પ્રવાસીઓને મોજ: ફ્લાઇટમાં મળશે WIFIની સુવિધા, આ એરલાઈને શરૂ કરી સર્વિસ

• વિસ્તારા એરલાઈન્સ સુવિધા આપશે

નવી દિલ્હી, 28 જુલાઇ, હવાઈ ​​મુસાફરી કરનારા માટે મોટા સમાચાર આવ્યા છે. દેશની સૌથી મોટી એરલાઇન કંપનીઓમાંથી એક વિસ્તારાએ ફ્લાઈટ્સમાં વાઈ-ફાઈ સેવા શરૂ કરવાની જાહેરાત કરી છે. કંપનીએ પોતે આ માહિતી સોશિયલ મીડિયા પર પોસ્ટ કરી છે. મુસાફરો પાસે તેમના ડેબિટ/ક્રેડિટ કાર્ડનો ઉપયોગ કરીને સેવાનો લાભ લેવાનો વિકલ્પ હશે.

Don’t miss out on important updates even at 35000 ft. ! Get 20 minutes of complimentary in-flight Wi-Fi, a first in Indian Aviation. Now you can purchase the selected plans using Indian credit/debit card in addition to internationally issued credit cards. pic.twitter.com/NTYCOJFY5N

— Vistara (@airvistara) July 27, 2024

હવાઈ ​​મુસાફરી દરમિયાન વાઈ-ફાઈનો ઉપયોગ કરવા માટે મુસાફરોની લાંબા સમયથી માંગ છે. શનિવારે વિસ્તારા એરલાઈન્સે સોશિયલ મીડિયા પ્લેટફોર્મ પર મુસાફરોને સારા સમાચાર આપ્યા છે. હવે તમે પ્લેનમાં 20 મિનિટ સુધી ફ્રી વાઈ-ફાઈનો ઉપયોગ કરી શકો છો. ભારતીય ઉડ્ડયન ક્ષેત્રમાં પ્રથમ વખત કોઈ એરલાઈને આ સુવિધા આપી છે. હાલમાં ફ્રી વાઈ-ફાઈ ઉપયોગની આ સુવિધા માત્ર ઈન્ટરનેશનલ ફ્લાઈટ્સ માટે જ ઉપલબ્ધ રહેશે.

X પરની એક પોસ્ટમાં, એરલાઈને કહ્યું, “35000 ફૂટની ઊંચાઈએ પણ મહત્વપૂર્ણ અપડેટ ચૂકશો નહીં! 20 મિનિટ ફ્રી ઇન- ફ્લાઇટ Wi-Fi મેળવો, જે ભારતીય ઉડ્ડયનમાં પ્રથમ છે. હવે તમે આંતરરાષ્ટ્રીય સ્તરે જારી કરાયેલા ક્રેડિટ કાર્ડ ઉપરાંત ભારતીય ક્રેડિટ/ડેબિટ કાર્ડનો ઉપયોગ કરીને પસંદ કરેલી યોજનાઓ ખરીદી શકો છો.”તે કહે છે કે પ્લાન ખરીદવા માટે, મુસાફરોએ ખાતરી કરવી પડશે કે તેમનું ઇમેઈલ સરનામું તેમની બેંકમાં નોંધાયેલ અને સક્રિય છે. તે પછી, OTP વેરિફિકેશન પછી, તે આ સર્વિસનો ઉપયોગ કરી શકશે.

ક્લબ વિસ્તારાના સભ્યોને મફત ચેટિંગ સેવા મળશે

એરલાઈન્સ અનુસાર, ફ્લાઈટમાં તમામ મુસાફરોને ફ્રી વાઈફાઈ આપવામાં આવશે. તેનો ઉપયોગ કરવા માટે તમારે કોઈ પૈસા ચૂકવવા પડશે નહીં. આ ફ્રી આપવામાં આવી રહ્યું છે. બિઝનેસ ક્લાસ અને પ્લેટિનમ ક્લબના સભ્યોને વધારાનો 50 MB ડેટા આપવામાં આવશે. આ સિવાય ક્લબ વિસ્તારાના સભ્યોને ફ્રી ચેટિંગની સુવિધા મળશે. ભલે તે ઇકોનોમી ટિકિટ પર મુસાફરી કરી રહ્યો હોય.

વિસ્તારા એરલાઈને ત્રણ પ્લાન લોન્ચ કર્યા

વિસ્તારા એરલાઇનના ચીફ કોમર્શિયલ ઓફિસર દીપક રાજાવતે કહ્યું કે 372.74 રૂપિયા ચૂકવીને તમે પેઇડ પ્લાનનો ઉપયોગ ચેટિંગ માટે કરી શકો છો. આમાં વોટ્સએપ અને ફેસબુક મેસેન્જર પર ચેટ કરી શકાય છે. સર્ફિંગ પ્લાન 1,577.54 રૂપિયાનો છે. આમાં ઓડિયો અને વિડિયો જોઈ શકાય છે. ત્રીજો પ્લાન 2,707.04 રૂપિયાનો હશે, જેમાં અનલિમિટેડ ડેટા મળશે. આ તમામ પ્લાન પર પણ GST લાગુ થશે. તેમણે કહ્યું કે આ સુવિધાથી અમારા ગ્રાહકોનો અનુભવ ઘણો સારો રહેશે.

આ પણ વાંચો: ચીનનું વધ્યું ટેન્શન, iPhoneનું ઉત્પાદન થશે ભારતમાં, made in india હશે iPhone 16 Pro