પુતિને ભારતીય નૌકાદળનું આ રીતે કર્યું સ્વાગત, વીડિયો જોઈને રહી જશો દંગ

• ભારતીય નૌકાદળનું INS તાબર રશિયાના નેવી ડેની ઉજવણીમાં ભાગ લેવા પહોંચ્યું હતું

નવી દિલ્હી, 29 જુલાઇ: ભારતીય નૌકાદળનું INS તાબર રશિયાના નૌકાદળ દિવસની ઉજવણીમાં ભાગ લેવા રશિયા પહોંચ્યું હતું. આ દરમિયાન રશિયાના પ્રમુખ વ્લાદિમીર પુતિને રવિવારે INS તાબર પર સવાર ભારતીય નૌકાદળના જવાનોનું સ્વાગત કર્યું અને સમારોહમાં હાજરી આપવા બદલ અભિનંદન આપ્યા. ભારતીય નૌકાદળના જવાનોએ સ્ટીલ્થ ફ્રિગેટ INS તાબર સાથે રશિયાના નૌકાદળ દિવસની ઉજવણીમાં ભાગ લીધો હતો.

જુઓ સમારંભનો આ વીડિયો 

 

INS Tabar Greeted By Vladimir Putin On Russia’s Navy Day

The Mumbai-based Talwar-class frigate was born not far from St. Petersburg, where today’s celebrations were taking place.

Captain Mahesh Mangipudi and his crew’s ship was commissioned on April 19, 2004 in the Russian city… pic.twitter.com/FNxyzDMxyx

— RT_India (@RT_India_news) July 28, 2024

પુતિને નૌકાદળને અભિનંદન પાઠવ્યા

INS તાબર રશિયાના નેવી ડેની ઉજવણીમાં ભાગ લેવા સેન્ટ પીટર્સબર્ગ પહોંચ્યું હતું. આ દરમિયાન રશિયાના રાષ્ટ્રપતિ વ્લાદિમીર પુતિને સેન્ટ પીટર્સબર્ગમાં નેવા નદી પર નેવલ પરેડની સમીક્ષા કરી અને નૌકાદળના ખલાસીઓને અભિનંદન પણ પાઠવ્યા. પુતિનની આ ખાસ સ્ટાઈલનો વીડિયો સોશિયલ મીડિયા પર વાયરલ થઈ રહ્યો છે.

ચીનનું ડિસ્ટ્રોયર પણ જોડાયું 

રશિયન નેવી 2017થી નેવી ડે નિમિત્તે પરેડનું આયોજન કરે છે. આ વર્ષે, રશિયા નેવી ડે ઇવેન્ટમાં 20 રશિયન સપાટી જહાજો, ગનબોટ, ચાર સઢવાળી જહાજો અને એક સબમરીને ભાગ લીધો હતો. આ સાથે ભારતના INS તાબર, અલ્જીરિયાના પ્રશિક્ષણ જહાજ સૌમ્મમ અને ચીનના વિનાશક જિયાઓઝુઓએ પણ સમારોહમાં ભાગ લીધો હતો. મળતી માહિતી મુજબ, સેન્ટ પીટર્સબર્ગમાં પણ લગભગ 2,500 મરીન સૈનિકો કૂચ કરી ચૂક્યા છે.

INS Tabar ની વિશેષતાઓ

ભારતનું INS Tabar એ ભારત માટે રશિયામાં બનાવવામાં આવેલું સ્ટીલ્થ ફ્રિગેટ છે. તે ભારતીય નૌકાદળના પ્રારંભિક સ્ટીલ્થ યુદ્ધ જહાજોમાંથી એક છે. તે 2004માં રશિયાના કાલિનિનગ્રાડમાં કાર્યરત કરવામાં આવ્યું હતું. INS Tabar આધુનિક હથિયારો અને સેન્સરથી સજ્જ છે. વેસ્ટર્ન નેવલ કમાન્ડ હેઠળ આ જહાજ મુંબઈમાં કાર્યરત છે.

આ પણ જૂઓ: USમાં ગોળીબારની ઘટનાઓ યથાવત, ન્યૂયોર્કના પાર્કમાં ફાયરિંગને કારણે 1નું મૃત્યુ; 6 ઘાયલ