ગુજરાતમાં ઓફશોર ટ્રફ અને શિયરઝોન સક્રિય થતા આ વિસ્તારોમાં ધોધમાર વરસાદની આગાહી

• વેધર બુલેટિનમાં કેટલાક વિસ્તારમાં છુટા છવાયા વરસાદની આગાહી
• વલસાડ, દાદરાનગર હવેલીમાં ભારેથી અતિભારે વરસાદનું રેડ એલર્ટ
• સુરત, તાપી, ડાંગમાં અતિભારે વરસાદ સાથે ઓરેન્જ એલર્ટ

ગુજરાતમાં ઓફશોર ટ્રફ અને શિયરઝોન સક્રિય થતા વિવિધ વિસ્તારોમાં ધોધમાર વરસાદની આગાહી કરવામાં આવી છે. તેમજ 3 કલાક માટેનું વેધર બુલેટિન જાહેર કરવામાં આવ્યું છે. તેમાં કેટલાક વિસ્તારોમાં ગાજવીજ સાથે વરસાદની આગાહી કરાઇ છે. જેમાં સવારે 8 થી 11 વાગ્યા સુધીનું હવામાન વિભાગના વેધર બુલેટિન છે. તેમાં કેટલાક વિસ્તારમાં છુટા છવાયા વરસાદની આગાહી છે.

વલસાડ, દાદરાનગર હવેલીમાં ભારેથી અતિભારે વરસાદનું રેડ એલર્ટ

મોરબી, જામનગર, દેવભૂમિ દ્વારકા, પોરબંદર, રાજકોટ, જુનાગઢમાં ગાજવીજ સાથે વરસાદની આગાહી સાથે રાજ્યમાં સાર્વત્રિક વરસાદ સાથે કેટલાક વિસ્તારોમાં ભારે વરસાદ રહેશે. તેમજ ઑફશોર ટ્રફ અને શિયરઝોન સક્રીય થતા વરસાદ આવશે. આજે વડોદરા, પંચમહાલ, છોટા ઉદેપુર, નવસારી, વલસાડ, દાદરાનગર હવેલીમાં ભારેથી અતિભારે વરસાદનું રેડ એલર્ટ જાહેર કરવામાં આવ્યું છે. જૂનાગઢ, ગીર સોમનાથ, અમરેલી, ભાવનગર, આણંદ મહીસાગર, દાહોદ, નર્મદા, ભરૂચ, સુરત, તાપી, ડાંગમાં અતિભારે વરસાદ સાથે ઓરેન્જ એલર્ટ છે.

વેધર બુલેટિનમાં કેટલાક વિસ્તારમાં છુટા છવાયા વરસાદની આગાહી

હવામાન વિભાગનું 3 કલાક માટે વેધર બુલેટિન જાહેર થયુ છે. જેમાં સવારે 8 થી 11 વાગ્યા સુધીનું હવામાન વિભાગના વેધર બુલેટિનમાં કેટલાક વિસ્તારમાં છુટા છવાયા વરસાદની આગાહી છે. તેમજ સુરત, તાપી, નવસારી, ડાંગ, ભરૂચ,નર્મદા,વલસાડ, દમણ, દાદરા નગર હવેલીમાં ગાજવીજ સાથે વરસાદની આગાહી છે. સમગ્ર કચ્છ, ઉત્તર ગુજરાતમાં ભારે વરસાદ સાથે યલો એલર્ટ જાહેર કરવામાં આવ્યું છે. તેમજ મહેસાણા, પાટણ, અરવલ્લી, અમદાવાદ, ગાંધીનગર, ખેડા, સુરેન્દ્રનગર, બોટાદ, રાજકોટ, પોરબંદર, દ્વારકા, જામનગર, મોરબી સહિત ભારે વરસાદ સાથે યલો એલર્ટ છે. તેમજ કેટલાક વિસ્તારોમાં ગાજવીજ સાથે વરસાદ આવી શકે છે.