મળે છે. આશ્ચર્યની વાત એ છે કે તેમના માતા-પિતા એક ફોટાની ઘેલછામાં આવીને તેમના બાળકો પર આવું કરવા માટે દબાણ કરી રહ્યા છે અને તેમના જીગરના ટુકડાને પોઝ આપવાનું કહીને ભયંકર શિકારી સાથે ફોટા પડાવતા જોવા મળે છે.
અહીં જૂઓ વીડિયો:
View this post on Instagram
માતા-પિતા જો ક્યાંક બહાર ફરવા જાય છે તો તેઓ પોતાના બાળકોની સુરક્ષાનું ખાસ ધ્યાન રાખે છે, પરંતુ હાલમાં જ વાયરલ થઈ રહેલા એક વીડિયોમાં એક અલગ જ દ્રશ્ય જોવા મળી રહ્યું છે. આ વીડિયોમાં માતા-પિતા પોતે જ પોતાના જીગરના ટુકડાને મૃત્યુના મુખમાં ધકેલતા જોવા મળે છે. આ વીડિયો જોયા પછી તમને ચોક્કસ આશ્ચર્ય થશે અને ગુસ્સો આવશે. વાયરલ થયેલા વીડિયોમાં જોઈ શકાય છે કે એક મગર મોં ખુલ્લું રાખીને રોડ કિનારે જોવા મળી રહ્યો છે. આ દરમિયાન સામે ઉભેલા કેટલાક વાલીઓ બાળકોની સુરક્ષા સાથે રમતા તેમને સાઈકલ પરથી ઉતરીને મગરની નજીક જઈને પોઝ આપવા કહે છે, જેથી તેઓ તેમની તસવીર લઈ શકે. મગરના ડરથી ધ્રૂજતા બાળકો, તેમના માતાપિતાના દબાણ હેઠળ, તેઓ ઉભા રહીને ફોટા પડાવાનું શરુ કરે છે.
આ વીડિયો ઈન્સ્ટાગ્રામ પર @influencersinthewild નામના એકાઉન્ટ દ્વારા શેર કરવામાં આવ્યો છે. આ વીડિયોને અત્યાર સુધીમાં 19 હજારથી વધુ લોકોએ લાઈક કર્યો છે. યુઝર્સ વીડિયો પર અલગ-અલગ પ્રકારના રિએક્શન આપી રહ્યા છે. આ ઘટના ફ્લોરિડાના એવરગ્લેડ્સ નેશનલ પાર્કની જણાવવામાં આવી રહી છે, જ્યાં અનેક પ્રકારના વન્યજીવ રહે છે, પરંતુ જ્યારે લોકોએ રસ્તાની બાજુમાં એક મગર જોયો તો તેઓ તેની સાથે ફોટો પડાવા દોડી જાય છે.
આ પણ વાંચો: ગેમનો ટાસ્ક પૂરો કરવા છોકરાએ 14મા માળેથી માર્યો કૂદકો, નોટબુકમાં લખ્યું- ‘લોગ આઉટ’
