Video : બેંગલુરુની હોટલોમાં મટનના નામે પીરસાય છે શ્વાનનું માંસ? જાણો શું છે સમગ્ર વિવાદ

બેંગલુરુ, 30 જુલાઈ : કર્ણાટકના સૌથી વ્યસ્ત ટ્રેન સ્ટેશનના ઓકાલીપુરમ પ્રવેશદ્વાર પર એકાએક હોબાળો થયો. ટ્રેનમાં આવેલા કન્સાઇનમેન્ટને લઇને વિવાદ શરૂ થયો હતો. પોલીસ અને આરપીએફની ટીમ ઘટનાસ્થળે પહોંચી હતી. તપાસ હાથ ધરવામાં આવી હતી. ગત શુક્રવારે રાત્રે લગભગ 8 વાગ્યે અહીં હલચલ મચી ગઈ હતી. પ્લેટફોર્મ 8 પર મુસાફરોનું ટોળું એકઠું થયું હતું. સર્ચ દરમિયાન પોલીસને બરફમાં જામેલું માંસ મળ્યું. આરોપ છે કે આ કૂતરાનું માંસ હોટલોમાં સપ્લાય કરવામાં આવતું હતું. તેનું વજન લગભગ 14000 કિગ્રા હોવાનું કહેવાય છે. જોકે અધિકારીઓએ તે 1500 કિલો હોવાનો દાવો કર્યો હતો. સત્તાવાળાઓ હાલમાં શિપમેન્ટના સ્ત્રોત અને મોકલનાર પાસે જરૂરી પરમિટ હતી કે કેમ તેની તપાસ કરી રહ્યા છે. ખાદ્ય નિરીક્ષકો પણ સ્થળ પર પહોંચ્યા હતા અને માંસ જપ્ત કરવામાં આવ્યું હતું.

માંસ બજારમાં 600 રૂપિયા પ્રતિ કિલોના ભાવે વેચાઈ રહ્યું હતું

પોલીસની પ્રાથમિક તપાસમાં સામે આવ્યું છે કે આ માંસ બજારમાં 600 રૂપિયા પ્રતિ કિલોના ભાવે વેચાઈ રહ્યું હતું, જ્યારે મટનની કિંમત 800 રૂપિયા પ્રતિ કિલો છે. હિંદુત્વવાદી સંગઠનોના કાર્યકર્તાઓએ સ્થળ પર જ હંગામો મચાવ્યો હતો. રાજસ્થાનથી કૂતરાનું માંસ વેચવા આવ્યું હોવાનું તારણ સામે આવ્યું હતું. પોલીસે જણાવ્યું કે, તેમને ઘણા સમયથી બેંગલુરુમાં મટનના નામે કૂતરાનું માંસ વેચવામાં આવી રહ્યું હોવાની માહિતી મળી રહી હતી. ખાસ વાત એ છે કે બજાર કરતા સસ્તું વેચાતું હોવાને કારણે મોટી હોટલોમાં પણ મટનના નામે કૂતરાનું માંસ પીરસવામાં આવતું હતું.

હોટલોમાં સપ્લાયનો આરોપ

એવો આરોપ છે કે મેજેસ્ટીકની આસપાસની હોટલોમાં માંસને અન્ય માંસ સાથે ભેળવીને પીરસવામાં આવતું હતું. ઘટના બાદ માંસના વેપારીઓ પણ ઘટના સ્થળે પહોંચી ગયા હતા. તેની સાથે બોલાચાલી પણ થઈ હતી. પોલીસે ઘટનાસ્થળે પહોંચીને સ્થિતિની જાણકારી મેળવવાનું શરૂ કર્યું.યુવાનોનો આરોપ છે કે રાજસ્થાનથી આવતા માંસના બોક્સને દૂર કરવામાં આવ્યા ત્યારે તેમાં ચામડીવાળા કૂતરાના શબ હતા. બેંગલુરુમાં એક કિલો ઘેટાં કે બકરીના મટનની કિંમત 750થી 800 રૂપિયા છે જ્યારે આ માંસ 600-650 રૂપિયામાં વેચાઈ રહ્યું છે.

આ પણ વાંચો : પેરિસ ઓલિમ્પિક્સમાં AI નો કમાલ હર એક સેક્ટરમાં કરી રહ્યું છે મદદ

ગૌરક્ષકો દ્વારા હંગામો

પુનિત કેરેહલ્લીના જણાવ્યા અનુસાર, શહેરમાં કૂતરાના માંસની આયાત કરવામાં આવી રહી હતી. જોકે, માંસનો ઓર્ડર આપનાર માંસના વેપારી અબ્દુલ રઝાકે આ આરોપને ફગાવી દીધો હતો. તેણે કહ્યું કે માલ કાયદેસર રીતે મંગાવવામાં આવ્યો હતો અને તે કૂતરાનું માંસ નહીં પણ ઘેટાંનું માંસ હતું. તેમણે કહ્યું કે અમે આ ધંધો કાયદેસર રીતે ચલાવી રહ્યા છીએ. અમારી પાસે જયપુરમાં અમારું કતલખાનું છે અને ટ્રેન દ્વારા બેંગલુરુ લઈ જવામાં આવે તે પહેલાં માંસ -5 ડિગ્રી સેલ્સિયસ પર સાચવવામાં આવે છે. તેણે કહ્યું કે તે કૂતરાનું માંસ નથી.

કૂતરાના માંસ અંગેના નિયમો શું છે?

ભારતમાં, કૂતરાના માંસના વપરાશ અને વેપાર પર કાનૂની પ્રતિબંધ છે. જો કે, ચોક્કસ નિયમો રાજ્ય પ્રમાણે બદલાય છે. પ્રિવેન્શન ઓફ ક્રુઅલ્ટી ટુ એનિમલ્સ એક્ટ, 1960, આ રીતે પ્રાણીઓની હત્યા અને સેવન પર પ્રતિબંધ મૂકે છે. ઘણા રાજ્યોએ કૂતરાના માંસ પર પોતાનો પ્રતિબંધ લાદ્યો છે. નાગાલેન્ડ અને મિઝોરમ બંને રાજ્યોમાં કૂતરાઓને કતલ કરવા અને તેનું માંસ વેચવા સામે ચોક્કસ જોગવાઈઓ છે. અરુણાચલ પ્રદેશમાં 2019માં કૂતરાના માંસ પર પ્રતિબંધ લાગુ કરવામાં આવ્યો હતો.

આ પણ વાંચો : શ્રીલંકા સામેની ત્રીજી T20 મેચમાં ભારત કરી શકે છે પ્રયોગ, સંજુને મળશે તક કે ગિલ કરશે વાપસી?