65 વર્ષનો થયો સંજય દત્ત, વાઈફ માન્યતાએ દિલ ખોલીને વરસાવ્યો પ્રેમ!
- આજે સંજય દત્ત તેની 65મી વર્ષગાંઠ ઉજવી રહ્યો છે. આ પ્રસંગે તેની લેડી લવ લેડી માન્યતા દત્તે પણ સંજયદત્તને ખાસ શુભેચ્છાઓ પાઠવી છે અને સ્પેશિયલ વિશ કર્યું છે
29 જુલાઈ, મુંબઈઃ બોલિવૂડ અભિનેતા સંજય દત્તે પોતાની 40 વર્ષની કારકિર્દીમાં હિન્દી ફિલ્મ ઈન્ડસ્ટ્રીમાં એક એકથી ચડિયાતી સુપરહિટ ફિલ્મો આપી છે. તેણે પોતાની કારકિર્દીમાં જેટલી ઊંચાઈઓ હાંસલ કરી છે, તેટલું જ તેનું અંગત જીવન પણ વિવાદોથી ભરપૂર રહ્યું છે. આજે એટલે કે 29મી જુલાઈએ સંજય દત્ત તેનો 65મો જન્મદિવસ ઉજવી રહ્યો છે.
પત્ની માન્યતાએ આપી ખાસ શુભેચ્છાઓ
આ અવસર પર ચાહકો સંજયદત્તને અભિનંદન આપી રહ્યા છે. તેની લેડી લવ લેડી માન્યતા દત્તે પણ સંજયદત્તને ખાસ શુભેચ્છાઓ પાઠવી છે. તેણે તેના પતિના જન્મદિવસ પર સોશિયલ મીડિયા પર એક વીડિયો પોસ્ટ કરીને સંજય દત્તને સ્પેશિયલ વિશ કર્યું છે. આ વીડિયોમાં કપલની સુંદર તસવીરો છે જેની સાથે અભિનેતાની પત્નીએ સુંદર કેપ્શન પણ લખ્યુ છે. પોસ્ટમાં તેણે સંજય દત્ત પર દિલ ખોલીને પ્રેમ વરસાવ્યો છે.
View this post on Instagram
તમે અમૂલ્ય છો…
માન્યતાએ પતિ સંજય દત્ત સાથેની ખાસ પળોનો વીડિયો શેર કર્યો છે અને લખ્યું છે કે મારા જીવનસાથીને જન્મદિવસની શુભકામનાઓ. મારી સૌથી મજબૂત અને લાઈફ સપોર્ટ સિસ્ટમ! તમારી અંદરની ઉર્જાના કિરણો, તમામ બાધાઓને પાર કરી શકે છે. કોઈ પણ કઠિનાઈ અને પડકારો પર કાબૂ મેળવી લે છે. તમે જેવા છો તેવા જ રહો, તમે મારા માટે અમૂલ્ય છો, ફક્ત મારા માટે નહિ, પરંતુ એ તમામ વ્યક્તિઓ માટે જેઓ તમને પ્રેમ કરે છે, તમને દિલો-જાનથી ચાહે છે. મારા સ્ટાર તમે ચમકતા રહો. ઘણો બધો પ્રેમ.
સંજય દત્તની આગામી ફિલ્મો
સંજય દત્ત આગામી દિવસોમાં ઘણી ફિલ્મોમાં જોવા મળવાનો છે. તેની અજય દેવગન, મૃણાલ ઠાકુર અને કુબ્રા સૈત અભિનીત ‘સન ઑફ સરદાર 2’ ફિલ્મ છે. આ સિવાય તે કન્નડ ફિલ્મ કેડી- ધ ડેવિલ, ધ ગુડ મહારાજા, મુન્નાભાઈ 3, ઘુડચઢી અને માસ્ટર-બ્લાસ્ટર જેવી ફિલ્મોમાં જોવા મળશે. આમાંથી કેટલીક ફિલ્મો આ વર્ષે જ રીલીઝ થશે અને કેટલીક 2025માં રીલીઝ થશે
આ પણ વાંચોઃ દિલ્હીમાં શાહરૂખ અને ગૌરી રહેતા હતા તે ફ્લેટમાં હવે દિકરા આર્યનનું રોકાણ, કરોડોમાં છે કિંમત
