જમ્મુ-કાશ્મીર: દક્ષિણ કાશ્મીરમાં પંડિતોના 3 ઘર બળીને રાખ, પોલીસને ષડયંત્રની શંકા!

જમ્મુ-કાશ્મીર, 30 જુલાઈ: દક્ષિણ કાશ્મીરના અનંતનાગ જિલ્લાના મટ્ટનમાં ભીષણ આગની ઘટના પ્રકાશમાં આવી છે. આ અકસ્માતમાં પંડિત સમુદાયના ત્રણ રહેણાંક મકાનોને નુકસાન થયું હતું. આ ઘટના 28 અને 29મીની રાત્રે બની હતી. મિલકતો એવા પરિવારોની હતી જેઓ 90 ના દાયકાની શરૂઆતમાં સ્થળાંતર કરી ગયા હતા અને તેથી તેને બંધ કરવામાં આવ્યા હતા.

પોલીસ કરી રહી છે તપાસ

પોલીસ સૂત્રોનું કહેવું છે કે આ મામલે તપાસ ચાલી રહી છે. આ વિસ્તારમાં બંકરની સાથે 24 કલાક સુરક્ષા તૈનાત છે. જો કે તોડફોડની શક્યતા નકારી કાઢવામાં આવી નથી, પરંતુ તમામ સંભવિત પાસાઓની તપાસ કરવામાં આવી રહી છે.

અગાઉ શ્રીનગરમાં લાગી હતી ભીષણ આગ

ગયા મહિને 24મી જૂને જમ્મુ-કાશ્મીરના શ્રીનગર વિસ્તારમાં ભીષણ આગ ફાટી નીકળી હતી. ઘટનાની જાણ થતા ફાયર બ્રિગેડની ટીમ ઘટના સ્થળે પહોંચી આગને કાબુમાં લીધી હતી. આગની આ ઘટના બોહોરી કદલ ડાઉનટાઉન વિસ્તારમાં પ્રકાશમાં આવી હતી. આગમાં અનેક રહેણાંક મકાનો અને કોમર્શિયલ મિલકતો બળીને ખાખ થઈ ગઈ હતી.

આ પણ વાંચો: વાયનાડ ભૂસ્ખલન: અત્યાર સુધીમાં 43 લોકોના મૃત્યુ, 400 પરિવારો ફસાયા, સરકારે હેલ્પલાઇન નંબર કર્યો જાહેર