ફિર આઈ હસીન દિલરૂબાના ટ્રેલરે ચાહકોનો રોમાંચ અને સસ્પેન્સ વધાર્યું, જાણો રીલીઝ ડેટ
- તાપસી પન્નુ અને વિક્રાંત મેસી અભિનિત ટ્વિસ્ટ અને સસ્પેન્સથી ભરેલા ફિર આઈ હસીન દિલરૂબાના ટ્રેલર દર્શકોને વધુ એક્સાઈટ કર્યા છે તેમાં કોઈ શંકા નથી
25 જુલાઈ, મુંબઈઃ રાની (તાપસી પન્નુ) અને રિશુ (વિક્રાંત મેસી) ફરી મળી ગયા છે, ‘ફિર આઈ હસીન દિલરૂબા’ સાથે તેમની અશાંત સફર ફરી શરૂ થઈ ચૂકી છે. કનિકા ઢિલ્લોં દ્વારા લખાયેલી અને સહ-નિર્મિત તેમજ કલ્પનાશીલ જયપ્રદ દેસાઈ દ્વારા દિગ્દર્શિત, આ ફિલ્મનો ઉદ્દેશ્ય તાપસી અને વિક્રાંતના પાત્રોના જીવનને વધુ ઊંડાણમાં બતાવવાનો છે. બંનેની આ લવસ્ટોરી ઘણી જ અજીબ હશે. નેટફ્લિક્સ પર લોકપ્રિય રોમાંસ પલ્પી થ્રિલર હસીન દિલરૂબાના ચાહકો સિક્વલની આતુરતાથી રાહ જોઈ રહ્યા છે. હાલમાં જ રીલીઝ થયેલું ટીઝર પહેલેથી જ એક્સાઈટમેન્ટ વધારી ચૂક્યું છે અને હવે તેના પછી આવેલું ટ્રેલર લોકોને બેચેન કરી રહ્યું છે. ટ્વિસ્ટ અને સસ્પેન્સથી ભરેલા ફિર આઈ હસીન દિલરૂબાના ટ્રેલરે દર્શકોને વધુ એક્સાઈટ કર્યા છે તેમાં કોઈ શંકા નથી.
View this post on Instagram
ટ્રેલરમાં જોવા મળી સ્ટોરી
તાજેતરમાં રીલીઝ થયેલા ટીઝરમાં, રાની અને રિશુની મુશ્કેલ ભૂતકાળને પાછળ છોડવાનો પ્રયાસ કરવાની કોશિશની એક ઝલક જોવા મળે છે અને ટૂંક સમયમાં જ તેઓ નવી મુશ્કેલીઓના જાળમાં ફસાઈ જતા જોવા મળે છે. સની કૌશલ દ્વારા અભિનીત રહસ્યમયી અભિમન્યુ જેવા નવા ચહેરાઓની એન્ટ્રી તેમની યોજનાને ઉલટાવી દે છે કેમકે તેઓ શાંત જીવન જીવવાનો પ્રયાસ કરી રહ્યા છે. ઓફિસર મૃત્યુંજય, જેને મોન્ટુ ચાચા તરીકે પણ ઓળખવામાં આવે છે, જે જિમી શેરગીલ દ્વારા ભજવવામાં આવેલું પાત્ર છે તે એક નવો મુખ્ય પોલીસ અધિકારી છે જે તેમના જૂઠના નેટવર્કનો પર્દાફાશ કરવા માટે કટિબદ્ધ છે. આ દંપતી હવે સાથે રહેવાની તેમની જૂની રીતો તરફ પાછું ફરે છે. તેમને શંકા છે કે આ ખતરનાક વાતાવરણમાં કોની પર ભરોસો કરી શકાય. એ હજુ એક સવાલ છે જેના વિશે દરેક વ્યક્તિ વિચારે છે અને ટ્રેલરનું રહસ્ય જળવાયેલું રહે છે.
ફિલ્મ ક્યારે રીલીઝ થશે
‘ફિર આયી હસીન દિલરૂબા’ નેટફ્લિક્સ પર 9 ઓગસ્ટે રીલીઝ થશે. ફિલ્મના દિગ્દર્શનની જવાબદારી જયપ્રદ દેસાઈએ સંભાળી છે. તેની વાર્તા કનિકા ઢિલ્લોંએ લખી છે. નિર્માણ આનંદ એલ રાય, હિમાંશુ શર્મા, ભૂષણ કુમાર અને કૃષ્ણ કુમાર દ્વારા કરવામાં આવ્યું છે. ફિલ્મનો પહેલો ભાગ વર્ષ 2021માં ‘હસીન દિલરૂબા’ નામથી રીલીઝ થયો હતો, જેને દર્શકોએ ખૂબ પસંદ કર્યો હતો.
આ પણ વાંચોઃ જ્યારે અજય દેવગણે શાવર લેતી વખતે ફિલ્મ કરી હતી સાઈન.., મળ્યો કારકિર્દીનો પહેલો નેશનલ એવોર્ડ
