બિહાર સરકારને ‘સુપ્રીમ’ આંચકો, અનામત અંગે હાઈકોર્ટના નિર્ણય પર સ્ટે નહીં
- પટના હાઈકોર્ટે 65% જાતિ આધારિત અનામત આપવાના બિહાર સરકારના નિર્ણયને ગેરબંધારણીય ગણાવીને રદ્દ કરી દીધો હતો
નવી દિલ્હી, 29 જુલાઇ: બિહારમાં 65% અનામત મામલે નીતીશ સરકારને સુપ્રીમ કોર્ટમાંથી ઝટકો લાગ્યો છે. સુપ્રીમ કોર્ટે પટના હાઈકોર્ટના આદેશ પર સ્ટે આપવાનો ઈન્કાર કરી દીધો છે. અગાઉ, 20 જૂને પટના હાઈકોર્ટે 65% જાતિ આધારિત અનામત આપવાના બિહાર સરકારના નિર્ણયને ગેરબંધારણીય ગણાવીને રદ્દ કરી દીધો હતો. નીતિશ સરકારે પટના હાઈકોર્ટના આ નિર્ણયને સુપ્રીમ કોર્ટમાં પડકાર્યો હતો પરંતુ હાલમાં તેને કોઈ રાહત મળી નથી. જો કે સુપ્રીમ કોર્ટે બિહાર સરકારની અપીલને સુનાવણી માટે સ્વીકારી લીધી હતી. કોર્ટે વકીલ મનીષ કુમારને નોડલ વકીલ તરીકે નિયુક્ત કર્યા છે. કોર્ટ હવે આ મામલે સપ્ટેમ્બરમાં સુનાવણી કરશે.
Supreme Court refuses to stay Patna High Court order that set aside the increase in reservation for Backward Classes in public employment and admission to educational institutions.
Supreme Court lists the matter in September for hearing Bihar Government’s plea challenging Patna… pic.twitter.com/JMK4iB7R6g
— ANI (@ANI) July 29, 2024
બિહાર સરકારે અનામતને 65 ટકા કરવા માટે કાયદો પસાર કર્યો
હકીકતમાં, બિહાર સરકારે 9 નવેમ્બર, 2023ના રોજ શૈક્ષણિક સંસ્થાઓ અને સરકારી નોકરીઓમાં અનામતને 50 ટકાથી વધારીને 65 ટકા કરવા માટે કાયદો પસાર કર્યો હતો. બિહાર સરકારે ગયા વર્ષે જાતિ ગણતરી હાથ ધરી હતી અને તે પછી, તે જ આધારે, તેમણે OBC, અત્યંત પછાત વર્ગો, દલિત અને આદિવાસીઓ માટે અનામત વધારીને 65 ટકા કરવાનો નિર્ણય લીધો હતો, જેને પટના હાઈકોર્ટે ગયા મહિને રદ્દ કર્યો હતો.
હાઈકોર્ટના નિર્ણયને SCમાં પડકારવામાં આવ્યો હતો
રાજ્ય સરકારની અરજીમાં, બિહાર સરકારે હાઈકોર્ટના નિર્ણય પર વચગાળાનો સ્ટે માંગ્યો હતો અને કહ્યું હતું કે, જો વચગાળાની રાહત આપવામાં નહીં આવે, તો રાજ્યમાં મોટી સંખ્યામાં ભરતી પ્રક્રિયાઓ ચાલી રહી છે, જેમાંથી કેટલીક અદ્યતન તબક્કામાં છે. આ પસંદગી પ્રક્રિયાને અસર પડશે. પિટિશનમાં કહેવામાં આવ્યું છે કે, પછાત વર્ગનું પૂરતું પ્રતિનિધિત્વ હોવાનું હાઈકોર્ટનું તારણ જાતિ સર્વેક્ષણના આંકડા પર આધારિત છે. આ રાજ્યની અંતરાત્માનું ઉલ્લંઘન છે.
આ પણ જૂઓ: ન્યાયાધીશોએ જામીન અરજીઓમાં કોમન સેન્સનો ઉપયોગ કરવો જોઈએ: CJI ચંદ્રચુડે કેમ આવું કહ્યું?
